<p>ខ្សែភាពយន្តដែលយើងនឹងណែនាំជូនលោកអ្នកថ្ងៃនេះគឺ Rise Of The Guardians ដែលជាខ្សែ<br />ភាពយន្តសម្រាប់រដូវកាលបុណ្យណូអែល និងវិស្សមកាលឆ្នាំថ្មី។<br /><a class="thickbox" title="" href="/FileManager/Commons/2012/12/12/rise-of-the-guardians-2012-wide-12-12-2012--11-49-44.jpg"><img style="display: block; margin-left: auto; margin-right: auto;" src="/FileManager/Articles/mce/2012/12/12/rise-of-the-guardians-2012-wide-12-12-2012--11-49-44.jpg" alt="" /></a><br />ខ្សែភាពយន្ត Rise Of The Guardians គឺជាខ្សែភាពយន្តគំនូរជីវចល 3D ដែលផលិតដោយក្រុម<br />ការងារ DreamWork Animation ក្រោមការដឹកនាំរបស់អ្នកដឹកនាំរឿងលោក Peter Ramsey និង<br />សម្ដែងតាមសាច់រឿងក្នុងសៀវភៅរឿងប្រលោមលោករឿង Rise Of The Guardians របស់អ្នក<br />និពន្ធ William Joyce។ ក្នុងនោះក៏មានការចូលរួមបញ្ចូលសម្លេងពីសំនាក់តារាបញ្ចូលសម្លេងល្បីៗ<br />ដូចជា Chris Pine, Alec Baldwin, Jude Law និង Isla Fisher ក៏ដូចជា Hugh Jackman ផងដែរ។<br /><a class="thickbox" title="" href="/FileManager/Commons/2012/12/12/rise-of-the-guardians5-12-12-2012--11-50-36.jpg"><img style="display: block; margin-left: auto; margin-right: auto;" src="/FileManager/Articles/mce/2012/12/12/rise-of-the-guardians5-12-12-2012--11-50-36.jpg" alt="" /></a><br />ខ្សែភាពយន្តនេះនិយាយអំពីរដូវកាលបុណ្យចុងឆ្នាំ ដែលគេរាប់ពី Easter មកដល់បុណ្យណូអែល<br />ដែលត្រូវបានបំផ្លាញដោយបីសាចក្រោមគ្រែកូនក្មេង Boogeyman ឬឈ្មោះពិតហៅថា Pitch។<br />ហើយការបំផ្លាញបុណ្យនេះនឹងធ្វើអោយក្ដីសុខរបស់ក្មេងៗតូចៗត្រូវបានបាត់បង់ ហើយមានតែ<br />សុបិន្តអាក្រក់។ ហេតុនេះហើយអ្នកការពារ Guardian ទាំង ៤ គឺ Santa, Tooth Fairy, Easter Bunny<br />និង Sandman ត្រូវចួលរួមជាមួយអ្នកការពារថ្មីគឺទេវតាព្រិលទឹកកក Jack Frost។<br /><a class="thickbox" title="" href="/FileManager/Commons/2012/12/14/postcardsandman-1---copy-14-12-2012--09-00-05.jpg"><img style="display: block; margin-left: auto; margin-right: auto;" src="/FileManager/Articles/mce/2012/12/14/postcardsandman-1---copy-14-12-2012--09-00-05.jpg" alt="" /></a><a class="thickbox" title="" href="/FileManager/Commons/2012/12/12/sandman-rise-of-the-guardians-12-12-2012--11-51-14.jpg"></a><br />ក្នុងខ្សែភាពយន្តនេះប្រសិនបើដាក់ចំណាត់ថ្នាក់ភាពគួរអោយស្រលាញ់របស់តួអង្គនោះ លេខ ១<br />គឹប្រហែលជាបានទៅលើ Sandman ដែលជាទេវតានៃសុបិន្តហើយមើលទៅព្រោះវាពិតដែល<br />តួអង្គមួយនេះគឺជាតួអង្គដែលគួរអោយស្រលាញ់ជាងគេ ទោះបីជាគេត្រូវបានតាក់តែងឡើងដោយ<br />មិនអោយចេះនិយាយក្ដី។<br /><a class="thickbox" title="" href="/FileManager/Commons/2012/12/12/rise-of-the-guardians-12-12-2012--11-52-00.jpg"><img style="display: block; margin-left: auto; margin-right: auto;" src="/FileManager/Articles/mce/2012/12/12/rise-of-the-guardians-12-12-2012--11-52-00.jpg" alt="" /></a><br />ក្នុងសាច់រឿងនេះមិនត្រឹមតែមានដំណើរនៃការការពារបុណ្យណូអែល និងក្មេងៗកុំអោយជនអាក្រក់<br />Pitch ធ្វើបាបនោះទេ Jack Frost ក៏ត្រូវស្វែងរកថាតើគេជានរណាគេអោយពិតប្រាកដផងដែរ។<br />ហើយខ្សែភាពយន្តនេះមានចាក់បញ្ចាំងចាប់ពីថ្ងៃនេះតទៅនៅរោងភាពយន្ត លេជេន ផ្សារំទនើប City<br />Mall ជាន់ទី ៣។ កុំភ្លេចនាំកូនៗ និងមនុស្សជាទីស្រលាញ់ទៅមើលទាំងអស់គ្នា៕</p>
<p><object style="display: block; margin-left: auto; margin-right: auto;" width="450" height="400" data="http://www.youtube.com/v/yd71LWhCO4s&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/yd71LWhCO4s&rel=1" /></object></p>
<p style="text-align: right;">ដោយ៖ ម៉ូកា <a href="http://www.imdb.com/name/nm0279545/"></a></p>