<p><span style="color: #000000;">សម្តេចតេជោ ហ៊ុនសែន បានមានប្រសាសន៍ថា ដោយសារតែប្រទេសកម្ពុជាខ្វះខាតធនធានមនុស្ស ដូច្នេះហើយប្រទេសយើងចាំបាច់ត្រូវជួលកម្មករចិន ដើម្បីធ្វើការសាងសង់ ។</span></p>
<p><span style="color: #000000;">យោងតាមការថ្លែងកាលពីថ្ងៃពុធ ក្នុងពិធីសម្ពោធសាកលវិទ្យាល័យមួយនៅឯខេត្តក្រចេះ សម្តេចតេជោ ហ៊ុនសែន បានមានប្រសាសន៍ថា ដោយសារតែខ្វះកម្មករជំនាញក្រុមហ៊ុននិងវិនិយោគិនបរទេសបាននាំយកអ្នកបច្ចេកទេស និងកម្មករឲ្យអនុវត្តគម្រោងរបស់ខ្លួន ។</span></p>
<p><span style="color: #0000ff;"><a href="/news/detail/50164/welcome-to-advertisement-page-of-camnews"><span style="color: #0000ff;">-ឱកាសពិសេសសម្រាប់អ្នកចង់ផ្សាយពាណិជ្ជកម្ម នៅលើគេហទំព័រ Camnews </span></a></span></p>
<p><a class="thickbox" title="" href="/FileManager/Commons/2018/4/25/1-25-04-2018--14-19-12.png"><img src="/FileManager/Articles/mce/2018/4/25/1-25-04-2018--14-19-12.png" alt="" /></a><a href="/news/detail/50164/welcome-to-advertisement-page-of-camnews"></a></p>
<p><span style="color: #000000;">សុំកុំបារម្ភថា ប្រជាជនចិនចង់រស់នៅក្នុងប្រទេសកម្ពុជា ។ ពួកគេគ្រាន់តែចង់បញ្ចប់ការងាររបស់ខ្លួន និងនាំយកប្រាក់ទៅប្រទេសកំណើតរបស់ខ្លួនវិញតែប៉ុណ្ណោះ ។ លោកបានបន្ថែមទៀតថា ប្រសិនបើប្រទេសកម្ពុជាអាចផ្គត់ផ្គង់ធនធានមនុស្សគ្រប់គ្រាន់ ក្រុមហ៊ុនចិននឹងមិននាំកម្មករបន្ថែមទៀតពីប្រទេសរបស់ខ្លួននោះទេ។</span></p>
<p><span style="color: #000000;">លោកបានមានប្រសាសន៍ទៀតថា កម្ពុជាមិនមានកម្មករគ្រប់គ្រាន់ ក្នុងការសាងសង់ស្ពាននិងអគារខ្ពស់នៅឡើយទេ ។ ហើយនេះជាមូលហេតុដែលជនជាតិចិនជាច្រើនបានមកធ្វើការនៅក្នុងប្រទេសកម្ពុជា ។</span></p>
<p><span style="color: #000000;">សម្តេចតេជោ ហ៊ុនសែន បានថ្លែងថា ភ្ញៀវទេសចរចិនចំនួន ១,២ លាននាក់ បានមកលេងប្រទេសកម្ពុជាហើយបានបង្កើតចំណូល និងអត្ថប្រយោជន៍សម្រាប់ប្រទេសកម្ពុជាជាច្រើន ។ ហើយក្រុមហ៊ុនចិនជាច្រើនកំពុងវិនិយោគ និងរួមចំណែកដល់ការអភិវឌ្ឍប្រទេសកម្ពុជាជាពិសេសហេដ្ឋារចនាសម្ព័ន្ធ ។</span></p>
<p><span style="color: #000000;">បច្ចុប្បន្ននេះ ពលករចិន អ្នកទេសចរ និងអ្នកវិនិយោគ បានមកកាន់ប្រទេសកម្ពុជា ដើម្បីរកប្រាក់ចំណូលការងារ និងធ្វើទស្សនកិច្ចប្រទេសហើយបន្ទាប់ពីនោះពួកគេនឹងត្រលប់ទៅកាន់ប្រទេសរបស់ពួកគេវិញ ជាក់ជាមិនខាន ។ សម្តេចតេជោ ហ៊ុនសែន បញ្ជាក់ ៕</span></p>
<p><a class="c_tab" href="https://www.khmertimeskh.com/50483450/chinese-will-not-live-in-cambodia-pm-says/" target="_blank"><img src="/FileManager/Articles/mce/2018/4/25/khmertimes-25-04-2018--14-19-31.png" alt="" /></a></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល ៖ គន្ធា</span></p>
<p style="text-align: right;"><span style="color: #000000;">ប្រភព ៖ khmertimes</span></p>