<div class="article-content">
<p><strong>ភ្នំពេញៈ</strong> យុវជនពីរនាក់ ជិះម៉ូតូមួយគ្រឿង បិទស្គុតខ្មៅលើស្លាកលេខ ត្រូវកម្លាំងនគរបាល ប្រចាំ<br />គោលដៅ វ៉េងស្រេង សង្ស័យឃាត់ធ្វើការសាកសួរ និងត្រួតពិនិត្យកាតគ្រី ប៉ុន្តែបន្ទាប់ពីពិនិត្យ<br />ឃើញថា ទំាំងកាតគ្រី និងស្លាកលេខក្លែងក្លាយ ទាំងអស់ រួចហើយបញ្ជូនមកកាន់ជំនាញ ព្រហ្ម<br />ទណ្ឌ ដើម្បីកសាងសំណុំរឿង បញ្ជូន ទៅកាន់តុលាការ ចាត់ការទៅ តាមផ្លូវច្បាប់ ។</p>
<p>ហេតុការណ៍ ឃាត់ខ្លួននេះ កើតឡើងកាលពីវេលាម៉ោង ១០ និង៤០នាទីព្រឹក ថ្ងៃទី២៣ ខែមេសា <br />ឆ្នាំ២០១៣ ស្ថិតនៅតាមបណ្តោយផ្លូវ វ៉េងស្រេង ក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍<br />សែនជ័យ រាជធានីភ្នំពេញ។</p>
<p>លោក ចាប់ ចាន់ថា អធិការរង នគរបាលខណ្ឌពោធិ៍សែនជ័យ ទទួលផែន ព្រហ្មទណ្ឌបានឲ្យដឹងថា<br /> ជនសង្ស័យដែលត្រូវឃាត់ខ្លួននោះ ទី១ មានឈ្មោះ សុន រតនា ភេទប្រុស អាយុ ២៥ឆ្នាំ មុខរបរនៅ<br />ផ្ទះ ជាម្ចាស់ម៉ូតូ និងទី២ ឈ្មោះ ហ៊ីម ពន្លក ភេទប្រុស អាយុ ២៧ ឆ្នាំ នៅផ្ទះ អ្នកទាំងពីរ រស់នៅភូមិ<br />ត្រពាំងខ្យង ឃុំត្រពាំងគង ស្រុក សំរោង ខេត្តកំពង់ស្ពឺ ជិះម៉ូតូមួយគ្រឿង ម៉ាក SL ពណ៌ទឹកប្រាក់ <br />ពាក់ស្លាកលេខភ្នំពេញ 1AS-8910 ។</p>
<p>ជនសង្ស័យ ទី១ បានបំភ្លឺប្រាប់នគរបាលនោះថា ម៉ូតូមួយគ្រឿងនេះ ត្រូវឪពុករបស់ខ្លួន ទិញមក<br />ក្នុងតម្លៃ ជាង ២ ពាន់ដុល្លារ ហើយស្លាកលេខនេះ ឪពុករបស់គេ ជាអ្នកធ្វើទាំងអស់ តែបិទស្គុត<br />ខ្មៅនេះ គឺដោយសារតែស្លាកលេខ នោះ ខូចផ្នែកកណ្តាល ទើបបិទកុំឲ្យវាអាក្រក់មើល ។ ចំណែក<br />ឯជនសង្ស័យទី២ វិញ បាននិយាយថា ខ្លួនគឺជា អ្នកជិតខាង និងម្ចាស់ម៉ូតូ ហើយម្ចាស់ម៉ូតូបានហៅ<br />ខ្លួន ឲ្យជិះមកភ្នំពេញ ជាមួយបានជាគ្នា ដោយគេប្រាប់ថា គេមកប្តូរប័ណ្ណបើកបររថយន្ត ហើយការ<br />បិទស្គុតខ្មៅស្លាកលេខម៉ូតូនោះ គេពុំបានចាប់អារម្មណ៍នោះទេ លុះ ដល់នគរបាល ឃាត់ទើបដឹង<br /> ហើយម្យ៉ាងវិញទៀត គេពុំដឹងថា បិទខ្មៅព្រិលៗមានកំហុសនោះទេ ។</p>
<p>លោក ប៊ន សំអាត អធិការនគរបាល ខណ្ឌពោធិ៍សែនជ័យ បានឲ្យដឹងថា ចំពោះម៉ូតូបិទស្គុតខ្មៅ<br />ស្លាកលេខនេះ ត្រូវបាន លោក ជួន សុវណ្ណ ដាក់បទបញ្ជាយ៉ាងតឹងរ៉ឹងបំផុត ត្រូវខិតខំលុបបំបាត់<br />ឲ្យបានពីព្រោះម៉ូតូដែលបិទ ស្គុតខ្មៅនេះ ហើយជាមុខសញ្ញា ចោរឆក់ ចោរប្លន់ ចោរលួច គ្រប់ប្រ<br />ភេទ ដែលពួកគេធ្វើសកម្មភាព ហើយគេច ខ្លួនរួចយ៉ាងស្រួលនោះ ដោយសារតែយើងមើលស្លាក<br />លេខគេមិនឃើញនោះ ។</p>
<p>លោកបានបន្តទៀតថា ជារៀងរាល់យប់ លោកតែងតែពង្រឹងកម្លាំង ឲ្យដើរល្បាតតាមដងផ្លូវពិនិត្យ<br />មើលម៉ូតូណាដែលបិទស្គុតខ្មៅ បើឃើញត្រូវតែឃាត់ត្រួតពិនិត្យជាបន្ទាន់ ហើយការពង្រឹងបែបនេះ<br /> គឺធ្វើឡើងទៅតាមការណែនាំ និងចង្អុលបង្ហាញ របស់លោកស្នងការ ដើម្បីពង្រឹងសន្តិសុខ នៅក្នុង<br />មូលដ្ឋាន ឲ្យបានកាន់តែប្រសើរបន្ថែមទៀត ។ ចំណែកឯជនសង្ស័យ ទាំងពីរនាក់ ត្រូវកម្លាំងលោក<br /> កសាងសំណុំរឿង បញ្ជូនទៅកាន់តុលាការ ដើម្បី ចាត់ការទៅតាមផ្លូវច្បាប់ ពីព្រោះប្រើស្លាកលេខ<br />ក្លែងក្លាយខុសច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0554.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0555.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0556.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>