<p>រយៈពេល ២ថ្ងៃ នៃការធ្វើបាតុកម្មនៅវៀតណាម ដើម្បីប្រឆាំងចិន រោងចក្រជាង ១០០០ ត្រូវ<br />បិទទ្វារ ខណៈរោងចក្រ ជាង ១០ ត្រូវបានដុតបំផ្លាញ ហើយមនុស្សជិត ៥០០នាក់ ក៏ត្រូវបាន<br />ចាប់ខ្លួន។</p>
<p><a class="thickbox" title="" href="/FileManager/Commons/2014/5/15/vn-15-05-2014--12-31-25.jpg"><img style="display: block; margin-left: auto; margin-right: auto;" src="/FileManager/Articles/mce/2014/5/15/vn-15-05-2014--12-31-25.jpg" alt="" /></a><br />កាលពីថ្ងៃទី ១៣ និង ១៤ កន្លងទៅ ពលកររាប់ម៉ឺននាក់ បាននាំគ្នាចេញធ្វើបាតុកម្ម ប្រឆាំងនឹង<br />អ្វីដែលពួកគេអះអាងថា ចិនកំពុងរំលោភលើដែនទឹករបស់ខ្លួន និងការដំឡើងម៉ាស៊ីនឃួងប្រេង<br /> HaiYang ៩៨១ របស់ចិន នៅសមុទ្រចិនខាងត្បូង ដែលវៀតណាម ហៅថា សមុទ្រខាងកើត។ <br />បាតុកម្មនេះ បានក្លាយជាអំពើហឹង្សា ហើយក្រុមហ៊ុន រោងចក្រជាច្រើន ត្រូវបានដុតបំផ្លាញ។<br /><br />រោងចក្រជាង ១០ នៅក្នុងតំបន់សេដ្ឋកិច្ច Amata ក្នុងខែត្រ Dong Nai និងបណ្ដារោងចក្រ ជា<br />ច្រើនទៀត ត្រូវបានដុត និងវាយបំផ្លាញ ក្នុងនោះ មានដូចជា Maxim , Mega , Dona Newtower <br /> និង ក៏ត្រូវរងការខូចខាត។ ក្នុងចំណោមរោងចក្រដែលត្រូវរងគ្រោះ ក៏មានរោងចក្ររបស់តៃវ៉ាន់<br /> KMC ផងដែរ។</p>
<p style="text-align: center;"><a class="thickbox" title="" href="/FileManager/Commons/2014/5/15/vn1-15-05-2014--12-35-27.jpg"><img src="/FileManager/Articles/mce/2014/5/15/vn1-15-05-2014--12-35-27.jpg" alt="" /></a></p>
<p>ក្រុមហ៊ុន និងរោងចក្រប្រហែល ១០០០កន្លែង បានអនុញ្ញាតឱ្យបុគ្គលិក កម្មកររបស់ខ្លួន ផ្អាក<br />ការងារបណ្ដោះអាសន្ន ក្នុងនោះ ក៏មានរោងចក្រខ្លះ ចងបដា ដែលមានសរសេរថា “គាំទ្រវៀត<br />ណាម” ឬថា “យើងខ្ញុំជាជនជាតិកូរ៉េខាងត្បូង” ។ល។ ដើម្បីបញ្ចៀសពីការវាយបំផ្លាញពីក្រុម<br />បាតុករ។</p>
<p style="text-align: center;"><a class="thickbox" title="" href="/FileManager/Commons/2014/5/15/vn2-15-05-2014--12-33-32.jpg"><img src="/FileManager/Articles/mce/2014/5/15/vn2-15-05-2014--12-33-32.jpg" alt="" /></a></p>
<p>ប្រភពព័ត៌មាន បានឱ្យដឹងថា មកដល់ពេលនេះ បាតុកម្ម នៅតែបន្ដ ហើយ នគរបាលវៀតណាម<br /> កំពុងតែធ្វើអន្ដរាគមន៍លើបញ្ហានេះ និងបានចាប់ខ្លួនយុវជន និងកម្មករចំនួន ជិត ៥០០នាក់ នៅ<br />ក្នុងខែត្រ Binh Duong ដែលគេសង្ស័យថា បានចូលរួមប្រើអំពើហឹង្សា ដុតបំផ្លាញរោងចក្ររបស់<br />ចិន។</p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ vnexpress<br /><br /></p>