<p><span style="color: #000000;"><strong>(ភ្នំពេញ)៖</strong> ក្នុងជំនួបផ្ទាល់ ជាមួយ Khmertalking កាលពីថ្មីៗនេះ តារាសម្តែងរូបស្រស់ នាង ទេព សម្ផស្ស ហាក់បង្ហាញចេតនា នៅតែគ្មានភាពក្លាហាន បើកកកាយរឿងពិត និងនៅតែបន្តការលាក់បាំង ពីរឿងរ៉ាវជីវិតស្នេហាក្រៅឆាក ខណៈកន្លងមក ធ្លាប់ផ្ទុះដំណឹងដ៏គួរឲ្យភ្ញាក់ផ្អើលមកថា នាងធ្លាប់លួចលាក់មានទំនាក់ទំនងស្នេហា ក្រៅឆាក ជាមួយបុរសជនជាតិហ្វីលីពិន រស់ក្នុងស្រុកខ្មែរម្នាក់ រហូតបានកូនម្នាក់ ជាចំណងដៃរួមគ្នា។</span></p>
<p><span style="color: #000000;">នាង ទេព សម្ផស្ស បានថ្លែងក្នុងជំនួបនោះថា «ខ្ញុំសុំទោសបងៗជាមុន ចំពោះរឿងផ្ទាល់ខ្លួន ក្រៅពីការងារសិល្បៈ គឺមិនអាចផ្តល់សម្ភាសន៍បានទេ !»។ ការបដិសេធ មិននិយាយបញ្ហារឿងជីវិតឯកជន ក្រៅសិល្បៈ ពីសំណាក់នាង ទេព សម្ផស្ស នេះបានធ្វើឡើង បន្ទាប់ពីបែកធ្លាយដំណឹង ស្នេហាក្រៅឆាក ជាមួយគូស្នេហ៍ជនជាតិហ្វីលីពិន ឈានដល់ការរស់នៅ ក្រោមដំបូលផ្ទះជាមួយគ្នានោះ។</span></p>
<p><span style="color: #000000;">ស្រីស្រស់ ទេព សម្ផស្ស បាននិយាយថា «រឿងផ្ទាល់ខ្លួន ខ្ញុំសុំរក្សាសិទ្ធិ មិនអត្ថាធិប្បាយអ្វីទាំងអស់។ មូលហេតុមកពីខ្ញុំ មិនចង់ឲ្យកើតមានរឿងវែងឆ្ងាយ ព្រោះបើយើងនិយាយ ឬបកស្រាយកាន់តែកើតមានរឿងដដែលៗ មិនចេះចប់មិនចេះហើយទេ។ ដូច្នេះខ្ញុំចង់និយាយអ្វី ដែលជារឿងល្អៗ ដូចជាវិស័យសិល្បៈប៉ុណ្ណោះ!»។</span></p>
<p><span style="color: #000000;">ជាមួយនឹងការបដិសេធ សម្រាប់ការបកស្រាយរឿងស្នេហាផ្ទាល់ខ្លួន ខាងលើនេះដែរ នាង ទេព សម្ផស្ស បានបង្ហើបប្រាប់ពីការងារសិល្បៈ សព្វថ្ងៃថា កំពុងមមាញឹកច្រើនគួរសម ព្រោះថ្មីៗកន្លងមកនេះ នាងក៏ទើបថតបញ្ចប់ខ្សែភាពយន្ត ចំនួន៣ឬ៤រឿងព្រមគ្នា។ ម្យ៉ាងទៀត ក្រៅពីតំណែងតួឯក ក្នុងខ្សែភាពយន្តរឿង «ចេនឡា២» ត្រូវបានថតបញ្ចប់ និងបានសម្ពោធចាក់បញ្ចាំង នៅថ្ងៃទី០៥ ខែវិច្ឆិកា នោះ បច្ចុប្បន្ននាងក៏កំពុងសម្តែង ខ្សែភាពយន្តថ្មីមួយទៀត ដែលត្រូវចាក់ បញ្ចាំងនៅស្ថានីយទូរទស្សន៍CTN ផងដែរ៕</span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xat1/v/t1.0-9/14907246_1634084486617855_5487261585461154890_n.jpg?oh=b2793e69e64e0167961cc1b6b4001fd7&oe=58880632&__gda__=1486141498_d4ec55c2f7360ecfabf064260dba7a18" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/15036580_1634084489951188_3497836481533808637_n.jpg?oh=a31d605a40909a20bf9d3b1ef626061f&oe=589B515F" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14937312_1634084493284521_7718813743954634896_n.jpg?oh=40ebb28192cc124f6cdb094e6a5b193e&oe=58D4747B" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>