<div class="article-content">
<p><strong>ភ្នំពេញ ៖</strong> ជារៀងរាល់ឆ្នាំ នៅពេលមានបុណ្យជាតិម្តងៗ គេសង្កេតឃើញក្រុមហ៊ុន ដឹកជញ្ជូនអ្នក<br /> ដំណើរ តែងតែដំឡើងថ្លៃឈ្លួល ទោះបីមានការអំពាវនាវ របស់រាជរដ្ឋាភិបាលក៏ដោយ ហើយការ<br /> ដំឡើងថ្លៃឈួលទាំងនេះ បានធ្វើឲ្យអ្នកដំណើរ មានការត្អួញត្អែរយ៉ាងខ្លាំង ជាពិសេសបងប្អូនកម្មករ<br /> កម្មការិនី និងមន្រ្តីរាជកាតូចតាច ដែលពួកគាត់ ទទួលបានប្រាក់ខែទាប។</p>
<p>ទាក់ទងនឹងការដំឡើងថ្លៃរថយន្តនេះ បុរសម្នាក់ដែលសុំមិនឲ្យបញ្ចេញឈ្មោះ បានថ្លែងប្រាប់ មជ្ឈ<br />មណ្ឌលព័ត៌មានដើមអម្ពិលថា លោកមានការហួសចិត្តយ៉ាងខ្លាំង ខណៈដែលលោកបានទិញ សំបុត្រ<br />ទៅស្រុកកំណើត របស់លោកនៅឯបាត់ដំបង ហើយសំបុត្ររថយន្ត បានលើកខ្ពស់ ដូចទឹកជំនន់ដែរ<br /> ពោលគឺតម្លៃរហូតដល់ទៅ ៣៥.០០០រៀល ដែលរាល់ដងតម្លៃតែ ២២.០០០រៀល នោះ។</p>
<p>លោកបន្តថា ចរិតអាត្មានិយម របស់ក្រុមហ៊ុនដឹកអ្នកដំណើរទាំងនោះ ពុំដែលមានការយោគយល់ <br />ដល់អ្នកដំណើរ ដែលជាជនជាតិខ្មែរឡើយ ហើយថាចំណាត់ការរបស់សាលាក្រុង ហាក់បីដូចជា ពុំ<br />មានឥទ្ធិពល ដល់ពួកក្រុមហ៊ុនទាំងនោះផងដែរ។</p>
<p>លោកបន្តថា «មន្រ្តីរាជការ និងបងប្អូនកម្មករ កម្មការិនី មានប្រាក់ខែតិចតូចណាស់ ហើយបើថ្លៃឈ្នួល<br />ឡានឡើងថ្លៃយ៉ាងដូច្នេះ វាកាន់តែធ្វើឲ្យពួកគាត់ ជួបនូវការលំបាកបន្ថែមទៀត ចំពោះការ ចំណាយ<br />របស់ពួកគេនោះ»។</p>
<p>ទាក់ទងនឹងតម្លៃ រថយន្តឡើងថ្លៃនេះ កម្មការិនីម្នាក់ ដែលកាត់ដេរ នៅក្នុងរោងចក្រ CHU SHING <br />GARMENT (Cambodia) Co.Ltd ដែលស្ថិតនៅ សង្កាត់ព្រែកលៀប ខណ្ឌប្ញស្សីកែវ រាជធានីភ្នំពេញ <br />អ្នកស្រី ថៃ ស្រីពៅ បានថ្លែងថា ស្រុកកំណើតរបស់អ្នកស្រី នៅឯខេត្តកំពង់ចាម ហើយក្រុមហ៊ុន បាន<br />តម្រូវ ឲ្យអ្នកស្រីឈប់ចំនួន៥ថ្ងៃ ដើម្បីទៅស្រុកកំណើត ខណៈបុណ្យភ្ជុំបិណ្ឌនោះ តែអ្នកស្រី មានការ<br />ព្រួយបារម្មណ៍ បន្តិចបន្តួចផងដែរ ឮថាថ្លៃរថយន្តឈ្នួល ត្រូវបានគេដំឡើងថ្លៃ ស្ទើរតែចង់ មួយទ្វេជា<br />ពីរនោះ។</p>
<p>អ្នកស្រីបានបន្តថា រដ្ឋបាលរោងចក្រ គេឲ្យអ្នកស្រីខ្ចីលុយតែ ៧០ដុល្លារប៉ុណ្ណោះ សម្រាប់រយៈពេល<br /> អ្នកស្រីឈប់សម្រាក ប៉ុន្តែ៧០ដុល្លារនេះ វានឹងត្រូវចំណាយ សម្រាប់ការធ្វើដំណើរ ស្ទើរតែចង់ពាក់ <br />កណ្តាលទៅហើយ បើថ្លៃឈ្នួលរថយន្ត បានឡើងដូចទឹកជំនន់នោះ។</p>
<p>អ្នកស្រីបន្តថា «ខ្ញុំនឹងត្រូវចំណាយ យ៉ាងហោចណាស់២០ដុល្លារ សម្រាប់ថ្លៃឈ្នួលឡានទាំងទៅ ទាំង<br />មក ខ្ញុំសល់តិចតួចណាស់ សម្រាប់ទិញឥវ៉ាន់ជូនដល់អ្នកផ្ទះរបស់ខ្ញុំ តែយ៉ាងណាវាជាបុណ្យធំ ខ្ញុំត្រូវ<br />តែទៅ»។</p>
<p>ជាមួយនឹងថ្លៃឈ្នួលលរថយន្តឡើងថ្លៃនេះ អ្នកស្រី ថៃ ស្រីពៅ ក៏បានអំពាវនាវដល់រាជរដ្ឋាភិបាល <br />ឲ្យជួយរកវិធានការ ទប់ស្កាត់ដល់ម្ចាស់ក្រុមហ៊ុន ដឹកអ្នកដំណើរ និងរថយន្តឈ្នួលគ្រប់ប្រភេទ នេះ<br />ផងដែរ ដើម្បីជួយសម្រាល ការចំណាយរបស់ពួកគាត់ ដែលជាកម្មករ ទទួលបានប្រាក់ខែ តិចតួច<br />នោះ។ តែយ៉ាងណាក្តី សាលារាជធានីភ្នំពេញ កាលពីថ្ងៃទី២៧ ខែកញ្ញាកន្លងទៅ បាន អំពាវនាវ<br />ដល់ម្ចាស់ក្រុមហ៊ុនទាំងនោះ និងម្ចាស់រថយន្ត ដែលបានប្រកបអាជីវកម្ម ដឹកជញ្ជូនអ្នក ដំណើរ ពី<br />ភ្នំពេញទៅតាមបណ្តាខេត្តនានា កុំឲ្យធ្វើការដំឡើងថ្លៃឈ្នួល។ តែក្រុមហ៊ុនទាំងនោះ ហាក់បីដូចជា<br /> មិនទទួលយកសេចក្តីជូនដំណឹង របស់សាលារាជធានីនោះឡើយ ផ្ទុយទៅវិញ ការដំឡើងថ្លៃកាន់<br />តែខ្ពស់បន្ថែមទៀត ដូចជាក្រុមហ៊ុនកាពីតូល និងក្រុមហ៊ុនផារ៉ាម៉ោន ជាដើម ត្រូវបានដំឡើង ចាប់<br />ពីមួយម៉ឺនពីរពាន់រៀល រហូតដល់មួយម៉ឺនប្រាំពាន់រៀល។</p>
<p>ចំពោះតម្លៃឈ្នួល ដែលបានហក់ឡើងជាប្រចាំ ខណៈមានបុណ្យជាតិម្តងៗនោះ ត្រូវបានមតិនានា<br /> រិះគន់ថា ចរិតអាត្មានិយមរបស់ក្រុមហ៊ុនដឹកអ្នកដំណើរ និងរថយន្តឈ្នួលមួយចំនួនទាំងនោះ ពុំ <br />ដែលគិតដល់អ្នកក្រីក្រឡើយ បន់ឲ្យតែដល់ថ្ងៃនោះឆាប់ៗ ពួកគេនឹងចាប់ផ្តើម កាប់យកៗតែម្តង៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-014/that-0008.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>