<p><span style="font-size: 12px; color: #000000;">ក្រសួងសាធារណៈការ និងដឹកជញ្ជូនបានធ្វើការប្រកាសកាលពីម្សិលមិញថា ក្រុមត្រួតពិនិត្យយានយន្តចល័តបានដាក់ពង្រាយទីតាំងរហូតទៅដល់ ១៤ ខេត្ត ក្នុងឆ្នាំ ២០១៨នេះ។</span></p>
<p><span style="color: #000000;">លោក វ៉ា ស៊ីមសូរិយា ជាអ្នកតំណាងរបស់ក្រសួងបាននិយាយថា មានតែកន្លែងត្រួតពិនិត្យយានយន្តចំនួន ១៤ប៉ុណ្នោះ ប៉ុន្តែគោលបំណងរបស់ក្រុមត្រួតពិនិត្យនេះ គឺដើម្បីជួយសម្រួលដល់ប្រជាពលរដ្ឋគ្រប់កន្លែងទាំងអស់ជុំវិញព្រះរាជាណាចក្រកម្ពុជា។</span></p>
<p><span style="color: #000000;">លោកបានបន្ថែមទៀតថា ក្រសួងនឹងព្យាយាមជំរុញសេវាកម្មនេះឲ្យបានកៀកកន្លែងស្នាក់នៅរបស់ប្រជាពលរដ្ឋ ដើម្បីឲ្យពួកគាត់អាចមកទទួលសេវាកម្មដោយពុំចាំបាច់ធ្វើដំណើរផ្លូវឆ្ងាយតទៀតឡើយ។</span></p>
<p><span style="color: #000000;"><a class="thickbox" title="" href="/FileManager/Commons/2018/1/12/5-12-01-2018--11-12-53.png"><img src="/FileManager/Articles/mce/2018/1/12/5-12-01-2018--11-12-53.png" alt="" /></a><br /></span></p>
<p><span style="color: #000000;">ឥលូវនេះ ក្រុមការងារចល័តកំពុងតែប្រតិ្តបត្តការនៅក្នុងខេត្តកំពង់ធំ និងខេត្តតាកែវ ហើយពួកគាត់នឹងធ្វើការចល័តទីប្រមាណជា ៩២ដងក្នុងរយៈពេលពេញមួយឆ្នាំនេះ។</span></p>
<p><span style="color: #000000;">លោកមានមតិបន្ថែមទៀតថា សម្រាប់យានយន្តណាដែលមានអាជ្ងាប័ណ្ណត្រួតពិនិត្យបច្ចេកទេសផុតកំណត់ គួរតែទៅត្រួតពិនិត្យម្តងទៀតដោយមិនត្រូវរងចាំក្រុមត្រួតពិនិត្យចល័តនោះទេ ដោយសារតែប៉ូលីសនឹងធ្វើការផាកពិន័យប្រសិនបើយានយន្តរបស់ពួកគាត់មិនមានអាជ្ងាប័ណ្ណត្រួតពិនិត្យបច្ចេកទេសដែលមានសុពលភាពត្រឹមត្រូវ។</span></p>
<p><span style="color: #000000;">នាយកវិទ្យាស្ថានសុវត្ថិភាពចរាចរណ៍ លោក អ៊ា ចារិវ៉ា បាននិយាយថា ក្រុមត្រួតពិនិត្យចល័តនេះគឺធ្វើដំណើរចល័តដើម្បីទៅជួយសម្រួលនៅតាមតំបន់ទាំង ១៤ ដោយមិនមានទីតាំងអចិន្រ្តៃយ៍ឡើយ។</span></p>
<p><span style="color: #000000;">លោកបានបន្ថែមទៀតថា រថយន្តដែលប្រើប្រាស់ក្នុងប្រទេសកម្ពុជាមានរហូតទៅដល់ ៨០% សុទ្ធសឹងតែជារថយន្តទិញតពីគេ និងរថយន្តមួយទឹកពីបរទេស នេះជាមួលហេតុដែលរថយន្តទាំងនោះតែងតែមានបញ្ហាបច្ចេកទេសជាច្រើនដូចជា កង់ឡាន ហ្វ្រាំង ឬប្រព័ន្ធចង្កូតជាដើម ដែលតម្រូវឲ្យមានការត្រួតពិនិត្យទៅលើបញ្ហាបច្ចេកទេសទាំងនេះ។</span></p>
<p><span style="color: #000000;">យោងតាមរបាយការណ៍របស់ក្រសួងបានបង្ហាញថា មានរថយន្តប្រមាណ ២៣៤ ០០០គ្រឿងបានមកធ្វើការត្រួតពិនិត្យនៅក្នុងឆ្នាំ២០១៦ ប៉ុន្តែនៅក្នុងឆ្នាំ ២០១៧ យើងសង្កេតឃើញមានការធ្លាក់ចុះដោយមានរថយន្តត្រឹមតែ ២១៦ ០០០ គ្រឿងប៉ុណ្នោះ ៕</span></p>
<p><span style="color: #000000;"><a class="c_tab" href="http://www.khmertimeskh.com/50101661/mobile-vehicle-checks-roll/" target="_blank"><img src="/FileManager/Articles/mce/2018/1/12/khmertimes-12-01-2018--11-13-30.png" alt="" /></a><br /></span></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល ៖ ច័ន្ទ</span></p>
<p style="text-align: right;"><span style="color: #000000;">ប្រភព៖ KhmerTimes</span></p>