<div class="article-content">
<p><strong>បាត់ដំបងៈ</strong> បុរសម្នាក់ ដែលរស់ នៅអនាថា តាមដងផ្លូវ បានវ៉ៃធ្វើបាបកូន ឲ្យដើរសុំទាន គេយក<br />លុយ ផឹកស្រា និងជក់ថ្នាំញៀន ត្រូវកម្លាំង នគរបាលក្រុង ចាប់បញ្ជូន មកស្នងការខេត្ត កាលពី<br />វេលា ម៉ោង២៣ និង៤៧នាទី យប់ថ្ងៃទី៣ ខែវិច្ឆិកា ឆ្នាំ២០១៣ នៅចំណុចផ្សារបឹងឈូក ស្ថិតក្នុង<br />ភូមិ ព្រែកមហាទេព សង្កាត់ស្វាយប៉ោ ក្រុងបាត់ដំបង ។</p>
<p>ប្រភពព័ត៌មាន ពីមន្រ្តីនគរបាល ការិយាល័យប្រឆាំង ការជួញដូរមនុស្ស និងការពារអនីតិជនខេត្ត<br /> បានឲ្យដឹងថា ជនអនាថា (ជនសង្ស័យ) ដែលសមត្ថកិច្ច បានឃាត់ខ្លួន បានមានឈ្មោះ ញ៉ុក សុខ<br />ណា ហៅ ម៉ៅ ភេទប្រុស អាយុ៣៤ឆ្នាំ មានស្រុកកំណើត ភូមិអណ្តូងព្រីង សង្កាត់អូរម៉ាល់ ក្រុង<br />បាត់ដំបង បានវ៉ៃធ្វើកូនៗទាំង៥នាក់ ឲ្យដើរសុំទានគេគ្រប់ទីកន្លែង ហើយបានយកលុយ ដែលសុំ<br />បានយកមក ផឹកស្រា និងទិញថ្នាំញៀន ជក់ជាប្រចាំពេលស្រឹងម្តងៗ តែងវ៉ៃធ្វើបាបកូនរាល់ថ្ងៃ <br />ខណៈប្រពន្ធឈ្មោះ ពៅ អិត ហៅផល បានរត់ចោលបាត់ ។ ជាក់ស្តែងកាលពីវេលា ម៉ោង២៣និង<br />៤៧នាទី យប់ថ្ងៃទី៣ ខែវិច្ឆិកា ឆ្នាំ២០១៣ នៅចំណុចផ្សារបឹងឈូក ស្ថិតក្នុងភូមិព្រែកមហាទេព<br /> សង្កាត់ស្វាយប៉ោ ក្រុងបាត់ដំបង ជន សង្ស័យកំពុងស្រវឹងស្រា និងថ្នាំញៀន ក៏បានធ្វើបាបវ៉ៃកូន<br /> ស្រីអាយុ១០ឆ្នាំ (ជាកូនទី២) រហូតដល់ បែកក្បាលហូរឈាម ត្រូវបានសមត្ថកិច្ចជួយ ដឹកយកទៅ<br />ដេរ នៅមន្ទីរពេទ្យ ខេត្តចំនួន១០ថ្នេរ ក្រោយពី បាននាំក្មេងទៅមន្ទីពេទ្យរួចហើយ កម្លាំងនគរបាល<br />ក្រុង ដែលដើរល្បាតពេលយប់ បានឃាត់ខ្លួនឪពុក (ជនសង្ស័យ) បញ្ជូនមកការិយាល័យជំនាញ<br />ទាំងយប់ ដើម្បីសួរនាំដោយមានការ ជួយឧត្ថមគាំទ្រពី អង្គការ CPU ផងដែរ។</p>
<p>ជនសង្ស័យ បានឆ្លើយសារភាពថា ខ្លួនពិតជាបានវ៉ៃកូន និងបានបង្ខំឲ្យកូនៗ ដើរសុំទាន គេរាល់<br />ថ្ងៃដើម្បី យកលុយមកឲ្យខ្លួនផឹកស្រានិងប្រើប្រាស់ថ្នាំញៀន ខណៈដែលប្រពន្ធខ្លួន បានរត់ចោល<br /> បានបន្សល់ ទុកកូនឲ្យខ្លួនជាអ្នកគ្រប់គ្រង ម្នាក់ឯង ។ បើតាមចម្លើយ កូនស្រីរងគ្រោះ បាននយាយ<br />ថា ដោយសារតែ ម្តាយពួកនាងទ្រាំ នៅជាមួយមិនបានក៏សម្រេច ចិត្តរត់ចោលទាំងឪពុក និងកូន<br />រហូតដល់សព្វថ្ងៃ ហើយ ឪពុកនាងតែងតែដេញ កូនឲ្យដើរម្តាយរាល់ថ្ងៃផងដែរ ។</p>
<p>យោងតាមបទល្មើស ជាក់ស្តែងរបស់ជនសង្ស័យ ដែលបានប្រព្រឹត្ត និងចម្លើយសារភាពរួចមកការិ<br />យា ល័យជំនាញ បានកសាងសំណុំរឿងបញ្ជូន ខ្លួនជនសង្ស័យទៅ តុលាការខេត្ត ដើម្បីចាត់ការតាម<br />ច្បាប់ ។</p>
<p> សូមបញ្ជាក់ថា ជនអនាថាមួយចំនួនបាននាំគ្នាមកស្នាក់នៅ ចំកណ្តាលក្រុងម្តុំ នាគបាញ់ទឹក ចងមុង<br />ដេកយ៉ាងអាណាធិបតេយ្យ ជាច្រើនខែមកហើយ តែបច្ចុប្បន្នអាជ្ញាធរ ស្ថាប័នជំនាញ ឬអង្គការក្រៅ<br />រដ្ឋាភិបាលទទួលបន្ទុកនៅពុំទាន់មានចំណាត់ការណាមួយនៅឡើយទេចំពោះរឿងនេះ ហើយជន<br />អនា ថាទាំងនោះនៅកន្លែងណាដើរអុកឡុករំខានគេកន្លែងនោះគ្រប់ពេល។</p>
<p>ជាក់ស្តែងអាជីវករដែលនៅលក់ដូរនៅផ្សាររាត្រីមាត់ស្ទឹងបានត្អូញត្អែជាខ្លាំងពីការរំខានរបស់ពួកអនា<br />ធិបតេយ្យនេះ ហើយពួកគេបានសំណូមពរដល់អាជ្ញាធរដែនដី និងស្ថាប័នពាក់ព័ន្ធ មេត្តាមានវិធានការ<br />ចាត់ការរឿងនេះផង៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-011/Hong-0073.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-011/Hong-0074.jpg" alt="" width="500" /></p>
</div>
<div class="ja-content-bottom clearfix">
<div style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</div>
</div>