<p><span style="color: #000000;"><strong>(មេនឆេស្ទើ)៖</strong> ក្រុមបាល់ទាត់កាំភ្លើងធំ Arsenal កម្រទទួលបានជ័យនៅទឹកដីពហុកីឡដ្ឋាន Old Trafford របស់ក្លឹបបិសាចក្រហម Manchester United ណាស់ ដែលត្រូវជួបគ្នាជាថ្មីក្បាលព្រលប់ ម៉ោង ១៩៖៣០នាទីស្អែកនេះ (ម៉ោង នៅកម្ពុជា) សម្រាប់ជើងទី១ នៃ Premier League។</span></p>
<p><span style="color: #000000;">បិសាចក្រហម កំពុងស្ថិតនៅលេខ៦ ក្នុងតារាងជាបណ្តោះអាសន្នដោយមាន១៨ពិន្ទុ ខណៈដែល Arsenal កំពុងឈរ នៅលេខរៀងទី៣ ដោយរកបាន២៤ពិន្ទុ តែប្រសិនបើ Man Utd ឈ្នះអាចឡើងទៅឈរនៅលេខ៣ បណ្តោះអាសន្នវិញ ក្នុងកៅអីក្របខណ្ឌកំពូល UEFA Champions League ដែលកំពុងប្រកបដោយទំនុកចិត្ត ក្រោយពេលយកឈ្នះ ម្ចាស់ផ្ទះ Swansea City ៣-១ កាលពីក្នុងសប្តាហ៍ទី១១។</span></p>
<p><span style="color: #000000;">ងាកមកចាប់អារម្មណ៍ Arsenal វិញ ទើបតែមិនអាចរកជ័យជំនះខ្លួនឯង ពេលលេងបានត្រឹមស្មើ ១-១ ទល់នឹងក្រុមភ្ញៀវ Tottenham Hotspur ដែលជាហេតុមិនអាចឡើងទៅកាន់តំណែងកំពូលតារាងបាន របូតឱកាសទៅ ឲ្យក្រុមហង្សក្រហម Liverpool ដោយរកបាន ២៦ពិន្ទុ ក្នុងចំណោមក្រុមទាំង៣ Arsenal និង Manchester City ទើប ចាញ់ ១ប្រកួតដូចគ្នា។</span></p>
<p><span style="color: #000000;">ប្រវត្តិជួបគ្នា ៦ប្រកួតចុងក្រោយ Arsenal លេងឈ្នះ Man Utd តែម្តងគត់ និងស្មើ១ដង ក្រៅពីនោះអាចទាំងអស់ ហើយមាន១ដងកាលពីឆ្នាំ២០១១ Arsenal បានចាញ់ Man Utd ស្ពឹកមុខរហូតដល់លទ្ធផល ៨-២ និងពិន័យកាត ក្រហម១ថែមទៀតផង ក្នុង Premier League ដូចគ្នា ដែលជាប្រវត្តិសាស្រ្តដ៏អាក្រក់បំផុតរបស់ក្រុមកាំភ្លើងធំ ដែលរបូតគ្រាប់បាល់ច្រើនបែបនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2016/11/18/02a-18-11-2016--16-20-47.jpg"><span style="color: #000000;"><img src="/FileManager/Articles/mce/2016/11/18/02a-18-11-2016--16-20-47.jpg" alt="" /></span></a></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>