<p><strong>ភ្នំពេញ ៖</strong>កម្លាំងសមត្ថកិច្ច ចម្រុះ ខណ្ឌសែនសុខ បាន មកអន្តរាគមន៍ភ្លាមៗ ដល់កន្លែង កើតហេតុ<br /> បន្ទាប់ពីមានគ្រោះថ្នាក់ចរាចរដែលបង្កឡើងដោយ នារីរូបស្រស់ឆើតឆាយពីរនាក់ បើករថយន្តកាមរី <br />ហាយប្រ៊ីត លឿនជ្រុលបុក រថយន្តសាំងយ៉ុង ក្រឡាប់ផ្ងារ ជើងហើយបន្តទៅបុកជញ្ចាំង ស្តាតម៉ាត<br />របស់ស្ថានីយ៍ប្រេងឥន្ទនៈកាល់តិច បន្ទាប់ពីកើតហេតុ នារីស្រស់ឆើតឆាយ បានហៅ បុរសពីរនាក់ <br />ជិះរថយន្តហាយ លែនឌ័រ ១គ្រឿង មក រំដោះយកនាង ទាំងពីរនាក់នោះ រួចបើករថយន្តបង្កហេតុ<br />គេចខ្លួន បាត់ ថែមទាំងពួកគេបានវាយ នគរបាល ម្នាក់ រងរបួស ទៀតផង ប៉ុន្តែជនក្លាហាន ២ នាក់<br />ឭដែលមករំដោះនារីខាងលើនេះ ត្រូវសមត្ថកិច្ចចាប់វាយខ្នោះ យកទៅអធិការដ្ឋាន នគរបាលខណ្ឌ<br />សែនសុខភ្លាមៗ។</p>
<p>ហេតុការណ៍ នេះ បានកើតឡើង កាលពីវេលាម៉ោង ២៤ និង ០០ នាទីយប់ថ្ងៃទី ២៩ខែកក្កដា ឆ្នាំ<br />២០១៣ ស្ថិតនៅចំណុច ស្ថានីយ៍ប្រេងឥន្ធនៈកាល់តិច ក្នុងភូមិត្រពាំងឈូក សង្កាត់ទឹកថ្លា ខណ្ឌ<br />សែនសុខ ។</p>
<p>ប្រភពព័ត៌មានពីនគរបាល ខណ្ឌសែនសុខ បានឲ្យដឹងថា មុនពេលកើតហេតុ មាននារី៍ម្នាក់ អាយុ<br />ប្រហែល ២២ឆ្នាំ បានបើកបរ រថយន្តកាមរីហាយ ប្រ៊ីត ពណ៌ទឹកប្រាក់ ពាក់ស្លាកលេខភ្នំពេញ 2V-<br />6886 បើកបរតាមបណ្តោយផ្លូវលេខ ៥៩៨ ក្នុងទិសដៅពីជើង ទៅត្បូង ដោយបានបើកបរ ក្នុង<br />ល្បឿនយ៉ាង លឿន សម្រុកចូលក្នុងស្ថានីយ៍ ប្រេងឥន្ធនៈកាល់តិច ខណៈ រថយន្តកាមរីហាយប្រ៊ិត <br />បានគេចពីម៉ូតូសេ ១២៥ មួយគ្រឿងបណ្តាលឲ្យជ្រុលទៅបុកចំក្បាល រថយន្តសាំងយ៉ុងពណ៌ស្លែ <br />ពាក់ស្លាកលេខ ភ្នំពេញ ២ I-8556 ដែលកំពុងចតស្ងៀមនៅលើចិញ្ចើមផ្លូវ បណ្តាលឲ្យរថយន្តសាំង<br />យ៉ុងក្រឡាប់ផ្ងារជើងច្រងាង ហើយរថយន្តកាមរីហាយប្រ៊ិតបានបន្តល្បឿនជ្រុល ទៅបុកចំជញ្ជាំង<br />ស្តាតម៉ាតស្ថានីយ៍ប្រេងឥន្ធនៈកាល់តិច គាបជាប់ខ្ទេចក្បាលរថយន្តកាមរីហាយប្រ៊ីត នឹងជញ្ជាំង។<br /> បន្ទាប់ពី មានហេតុការណ៍ ដ៏រន្ធត់ខាងលើនេះ មានបុរសចំនួន ២ នាក់ទៀត វ័យជាង ២០ឆ្នាំបាន<br />បើក រថយន្តហាយឡែនឌ័រ ពណ៌ទឹកប្រាក់ ១គ្រឿងមក ឈប់កន្លែងកើតហេតុដោយបានប្រទូស្ត<br />រាយ ជាមួយសមត្ថកិច្ច ដើម្បីរំដោះយកនារីរូបស្រស់ ដែលបើកបរ រថយន្តបង្កហេតុឲ្យរត់គេចខ្លួន<br />បាត់ ។ ចំណែកបុរស ២ នាក់នោះ បានវាយប្រហារ ទៅលើនគរបាល ខណ្ឌសែនសុខ ម្នាក់<br />បណ្តាលឲ្យរងរបួស ហូរឈាម ស្រោចខ្លួន ទើបត្រូវសមត្ថកិច្ចចម្រុះខណ្ឌសែនសុខ ចាប់វាយខ្នោះ<br />ពួកគេទាំងពីរនាក់ យកទៅឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌសែនសុខ រង់ចាំ<br />ប្រគល់ឲ្យសមត្ថកិច្ចជំនាញ ។</p>
<p>ពាក់ព័ន្ធនឹងហេតុការណ៍នេះ បណ្តាលឲ្យបុរសជាម្ចាស់ រថយន្តសាំងយ៉ុងម្នាក់ ត្រូវរងរបួសធ្ងន់ <br />ខណៈដែល រូបគាត់ កំពុងដេកក្នុងរថយន្ត ប៉ុន្តែរថយន្តទាំង ២ គ្រឿងត្រូវរងការខូចខាតស្ទើរទាំង<br />ស្រុង ។ សមត្ថកិច្ចមូលដ្ឋាន បានបញ្ចាក់ថា បន្ទាប់ពីកើតហេតុសមត្ថកិច្ចជំនាញបានចុះមកវាស់<br />វែងស្ទូចយករថយន្តទាំង ២គ្រឿងនិងឃាត់ខ្លួន បុរស ២ នាក់ ដែលមកអន្តរាគមន៍រំដោះនារី បើក<br />បររថយន្តហេតុយកទៅកាន់ ការិយាល័យចរាចរណ៍ជើងគោករាជធានីភ្នំពេញដើម្បីដោះស្រាយ<br />តាមផ្លូវច្បាប់ ។ ចំពោះករណីនេះបង្កឡើង ដោយសារម្ចាស់រថយន្តកាមរី ហាយប្រ៊ីត បានបើកបរ<br />លឿនពេក ទើបជ្រុលបុករះរថយន្តសាំងយ៉ុង និងជញ្ជាំងស្តាតម៉ាតស្ថានីយ៍ប្រេងឥន្ធនៈកាល់តិច<br /> ទាំងកំរោលតែម្តងទៅ ។</p>
<p>សាក្សីដែលចោមរោមមើល ទិដ្ឋភាព ដែលបុរស ២ នាក់ វាយប្រហារលើនគរបាល ម្នាក់បណ្តាល<br />ឲ្យរងរបួសបាននិយាយរិះគន់យ៉ាងខ្លាំង ចំពោះទង្វើរបស់ពួកគេ ដែលប្រព្រឹត្តនៅសកម្មភាពផ្ទុយ<br />ពីច្បាប់។ ដូច្នេះប្រជាពលរដ្ឋនឹងទន្ទឹមរង់ចាំមើលតើបុរសទាំង ២ នាក់នេះ ជាកូនលោកណា អីក៏<br />ថ្លើមធំម៉្លេះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0756.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0757.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0758.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0759.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0760.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>