<p>ក្លាយជាបវរកញ្ញាឯកពិភពលោក គឺជាក្ដីស្រមៃរបស់នារីរាប់រយលាននាក់ ក្នុងពិភពលោក ប៉ុន្ដែមិនមែនស្រីស្អាតរូបណា ក៏មានសម្រស់ ចំណេះដឹង និងគុណសម្បត្តិគ្រប់គ្រាន់ដើម្បីឈានដល់វគ្គផ្ដាច់ព្រ័ត្រ។ ដូច្នេះ ដើម្បីបានទៅដល់គោលដៅ ឬដល់ចំណុចកំពូលណាមួយ នោះពួកនាងប្រាកដជាត្រូវហ្វឹកហាត់យ៉ាងធ្ងន់ធ្ងរក្នុងសាលាបណ្ដុះបណ្ដាលស្រីស្អាត។</p>
<p style="text-align: center;"><a class="thickbox" title="" href="/FileManager/Commons/2013/11/7/venezuela-២-07-11-2013--21-24-52.jpg"><img src="/FileManager/Articles/mce/2013/11/7/venezuela-២-07-11-2013--21-24-52.jpg" alt="" /></a></p>
<p><br /><strong>សូមស្វែងយល់អំពីការបណ្ដុះបណ្ដាលបវរកញ្ញា នៅ Venezuela ៖</strong></p>
<p>ពិភពលោក បានចាត់ទុកបវរកញ្ញាលំដាប់អន្ដរជាតិ ថា ជា “ផលិតផលពិសេស” របស់ Venezuela ព្រោះថា ប្រទេសអាមេរិកខាងត្បូងមួយនេះ គឺជាស្រុកកំណើតរបស់បវរកញ្ញាពិភពលោកចំនួន ៥រូប បវរកញ្ញាអន្ដរជាតិ ចំនួន ៥រូប បវរកញ្ញាចក្រវាឡ ចំនួន ៦រូប។ ជោគជ័យទាំងអស់នេះ កើតឡើងពីវិស័យឧស្សាហកម្មបណ្ដុះបណ្ដាលបវរកញ្ញា ដែលប្រកបដោយជំនាញ និងមានប្រព័ន្ធច្បាស់លាស់របស់ Venezuela ។</p>
<p style="text-align: center;"><a class="thickbox" title="" href="/FileManager/Commons/2013/11/7/venezuela-៣-07-11-2013--21-25-49.jpg"><img src="/FileManager/Articles/mce/2013/11/7/venezuela-៣-07-11-2013--21-25-49.jpg" alt="" /></a></p>
<p style="text-align: center;"><em>កុមារីទាំងអស់ សុទ្ធតែមានបំណងចង់ក្លាយជាបវរកញ្ញា តាំងពីនៅក្មេង</em></p>
<p style="text-align: center;"><em><br /></em></p>
<p>នៅ Venezuela អ្នករាល់គ្នា មានការយកចិត្តទុកដាក់ខ្លាំង ទៅលើសម្រស់។ កុមារីទាំងអស់នៅប្រទេសនេះ តែមានក្ដីស្រមៃថា ធំឡើងនឹងក្លាយជាបវរកញ្ញា។ នៅពេលមានអាយុ ៦ឆ្នាំ ពុកម្ដាយ បានឱ្យកូនៗ របស់ខ្លួន ទៅសិក្សានៅសាលាបណ្ដុះបណ្ដាលផ្នែកសម្រស់បែបអាជីព។ ក្នុងចំណោមសាលាបណ្ដុះបណ្ដាលវិស័យសម្រស់ល្បីៗជាច្រើន ក៏មានមជ្ឈមណ្ឌលបណ្ដុះបណ្ដាលបវរកញ្ញា Venezuela ដែលស្ថិតនៅភាគខាងជើងរដ្ឋធានី Caracas ។ នៅទីនេះ ត្រូវបានគេស្គាល់ថា ជា “មណ្ឌលបង្វឹក Olympic សម្រស់” សម្រាប់នារីមានសម្រស់ ដោយមាន “ទេពអប្សរ” ជួយប្រែក្លាយនារីដែលមិនមានឈ្មោះល្បី ក្លាយជាស្រីស្អាត និងត្រូវបានគេស្គាល់ច្រើន។</p>
<p style="text-align: center;"><a class="thickbox" title="" href="/FileManager/Commons/2013/11/7/venezuela-៤-07-11-2013--21-26-20.jpg"><img src="/FileManager/Articles/mce/2013/11/7/venezuela-៤-07-11-2013--21-26-20.jpg" alt="" /></a></p>
<p style="text-align: center;"><em>កុមារីទាំងនោះ ត្រូវបានបង្ហាត់អំពីការប្រើស្ទីល តាំងពី A-Z</em></p>
<p><br />នៅក្នុងបណ្ដាសាលាបណ្ដុះបណ្ដាល កុមារី Venezuela ត្រូវបានបង្រៀនអំពីការសំដែងនានាសិល្បៈនៃការផាត់មុខ ធ្វើសក់ និងការបញ្ចេញវោហារសាស្ដ្រ។ ទាំងអស់គ្នា ឈានចូលក្នុងឆាកប្រកួតប្រជែងប្រកបដោយភាពខ្លាំងក្លា សង្ឃឹមថានឹងទទួលបានចំណាប់អារម្មណ៍ពីក្រុមអ្នកគ្រប់គ្រង អ្នកជ្រើសរើស។</p>
<p style="text-align: center;"><a class="thickbox" title="" href="/FileManager/Commons/2013/11/7/venezuela-៦-07-11-2013--21-27-32.jpg"><img src="/FileManager/Articles/mce/2013/11/7/venezuela-៦-07-11-2013--21-27-32.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/11/7/venezuela-៥-07-11-2013--21-26-56.jpg"><img src="/FileManager/Articles/mce/2013/11/7/venezuela-៥-07-11-2013--21-26-56.jpg" alt="" /></a></p>
<p>បណ្ដាកុមារីដែលមានភាពលេចធ្លោ និងត្រូវបានជ្រើសរើស នឹងទទួលបានការយកចិត្តទុកដាក់ បណ្ដុះបណ្ដាលជាពិសេស។ ពួកនាងនឹងក្លាយជាមុខសញ្ញាដែលត្រូវបានក្រុមគ្រូពេទ្យផ្នែកសម្ផស្ស ពិនិត្យ រកមើលថា តើនៅលើរាងកាយរបស់ពួកនាង នៅមានចំណុចណាមិនល្អ។ ក្រោយមក ពួកនាងនឹងត្រូវបានធ្វើការវះកាត់ កែសម្ផស្ស ដូចជា កែច្រមុះ សុដន់។ល។</p>
<p style="text-align: center;"><a class="thickbox" title="" href="/FileManager/Commons/2013/11/7/venezuela-៨-07-11-2013--21-28-08.jpg"><img src="/FileManager/Articles/mce/2013/11/7/venezuela-៨-07-11-2013--21-28-08.jpg" alt="" /></a></p>
<p>ចំណុចខុសគ្នារវាងបវរកញ្ញា Venezuela និងបណ្ដាប្រទេសដទៃ នោះគឺ វិន័យតឹងរឹង និងសមត្ថភាពរក្សាកិត្តិយស។ បវរកញ្ញា មិនត្រឹមតែជាការប្រកួត និងគ្រងមកុដប៉ុណ្ណោះទេ តែវាជាដំណើរការមួយដ៏សំខាន់ចាប់ពីនៅក្មេង រហូតដល់ក្រោយការគ្រងមកុដបវរកញ្ញា។ ប្រការទាំងនេះ សុទ្ធតែត្រូវបានបណ្ដុះបណ្ដាលទៅដល់នារី Venezuela តាំងពីនៅក្មេង។ នេះក៏ជាមូលហេតុជួយឱ្យបវរកញ្ញាប្រទេសនេះ នៅតែអាចរក្សាបានកេរឈ្មោះល្អ ក្រោយបានក្លាយជាបវរកញ្ញាឯក ដោយមិនបង្កឱ្យមានរឿងអាស្រូវនានា។</p>
<p> </p>
<p>អត្ថបទសំខាន់ៗគួរចាប់អារម្មណ៍ ៖</p>
<p><span style="color: #3366ff;"><a href="/News/Detail/91368/how-to-take-skin-care-for-the-age-of-30"><span style="color: #3366ff;">អាយុ ៣០ គួរថែទាំស្បែក បែបណាទើបល្អ ?</span></a></span></p>
<p><span style="color: #3366ff;"><a href="/News/Detail/96382/how-to-make-hair-look-thicker"><span style="color: #3366ff;">ប្រែក្លាយសក់ស្ដើង ទៅជាក្រាស់ ក្នុងរយៈពេល ៥នាទី</span></a></span></p>
<p><span style="color: #3366ff;"><a href="/News/Detail/46352/reddish-brown-nails-for-autumn"><span style="color: #3366ff;">ក្រចកពណ៌ក្រហមក្រមៅ ជួយកំចាត់ភាពរងា ក្នុងរដូវរំហើយ</span></a></span></p>
<p> </p>
<p style="text-align: right;">ប្រែសម្រួលដោយ ៖ តារា<br />ប្រភព ៖ HS<br /><br /></p>