<p><span style="color: #000000;"><strong>(ភ្នំពញ)៖</strong> មានការផ្អើលពេញផ្ទះជួលមួយកន្លែង ស្ថិតនៅភូមិត្រពាំងជ្រៃ សង្កាត់កាកាប ខណ្ឌពោធិ៍សែនជ័យ ខណៈដែលបុរសម្នាក់ បានតាមទាន់ប្រពន្ធ កំពុងនាំសាហាយស្មន់មកឡើងឋានសួគ៌ដល់ក្នុងបន្ទប់ដេកតែម្តង។ ការដែលស្រ្តីជាប្រពន្ធឥតកេរ្តិ៍ខ្មាស់នាំប្រុសសាហាយមកដល់បន្ទប់ជួលខាងលើនេះ ដោយសារតែលោកប្តីរវល់ទៅធ្វើការរោងចក្រ។</span></p>
<p><span style="color: #000000;">ដោយសារតែទ្រាំលែងបាន បុរសជាប្តីក៏ប្តឹងនគរបាលមូលដ្ឋានឲ្យចុះមកឃាត់ខ្លួន រួចហើយទាំងសាហាយ និងប្រពន្ធត្រូវបាននគរបាលនាំយកទៅសួរនាំ នៅប៉ុស្តិ៍ដើម្បីចាត់ការបន្តទៀត។</span></p>
<p><span style="color: #000000;">មន្រ្តីនគរបាលបានឱ្យដឹងថា បុរសជាប្តីដែលបានរៀបការពេញច្បាប់មានឈ្មោះ ហន ថៃ អាយុ២២ឆ្នាំ មុខរបរកម្មកររោងចក្រ ចំណែក ប្រពន្ធមានឈ្មោះ ដួង លីដា អាយុ២៣ឆ្នាំ គ្មានមុខរបរ ស្នាក់នៅបន្ទប់ជួលកន្លែងកើតហេតុ មានស្រុកកំណើតនៅភូមិតាំងបន្ទាយ ឃុំវាពន់ ស្រុកថ្ពង ខេត្តកំពង់ស្ពឺ។ ចំណែកប្រុសស្នេហ៍ ដែលជាសាហាយស្មន់វ័យក្មេងនោះឈ្មោះ ជៀម នី អាយុ១៩ឆ្នាំ មុខរបរធ្វើការកម្មករសំណង់ នៅភូមិព្រៃទាល់ សង្កាត់ស្ទឹងមានជ័យ ខណ្ឌមានជ័យ។</span></p>
<p><span style="color: #000000;">បើតាមមន្រ្តីនគរបាលមុនកើតហេតុ នៅវេលាម៉ោង៦ព្រឹក បុរសជាប្តី បានចេញពីបន្ទប់ទៅធ្វើការរោងចក្របាត់ ដោយប្រពន្ធមិនទៅធ្វើ</span><br /><span style="color: #000000;">ការទេ សុំច្បាប់សម្រាកនៅបន្ទប់ជួលថា មិនសូវស្រួលខ្លួន។ ខណៈដែលប្តីចេញពីធ្វើការវិញនៅវេលាម៉ោង១១ថ្ងៃត្រង់ ដល់ម៉ោងសម្រាកមកហូបបាយ នៅបន្ទប់ជួលជាមួយប្រពន្ធ។ ស្រាប់តែពេលបើកទ្វារ ក៏ឃើញប្រពន្ធកំពុងគីគីលូ ជាមួយប្រុសសាហាយវ័យក្មេង ពេលនោះធ្វើឱ្យ</span><br /><span style="color: #000000;">បុរសជាប្តីទប់អារម្មណ៍ សឹងមិនជាប់ សឹងតែប្រហាឲ្យក្ស័យទាំងពីរតែម្តង ប៉ុន្តែមិនដាច់ចិត្ត ក៏ប្តឹងសមត្ថកិច្ចឲ្យឃាត់ប្រពន្ធ និងសាហាយស្មន់តែម្តងដើម្បីជួយដោះស្រាយតាមផ្លូវច្បាប់៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-01-25-14-30-25-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-25-14-30-29-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-25-14-30-30-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>