<div class="article-content">
<p><strong>កណ្តាលៈ</strong> ជនរងគ្រោះម្នាក់ស្លាប់ភ្លាមៗ នៅនឹងកន្លែងកើតហេតុ រីឯ ២ នាក់ទៀត ជាអ្នករួម<br />ដំណើរ រងរបួសធ្ងន់ ស្រាល ត្រូវបានគេបញ្ជូន ទៅព្យាបាលនៅមន្ទីរពេទ្យភ្នំពេញ ដោយសារ<br />តែជិះម៉ូតូលឿន ដល់ផ្លូវកោងមិនបន្ថយ ក៏ ជ្រុលទៅបុកបង្គោលភ្លើង យ៉ាងពេញទំហឹង ធ្វើឲ្យ<br />ម៉ូតូរងការខូចខាត យ៉ាងដំណំ ។</p>
<p>ហេតុការណ៍នេះ កើតឡើង កាលពីវេលាម៉ោង ១០ និង ៣០នាទីយប់ ថ្ងៃទី៩ ខែមិថុនា ឆ្នាំ<br />២០១៣ ស្ថិតនៅមុខ ហ្គារ៉ាសសាំងស៊ូគីម៊ិច ភូមិដើមមាន សង្កាត់ដើមមាន ក្រុងតាខ្មៅ ខេត្ត<br />កណ្តាល ។</p>
<p>សាក្សីនៅកន្លែងកើតហេតុ បានឲ្យដឹងថា មុនពេលកើតហេតុ ជនរងគ្រោះទាំង ៣ នាក់ បាននាំ<br />គ្នាមកផឹកស៊ីក្នុង ក្លឹប មហាសាល ក្រុងតាខ្មៅ ពេលផឹកស៊ីស្រវឹងជោកហើយ ក៏នាំគ្នាទៅច្រៀង<br />ខារ៉ាអូខេ បន្តនៅភ្នំពេញ លុះពេល ឌុបគ្នា មកដល់កន្លែងកើតហេតុ ដោយស្ថានភាពផ្លូវកោង <br />ហើយជនរងគ្រោះបើកលឿន ក៏ជ្រុលចង្កូត ទៅបុក បង្គោលភ្លើងបំភ្លឺផ្លូវ បណ្តាលឲ្យដួល បោក<br />ទៅនឹងថ្នល់រេពេញផ្លូវ ក្នុងនោះម្នាក់អ្នកឌុបស្លាប់ភ្លាមៗ នៅនឹងកន្លែង រីឯអ្នករួមដំណើរ ២នាក់<br /> ពីក្រោយរងរបួសធ្ងន់ស្រាល ត្រូវបានគេដឹកបញ្ជូន ទៅកាន់មន្ទីរពេទ្យ ដើម្បីជួយសង្គ្រោះ អាយុ<br />ជីវិត រីឯម៉ូតូត្រូវបាននគរបាល យកទៅរក្សាទុក នៅអធិការដ្ឋានចរាចរក្រុងតាខ្មៅ ដើម្បីរង់ចាំ<br />ក្រុមគ្រួសារ ចូលខ្លួនមកដោះស្រាយ ទៅតាមផ្លូវច្បាប់ ។</p>
<p>នគរបាល បានឲ្យដឹងថា ជនរងគ្រោះដែលស្លាប់នោះ មានឈ្មោះ អាន តារ៉ា ភេទប្រុស អាយុ<br /> ២៨ឆ្នាំ រស់នៅភូមិ ត្រពាំងថ្លឹង សង្កាត់ព្រែកកំពិស ខណ្ឌដង្កោ និងអ្នករួមដំណើរពីក្រោយ២នាក់<br />ទៀត ពុំត្រូវបានគេស្គាល់ឈ្មោះនោះទេ រងរបួសធ្ងន់ស្រាល ទាំង២នាក់ អ្នកទាំង៣ ជិះម៉ូតូ ១<br />គ្រឿង ម៉ាកស៊ុយស៊ូគីនិក ពណ៌ស ពាក់ស្លាកលេខ ភ្នំពេញ 1BS-7716 ជិះក្នុងទិសដៅពីត្បូង <br />ទៅជើងក្នុងបំណង ចូលទៅរាជធានីភ្នំពេញ។ បច្ចុប្បន្នជនរងគ្រោះ ដែលរង របួសធ្ងន់ស្រាល <br />កំពុងសម្រាកព្យាបាលបន្ត ចំណែកឯសព ត្រូវបានប្រគល់ទៅឲ្យក្រុមគ្រួសារ យកទៅធ្វើបុណ្យ <br />តាមប្រពៃណី ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0228.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0229.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0230.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>