<div class="ja-content-main">
<div class="article-content">
<p><strong>ខេត្តកណ្តាលៈ</strong> បុរសម្នាក់ ជនជាតិឥណ្ឌូនេស៊ី ជាបុគ្គលិកកាស៊ីក្រោមផ្នែក (អនឡាញ) បានដេកស្លាប់ នៅក្នុងបន្ទប់ជួល ដោយពុំមានមូលហេតុ ។ ហេតុការណ៍ នេះកើតឡើង កាលពីវេលាម៉ោង៧និង៣០នាទី ព្រឹកថ្ងៃទី១៩ ខែមិថុនា ឆ្នាំ២០១៤ ស្ថិតនៅក្នុងបន្ទប់ផ្ទះជួលលេខ៣៦០ បន្ទប់លេខ៧ ភូមិជ្រៃធំ ឃុំសំពៅពូន ស្រុកកោះធំ ខេត្តកណ្តាល។</p>
<p>នគរបាលបានឲ្យដឹងថា ជនរងគ្រោះឈ្មោះ david (ដា វីដ) ភេទប្រុស អាយុ៣០ឆ្នាំ ជនជាតិឥណ្ឌូនេស៊ី មានមុខរបរ ជាបុគ្គលិកក្រុមហ៊ុនកាស៊ីណូក្រោន ផ្នែក អនឡាញ (online) ស្នាក់នៅផ្ទះជួល ក្នុងភូមិ ឃុំកើតហេតុខាងលើ។</p>
<p>នគរបានបន្តទៀតថា មុនពេលកើតហេតុ មិត្តភក្តិរបស់ជនរងគ្រោះ បានដើរទៅដាស់ជនរងគ្រោះ ឲ្យទៅធ្វើការដូចសព្វដង លុះពេលទៅដាស់នោះ ស្រាប់តែ ប្រទះឃើញជនរងគ្រោះ ដេកស្លាប់បាត់ មិនដឹងតាំងពីពេលណានោះទេ ក៏កើតមានការភ្ញាក់ផ្អើល ដល់ប្រជាពលរដ្ឋ និងនគរបាលមូលដ្ឋាន ចុះទៅពិនិត្យសព ។ ប៉ុន្តែគេពុំទាន់ដឹងពីមូល នៃការដេកស្លាប់នេះនៅឡើយទេ ដោយនគរបាលមូលដ្ឋាន រង់ចាំជំនាញចុះទៅពិនិត្យសព៕</p>
<p><img src="http://image.dap-news.com:81/dap-news/dap-images/2014/June/id-014/that-0365.jpg" alt="Photo by DAP-News" width="500" /></p>
<p><img src="http://image.dap-news.com:81/dap-news/dap-images/2014/June/id-014/that-0366.jpg" alt="Photo by DAP-News" width="500" /></p>
<p style="text-align: right;"><br />ផ្តល់សិទ្ធិដោយ៖ ដើមអម្ពិល</p>
<div></div>
</div>
</div>