<p><span style="color: #000000;">ព្រៃវែង ៖ ព្រះសង្ឃព្រះជន្ម ១៦ ព្រះវស្សាមួយអង្គ ត្រូវបានសត្វក្របីដេញជល់ រហូតបាត់បង់ជីវីត ខណៈពេលកំពុងតែដើរម្នាក់ឯងនៅក្បែរវត្តមួយ ក្នុងខេត្តព្រៃវែង ស្រុកមេសាង ។ </span></p>
<p><span style="color: #000000;">មន្រ្តីនគរបាលស្រុក លោក ជួន ចិត្រា បានកំណត់អត្តសញ្ញាណជនរងគ្រោះថា ជាព្រះតេជគុណ សេង ធួន ដែលជាព្រះសង្ឃមកពីវត្តព្រៃឃ្លាក្នុងឃុំព្រៃគ្លាំង ។</span></p>
<p><span style="color: #000000;">លោកបានបន្តទៀតថា ជនរងគ្រោះបានដើរទៅលើផ្លូវតាមវាលស្រែ ដែលមានសត្វក្របីកំពុងតែសុីស្មៅ នៅវេលាម៉ោង ប្រមាណជាងម៉ោង ១២ និង ៣០ នាទីថ្ងៃត្រង់ កាលពីម្សិលមិញនេះ ។ </span></p>
<p><a class="thickbox" title="" href="/FileManager/Commons/2018/1/4/1-04-01-2018--10-19-26.png"><img src="/FileManager/Articles/mce/2018/1/4/1-04-01-2018--10-19-26.png" alt="" /></a></p>
<p><span style="color: #000000;">ប្រភពដដែលបានបន្ថែមទៀតថា នៅពេលដែលក្របីមួយក្បាលនោះបានព្យាយាម ចូលទៅជល់ ព្រះតេជគុណ សេង ធួន លោកក៏បានរត់គេចចេញដែរ ប៉ុន្តែរត់មិនទាន់ហើយក៏ត្រូវរងរបួសយ៉ាងធ្ងន់ធ្ងរ ហើយក្រោយមកអ្នកភូមិក៏ចាប់ផ្តើមព្យាយាមជួយសង្រ្គោះ តែគួរឲ្យសោកស្តាយ ព្រះតេជគុណ សេង ធួន បានបាត់បង់ជីវីតរួចទៅហើយ ៕</span></p>
<p><a class="c_tab" href="http://www.khmertimeskh.com/5099871/monk-gored-buffalo/" target="_blank"><img src="/FileManager/Articles/mce/2018/1/4/khmertimes-04-01-2018--10-19-44.png" alt="" /></a></p>
<p> </p>
<p style="text-align: right;"><span style="color: #000000;">ប្រែសម្រួល ៖ គន្ធា</span></p>
<p style="text-align: right;"><span style="color: #000000;">ប្រភព ៖ khmertimeskh</span></p>