<p><span style="color: #000000;">យ៉ាងហោច ១៥៩នាក់ស្លាប់ និង ៣៦៨នាក់រងរបួស បន្ទាប់ពីមានគ្រោះរញ្ជូយផែនដីកម្លាំង ២,២ </span><br /><span style="color: #000000;">richter កើតឡើង កាលពីម្សិលមិញ ធ្វើឱ្យញាប់ញ័រភាគកណ្ដាលនៃប្រទេសអ៊ីតាលី។</span></p>
<p><span style="color: #000000;"><a class="thickbox" title="" href="/FileManager/Commons/2016/8/25/earth2-25-08-2016--08-39-55.jpg"><span style="color: #000000;"><img style="display: block; margin-left: auto; margin-right: auto;" src="/FileManager/Articles/mce/2016/8/25/earth2-25-08-2016--08-39-55.jpg" alt="" /></span></a></span></p>
<p><span style="color: #000000;">ទីភ្នាក់ងារអង្កេតភូគព្ភសាស្ត្រអាមេរិក(USGS) បានឱ្យដឹងថា គ្រោះរញ្ជូយផែនដីនេះ កើតឡើងនៅ</span><br /><span style="color: #000000;">ភាគនិរតីនៃទីក្រុង Perugia ក្នុងតំបន់ Umbria កាលពីវេលាម៉ោង ៣និង៣៦នាទី (ម៉ោង១និង៣៦</span><br /><span style="color: #000000;">នាទី GMT)។ យោងតាមអាជ្ញាធរដែនដី ទីរួមស្រុក Amatrice និង Accumoli គឺជាកន្លែងដែលរង</span><br /><span style="color: #000000;">គ្រោះធ្ងន់បំផុត នេះបើតាមសេចក្ដីរាយការណ៍នៃទំព័រ Yahoo News ។ មកដល់ពេលនេះ កម្លាំង</span><br /><span style="color: #000000;">ជួយសង្គ្រោះ នៅតែកកាយរកមនុស្សដែលអាចនៅមានជីវិត។</span></p>
<p><span style="color: #000000;">នាយករដ្ឋមន្ដ្រីអ៊ីតាលី Matteo Renzi បានសន្យាថា នឹងបន្តជួយសង្គ្រោះមនុស្សដែលនៅមានជីវិត</span><br /><span style="color: #000000;"> ក៏ដូចជាជួយដល់គ្រួសារដែលបានបាត់បង់ផ្ទះសម្បែង។</span></p>
<p><span style="color: #000000;">Michael Gilroy ពលរដ្ឋអាមេរិក ជាមួយនឹងមិត្តស្រី នៅជាន់ទីពីរនៃសណ្ឋាគារមួយនៅទីរួមស្រុក </span><br /><span style="color: #000000;">Montepulciano បានឱ្យដឹងថា ៖ “យើងខ្ញុំប្រញាប់ប្រមូលរបស់របរ និងរត់ចេញពីសណ្ឋាគារ យ៉ាង</span><br /><span style="color: #000000;">ប្រញាប់ ដូចអ្នកដទៃ។ ខ្ញុំបានឃើញអំពូលភ្លើងយោលទៅយោលមកយ៉ាងខ្លាំង ហើយខ្ញុំដឹងថា </span><br /><span style="color: #000000;">កំពុងតែមានអ្វីកើតឡើង”។</span></p>
<p><span style="color: #000000;"><a class="thickbox" title="" href="/FileManager/Commons/2016/8/25/earth4-25-08-2016--08-40-28.jpg"><span style="color: #000000;"><img style="display: block; margin-left: auto; margin-right: auto;" src="/FileManager/Articles/mce/2016/8/25/earth4-25-08-2016--08-40-28.jpg" alt="" /></span></a></span></p>
<p><span style="color: #000000;">Michael Gilroy បន្តថា កម្រិតនៃការខូចខាតនៅ Montepulciano ដែលជាទីរួមស្រុកមួយនៅក្បែរ</span><br /><span style="color: #000000;">ភ្នំមួយនៅភាគខាងត្បូង Tuscany គឺពិតជាធំធេង។ Gilroy ថ្លែងថា ៖ “ផ្ទះជាច្រើនបានដួលរលំ </span><br /><span style="color: #000000;">បាក់ស្រុតលើដងផ្លូវ”។</span></p>
<p><span style="color: #000000;">កាលពីឆ្នាំ ២០០៩ ក៏មានគ្រោះរញ្ជូយដីមួយដែលមានកម្លាំង ៦,៣ richter កើតឡើងនៅក្បែរទីរួម</span><br /><span style="color: #000000;">ស្រុក L’Aquila ភាគកណ្ដាលអ៊ីតាលី បណ្ដាលឱ្យមានមនុស្សស្លាប់ ២៩៥នាក់ និងជាង ១.០០០</span><br /><span style="color: #000000;">នាក់ផ្សេងទៀតរងរបួស ខណៈមនុស្ស ៥៥.០០០នាក់ បានបាត់បង់ផ្ទះសម្បែង។</span></p>
<p><span style="color: #000000;">កាលពីខែកញ្ញា ឆ្នាំ ១៩៩៧ គ្រោះរញ្ជូយដីដែលមានកម្លាំង ៦ richter បានបណ្ដាលឱ្យមានមនុស្ស</span><br /><span style="color: #000000;">ស្លាប់ ១១នាក់ រួមនឹង ១០០នាក់ រងរបួស។ គ្រោះរញ្ជូយដីនេះ បានបំផ្លាញផ្ទះអស់ ៨០.០០០ខ្នង</span><br /><span style="color: #000000;"> នៅតំបន់ Marche និង Umbria។</span></p>
<p><span style="color: #000000;"><object style="display: block; margin-left: auto; margin-right: auto;" width="450" height="400" data="http://www.youtube.com/v/q1hEpCtnECk&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/q1hEpCtnECk&rel=1" /></object></span></p>
<p><span style="color: #000000;">ថ្ងៃទី ១៣មករា ឆ្នាំ ១៩១៥ គ្រោះរញ្ជូយដីកម្លាំង ៦,៧ richter បានកើតឡើងនៅតំបន់ Abruzzo </span><br /><span style="color: #000000;">ក្បែរក្រុង Avezzano បានសម្លាប់មនុស្សប្រហែល ៣២.០០០នាក់។</span></p>
<p><span style="color: #000000;">យោងតាម AP ទីភ្នាក់ងារអង្កេតភូគព្ភសាស្ត្រអាមេរិក ក៏បានឱ្យដឹងថា គ្រោះរញ្ជួយដីដែលមាន</span><br /><span style="color: #000000;">កម្លាំង ៦,៨ richter ក៏បានកើតឡើងនៅភាគខាងលិចទីក្រុង Bagan ប្រហែល ២៥គីឡូម៉ែត្រ។ </span><br /><span style="color: #000000;">គ្រោះរញ្ជូយដីនេះ បានបណ្ដាលឱ្យវត្តពុទ្ធសាសនាប្រមាណជា ៩៤វត្ត ត្រូវរងការខូចខាត៕</span></p>
<p style="text-align: right;"><span style="color: #000000;">ប្រែសម្រួល ៖ តារា</span></p>