<p><span style="color: #000000;">សាលាដំបូងខេត្តកណ្តាល បានចោទប្រកាន់គ្រូបង្រៀនភាសាអង់គ្លេសជនជាតិហ្វីលីពីនម្នាក់ នៅសាលាឯកជនមួយនៅក្រុងតាខ្មៅ ពីបទរំលោភក្មេងស្រីអាយុ ៤ ឆ្នាំដែលជាសិស្សរបស់គាត់។</span><br /><span style="color: #000000;"></span><br /><span style="color: #000000;">លោក កែវ ពិសិដ្ឋ ស្នងការក្រុងតាខ្មៅ បានកំណត់អត្តសញ្ញាណជនជាប់ចោទ ឈ្មោះ Roman Palo Aquino ជាគ្រូបង្រៀនអាយុ ២៧ ឆ្នាំ បង្រៀនភាសាអង់គ្លេសនៅសាលាអន្តរជាតិ វេស្ទលែនដ៍ ក្នុងក្រុងតាខ្មៅ ខេត្តកណ្តាល។</span><br /><span style="color: #000000;"></span><br /><span style="color: #000000;">លោក កែវ ពិសិដ្ឋ បាននិយាយថា ជនរងគ្រោះមានអាយុ ៤ឆ្នាំជាសិស្សរបស់លោក Aquino។</span><br /><span style="color: #000000;"></span><br /><span style="color: #000000;">លោក Aquino ត្រូវបានចោទប្រកាន់ពីបទរំលោភរំលោភសេពសន្ថវៈ ដោយមានស្ថានទម្ងន់ទោស និងប្រឈមមុខនឹងការជាប់ពន្ធនាគារពី ៧ ទៅ ១០ឆ្នាំ ប្រសិនបើត្រូវបានផ្តន្ទាទោស។</span></p>
<p><span style="color: #000000;"><a class="thickbox" title="" href="/FileManager/Commons/2019/5/16/1-16-05-2019--09-48-42.PNG"><img src="/FileManager/Articles/mce/2019/5/16/1-16-05-2019--09-48-42.PNG" alt="" /></a><br /></span></p>
<p><span style="color: #000000;">លោក Aquino ត្រូវសមត្ថកិច្ចក្រុងតាខ្មៅចាប់ខ្លួនកាលពីថ្ងៃសុក្រ បន្ទាប់ពីមានបណ្តឹងរបស់ឪពុកម្តាយជនរងគ្រោះ។ បច្ចុប្បន្នលោក Aquino កំពុងស្ថិតនៅក្នុងការឃុំខ្លួនបណ្តោះអាសន្ន។</span><br /><span style="color: #000000;"></span><br /><span style="color: #000000;">លោក ម៉េង ហុង បាននិយាយថាឪពុកជនរងគ្រោះ បានទៅយកកូនស្រីចេញពីសាលារៀនកាលពីថ្ងៃសុក្រ នៅម៉ោង ១០:៣០ នាទីព្រឹក។ ពេលមកដល់ផ្ទះម្តាយរបស់នាងរៀបចំងូតទឹកឲ្យកូនស្រីរបស់គាត់ ស្រាប់តែឃើញមានឈាមនៅលើខោទ្រនាប់ និងនៅលើប្រដាប់ភេទរបស់នាង។</span><br /><span style="color: #000000;"></span><br /><span style="color: #000000;">គាត់បានសួរកូនស្រីរបស់គាត់ពីដំណើររឿង។ ជនរងគ្រោះបានប្រាប់ម្តាយថានៅប្រហែលម៉ោង ១០:១៥ នាទីព្រឹក មុនពេលចាកចេញពីសាលារៀន គ្រូរបស់នាងឈ្មោះ Aquino បាននាំនាងទៅបន្ទប់ទឹកដើម្បីងូតទឹកឲ្យនាង។ ជនរងគ្រោះបាននិយាយថាលោក Aquino បានរំលោភនាងនៅក្នុងបន្ទប់ទឹកនោះ។</span><br /><span style="color: #000000;">លោក ហុង បានកត់សម្គាល់ថា បន្ទាប់ពីជនរងគ្រោះបានប្រាប់ម្តាយរបស់នាងពីអ្វីដែលបានកើតឡើង ម្តាយនាងបាននាំទៅមណ្ឌលសុខភាពក្រុង។ គ្រូពេទ្យបានបញ្ជាក់ថា ជនរងគ្រោះត្រូវបានគេរំលោភ។<br /><br />លោក ហុង បានបន្ថែមថា បន្ទាប់ពីទទួលបានការបញ្ជាក់ពីវេជ្ជបណ្ឌិត ឪពុកម្តាយបានខឹងសម្បានឹងលោក Aquino ហើយបានដាក់ពាក្យបណ្តឹងទៅសមត្ថកិច្ចតែម្តង។<br /><br />លោក Aquino ត្រូវបានចាប់ខ្លួននៅសាលារៀន ម៉ោង ១២ ថ្ងៃត្រង់កាលពីថ្ងៃសុក្រ ៕</span></p>
<p><span style="color: #000000;"><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/5/16/khmertime-16-05-2019--09-48-51.png" alt="" /></a><br /></span></p>
<p style="text-align: right;"><span style="color: #000000;">ប្រភព ៖ khmertimes</span></p>