<p><span style="line-height: 1.8; color: #000000;"><strong>(ភ្នំពេញ)៖</strong> កញ្ញា ធី សុវណ្ណថា ជាតារា Facebook ដ៏ល្បាញល្បីដែលមានអ្នក Like រហូតដល់ជាង ១.៣លាននាក់ បានចេញមុខមកប្រកាស នៅថ្ងៃទី២៥ ខែកុម្ភៈ ឆ្នាំ២០១៦នេះថា នឹងស្នើសុំសិទ្ធិគ្រប់គ្រងទូរទស្សន៍សង្គ្រោះជាតិ (ទូរទស្សន៍ព្រះអាទិត្យ) ហើយកញ្ញាសន្យាថា នឹងធ្វើឲ្យទូរទស្សន៍សង្គ្រោះជាតិ ដំណើរការឆាប់ៗ។</span></p>
<p><span style="color: #000000;">ការចេញមុខរបស់កញ្ញា ធី សុវណ្ណថា ទាមទារសិទ្ធិគ្រប់គ្រងទូរទស្សន៍សង្គ្រោះជាតិ ទំនងជាមេដឹកនាំគណបក្សសង្គ្រោះជាតិ មានបញ្ហាផ្ទៃក្នុងរបស់ខ្លួន និងមិនចេះគ្រប់គ្រង ឬចាត់ការងារហើយមើលទៅ ទើបនៅថ្ងៃនេះកញ្ញា ធី សុវណ្ណថា ចេញមុខមកប្រកាសសុំសិទ្ធិគ្រប់គ្រងទូរទស្សន៍នេះ។</span></p>
<p><span style="color: #000000;">សូមជំរាបថា ក្រសួងព័ត៌មាន បានចេញលិខិតឱ្យគណបក្សសង្គ្រោះជាតិ បង្កើតទូរទស្សន៍ព្រះអាទិត្យ ប៉ុន្តែរហូតមកដល់ពេលនេះនៅមិនទាន់លេចចេញជារូបរាងនៅឡើយទេ ហើយមូលនិធិដែលគណបក្សសង្គ្រោះជាតិទទួលបានពីអ្នកគាំទ្ររបស់ខ្លួន មិនទាន់បង្ហើបឱ្យដឹងពីចំនួនលុយពិតប្រាកដនៅឡើយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/2/25/14-25-02-2016--14-34-56.jpg"><img src="/FileManager/Articles/mce/2016/2/25/14-25-02-2016--14-34-56.jpg" alt="" /></a><br /></span></p>
<p> </p>
<p style="text-align: right;"> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>