<p><span style="color: #000000;"><strong>(ភ្នំពេញ)៖</strong> នៅប្រមាណ៣០នាទីមុននេះ នាព្រឹកថ្ងៃទី២៥ ខែធ្នូ ឆ្នាំ២០១៥ គេហទំព័ររបស់អង្គភាពប្រឆាំងអំពើពុករលួយ បានអះអាងថា ជនដែលដកកាំភ្លើងគំរាមបាញ់សន្តិសុខកាលពីយប់មិញ ស្ថិតនៅតាមបណ្តោយផ្លូវលេខ១៧៨ កែងនឹងផ្លូវលេខ១៣ ក្បែរសាលារចនា ឬ ហៅថា(សាលាក្រហម) ស្ថិតក្នុងសង្កាត់ជ័យជំនះ ខណ្ឌដូនពេញ គឺជាមន្រ្តីទាហានសក្តិ៤ ឈ្មោះ ស្រី វារៈ មិនមែនជាមន្រ្តី ACU នោះទេ។</span></p>
<p><span style="color: #000000;">ការលើកឡើងរបស់អង្គភាពប្រឆាំងអំពើពុករលួយ ខាងលើនេះ ធ្វើឡើងបន្ទាប់ពី Fresh News បានចេញផ្សាយនៅព្រឹកមិញថា មន្រ្តីដែលបម្រើការងារ នៅអង្គភាពប្រឆាំងអំពើពុករលួយម្នាក់ ACU បានដកកាំភ្លើងខ្លីអាម៉េ ហើយយកទៅភ្ជង់ក្បាលបុរសសន្តិសុខម្នាក់ ដោយស្រែកគំរាមថា នឹងបាញ់សម្លាប់ចោលដោយសារតែជននេះ ខឹងនឹងជនរងគ្រោះថាជាមេនាំភ្លើង ឲ្យប្តីប្រពន្ធរបស់ខ្លួនឈ្លោះប្រកែកគ្នា ហើយឈានទៅដល់ការប្រើអំពើហិង្សាទៀតផង នេះបើយោងតាមការនិយាយរបស់ជនរងគ្រោះ (សូមទស្សនាវីដេអូ)។</span></p>
<p><span style="color: #000000;">សូមជំរាបថា បុរសរងគ្រោះដែលបំរើការងារនៅ ក្រុមហ៊ុនសន្តិសុខឯកជនឈ្មោះ (Securitas) បានប្រាប់ភ្នាក់ងារ Fresh News យ៉ាងដូច្នេះថា មុនកើតហេតុជនសង្ស័យបានដើរត្រឡប់មកពីកន្លែង ផ្ញើរថយន្តសំដៅចូលមកផ្ទះ តែពុំទាន់បានចូលផងក៏ជួប និងគាត់ដែលកំពុងឈរ យាមជិតផ្ទះជនសង្ស័យ។ ពេលនោះបុរសរងគ្រោះ ដែលធ្លាប់តែសួរនាំជនបង្កជាធម្មតាដូចសព្វដងនោះ ក៏បាននិយាយទៅកាន់ជនបង្កថា លោកពូទើបមកពីណាស្មើហ្នឹង ដោយឃើញជនបង្កមានកាន់ទូរស័ព្ទ នៅនិងដៃក៏គាត់បាននិយាយទៀតថា សង្ស័យលោកពូខល ទៅរកស្រីក្មេងហើយមើលទៅ តែគាប់ជួនពេលនោះប្រពន្ធរបស់ជនបង្កក៏នៅក្បែរបានលឺធ្វើឲ្យប្រពន្ធ របស់ជនបង្កខឹងក៏កើតជម្លោះ។</span></p>
<p><span style="color: #000000;">ពេលឈ្លោះប្រកែកគ្នានោះ ធ្វើឲ្យប្តីខឹងបានទះកំផ្លៀងប្រពន្ធមួយដៃ បណ្តាលឲ្យដួលហើយភ្លាមនោះ ជនបង្កបានមករករឿងសន្តិសុខថា មកពីហ្អែង បានប្តីប្រពន្ធអញឈ្លោះគ្នាហ្អែង ចង់បំបែកបំបាក់គ្រួសារអញមែនទេ?</span></p>
<p><span style="color: #000000;">និយាយមិនទាន់ផុតផង ជនបង្កបានដកកាំភ្លើងខ្លី ពីចង្កេះអាមេភ្ជង់ក្បាលហើយ គំរាមបាញ់សម្លាប់ចោល ដោយប្រើភាសាយ៉ាងធ្ងន់ថា «អញបាញ់ហ្អែងងាប់ម្នាក់ពីរនាក់ ក៏គ្មាននរណាហ៊ាន ចាប់អញដាក់គុកដែរ» ហើយបុរសរងគ្រោះ មិនបានតបតទេ ទោះបីជាគេគំរាមបាញ់សម្លាប់យ៉ាងណាក្តី ហើយជនបង្កនៅតែកាន់កាំភ្លើង ទាំងអាមេរួចដើរភ្ជង់គេទៀត៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xap1/v/t1.0-9/993882_917713681650847_460802983052026138_n.jpg?oh=4c89813a1604d42d948d2ca593930879&oe=57049F10" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpf1/t31.0-8/10287041_1537342203246812_591937383724745769_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xaf1/t31.0-8/12140942_1537342196580146_1011451848967302666_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-a-a.akamaihd.net/hphotos-ak-xft1/t31.0-8/1274174_1537342236580142_7605064495405475028_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpt1/t31.0-8/12031348_1537342239913475_5920921920912397816_o.jpg" alt="" width="730" /></span></p>
<p style="text-align: center;"> </p>
<p style="text-align: center;"><object width="568" height="487" data="http://www.youtube.com/v/zVwejMawvM8&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/zVwejMawvM8&rel=1" /></object><span style="color: #000000;"><br /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>