<p><strong>ភ្នំពេញៈ</strong> ក្រោយពីតារាចម្រៀង ប្រុសប្រចាំផលិតកម្មហង្សមាស លោក ណុប បាយ៉ារិទ្ធ ត្រូវ<br />បាន ខាងតារាកូរ៉េចោទថា បានលួចចម្លងស្ទីល របស់ពួក គេ រួចមក ពេលនេះខាងក្រសួង<br /> វប្បធម៌បាន និង កំពុងតែត្រៀម វិធានការក្តៅទៅលើ តារាដែលពូកែចំលងស្តាយ ពីគេមកធ្វើ<br />ការ ដុះក្អែលចោល ម្តង។</p>
<p>ប្រធាននាយកដ្ឋានសិល្បៈ នៃក្រសួងវប្បធម៌ លោក ស៊ិន ច័ន្ទសាយ៉ា បានប្រាប់ មជ្ឈមណ្ឌល<br />ព័ត៌មាន ដើមអម្ពិល នៅល្ងាចថ្ងៃទី៨ ខែមករា ឆ្នាំ ២០១៣ថា នេះមិន មែនជាលើកទី១ទេ ដែល<br />ខាងភាគីកូរ៉េ ធ្វើការព្រមានលើកឡើង ជាសាធារណៈថា សិល្បករអ្នកនិពន្ធបានលួច បទ<br />ចម្រៀងបទ ភ្លេង ស្តាយការសម្តែងរបស់តារាគេ គឺគេមិនដែលសប្បាយចិត្តទេ វាគឺជារឿង<br />មួយដែលយើងមាន ការខ្វះខាតមែនទែន ហើយកន្លងមក ខាង ក្រសួង ក៏មិនដែល បាន<br />ចាត់ វិធានការអីធំដុំ ទៅលើ តារាទាំងអស់នោះដែល គឺគ្រាន់តែហៅមកណែនាំហាម មិនឲ្យ<br />បន្តធ្វើបែបនេះ ព្រោះថា វាគឺខុសច្បាប់។</p>
<p>លោក ស៊ិន ច័ន្ទសាយ៉ា បានប្រាប់ឲ្យដឹងទៀតថា “ ការដែលតារាខ្មែរយើង ទៅលួចចម្លង<br />ស្ទីលរបស់គេបែបនេះ គឺវាធ្វើឲ្យប្រទេសជាតិ មានការ អាប់អោនខ្លាំង ហើយពេលនេះខ្ញុំ <br /> និងមើល ទៅលើខ្សែវីដេអូនោះឲ្យច្បាស់ថាតើ យ៉ាងណារួចខាងក្រសួង និងចាប់ផ្តើមចាត់<br />វិធានការ ទៅលើពួក គាត់ដើម្បីកុំឲ្យពួកគាត់ ឈប់ទៅលួចចម្លងពីគេទៀត បែបនេះព្រោះវា<br />ខុសធ្ងន់ធ្ងរណាស់ ការដែលយើងទៅ លួចចម្លងរបស់គេបែបនេះ”។</p>
<p>ទោះបីជាយ៉ាងនេះក្តីលោក ស៊ិន ច័ន្ទសាយ៉ាក៏បានប្រាប់ឲ្យដឹងទៀតថា ក្នុងរឿងនេះ ក៏ជា<br />ចំណុចខ្វះខាត របស់លោកមួយ ចំណែកដែលមិនបាន តាមដាន មើលថាតើយើងចម្លង គេ<br />ក្នុងកម្រិតមួយណា យកតាមគេទាំងអស់ ឬយ៉ាងណាហើយការ ដែលគេមានប្រតិកម្ម បែប<br />នេះប្រហែលជាយើង ចម្លងគេ ១០០ភាគរយរបស់គេ។</p>
<p>ទន្ទឹមនឹងនេះដែរប្រធានសមាគម សិល្បៈករខ្មែរលោក សុះម៉ាចបានប្រាប់ មជ្ឈមណ្ឌលព័ត៌<br />មាន ដើមអម្ពិល ឲ្យដឹងថាលោកក៏ទើបតែបាន អាន ព័ត៌មាន នេះ ដែលនៅពេលដែលតារា<br />កូរ៉េបញ្ចេញប្រតិកម្ម ថាយើងចម្លងស្តាយ ពីគេបែបនេះគឺវាធ្វើឲ្យអាប់អោន ខ្លាំងណាស់ ដល់<br />ប្រទេសយើង ហើយជារឿយៗ តែងតែមានការរិះគន់បែបនេះ តែលោកផ្ទាល់មិនដឹងថាតើ<br /> ដល់ពេលណាទើបតារាយើង ឈប់លួចចម្លងពីគេ តទៅទៀតទាំង ការច្រៀង ទំនុក បទ<br />ចម្រៀង ស្ទីលរាំអីជាដើមព្រោះថាប្រទេសខ្មែរ ក៏មានវប្បធម៌ប្រពៃណីខ្មែរ ដែលដូច្នេះគួរតែ<br />កូនខ្មែរ ជាពិសេសសិល្បករ សិល្បការិនីខ្មែរ មេត្តាជួយអភិរក្សលើកស្ទួយ វប្បធម៌យើងកុំចាប់<br />តែឃើញគេ ច្រៀងបទនេះល្បីបទនោះល្បី ហើយចាំតែចម្លងពីគេ យកមក ច្រៀងតាមបែប<br />នេះ។</p>
<p>លោក សុះម៉ាចក៏បានឲ្យដឹងទៀតថា ” សម្រាប់រឿងនេះខ្លួន របស់លោកតែមួយមិនអាចធ្វើ<br />ការហាមឃាត់ បានទេគឺលោកសុំលើកដៃសំពះ ទៅលើ តារា របស់យើងថា សុំមេត្តាឈប់<br />ចម្លងពីគេទៀតទៅ កុំថាឡើយស្ទីលរាំបទចម្រៀង ការតុបតែងខ្លួនអីជាដើម គួរតែរិះរកអ្វីដែល<br />ជារបស់យើង ហើយ សុំអ្នកដឹកនាំនៅតាម ផលិតកម្មនានា មេត្តាជួយពិនិត្យមើល និងកែ<br />តម្រូវផងខ្ញុំសង្ឃឹមថា អ្នកសិល្បៈទាំងអស់ និងបញ្ឈប់ត្រឹមនេះទៅព្រោះថា ការ ដែលបរទេស<br />គេលើកយក ទៅចុះផ្សាយប្រាប់ប្រជាពលរដ្ឋ គេថាខ្មែរលួចចម្លងពីគេ គឺវាគួរឲ្យឈឺចាប់ និង<br />អោបអានណាស់ សម្រាប់ប្រទេស ជាតិ យើង”។</p>
<p>មិនត្រឹមតែប៉ុននេះលោកក៏បានសំណូមពរ ទៅដល់ខាងក្រសួងវប្បធម៌ ព្រោះថាខាងក្រសួង<br />គឺជាម៉ែឳ មេត្តាជួយពិនិត្យមើល និងទៅលើអ្នកសិល្បៈ ដើម្បីកុំឲ្យតារាទាំងអស់គិតតែពី លួច<br />ចម្លងគេ មិនគិតបែបនេះដើម្បីចូលរួម ចំណែកលើកស្ទួយកិត្តិយសជាតិ និងអភិរក្សសិល្បៈ<br />ខ្មែរយើងផង៕</p>
<p style="text-align: center;"><img src="http://111.92.240.170:81/lookingtoday/looking-images/news/2013/Jan/id-030/Kosal-0049.jpg" alt="Looking Today" width="400" /></p>
<p style="text-align: center;"><img title="" src="http://111.92.240.170:81/lookingtoday/looking-images/news/2013/Jan/id-030/Kosal-0050.jpg" alt="Looking Today" width="400" /></p>
<p style="text-align: center;"><img title="" src="http://111.92.240.170:81/lookingtoday/looking-images/news/2013/Jan/id-030/Kosal-0051.jpg" alt="Looking Today" width="400" /></p>