<p><span style="color: #000000;"><strong>(គូឡាឡាំពួ)៖</strong> ក្រុមហ៊ុន Honda នៅប្រទេសម៉ាឡេស៊ី បានប្រកាសឲ្យដឹងនៅថ្ងៃនេះថា ខ្លួនមានវិធានការប្រមូលរថយន្តប្រមាណ ១៤៧,៨៩៤គ្រឿង ត្រឡប់មកជួសជុលវិញ បន្ទាប់ពីរកឃើញថា រថយន្តទាំងនោះ មានបញ្ហាពោងសុវត្ថិភាពផ្នែកខាងមុខ។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី២៣ ខែមិថុនា។</span></p>
<p><span style="color: #000000;">នៅក្នុងសេចក្ដីប្រកាសបានឲ្យដឹងថា ក្រុមការងារ Honda នឹងធ្វើការប្រមូលរថយន្តទាំងនោះដោយផ្ទាល់ ដើម្បីយកមកផ្លាស់ប្ដូរ ពោងសុវត្ថិភាព ហើយចំពោះការចំណាយវិញគឺជាផ្ទុករបស់ក្រុមហ៊ុន Honda Malaysia។</span></p>
<p><span style="color: #000000;">ក្រុមហ៊ុន Honda Malaysia បានលើកឡើងថា ពោងសុវត្ថិភាពគឺជាកត្តាចម្បងដែលត្រូវយកចិត្តទុកដាក់ ដូច្នេះក្រុមហ៊ុនត្រូវតែធានាឲ្យបាន នូវសុវត្ថិភាពរបស់អ្នកប្រើប្រាស់ ហើយក៏សោកស្ដាយផងដែរ ដែលកើតមានបញ្ហាដូចខាងលើ៕</span></p>
<p><span style="color: #000000;"><a class="thickbox" title="" href="/FileManager/Commons/2016/6/24/01-24-06-2016--09-17-52.jpg"><img src="/FileManager/Articles/mce/2016/6/24/01-24-06-2016--09-17-52.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>