<p><span style="color: #000000;">ភ្នំពេញ ៖ ជនសង្ស័យម្នាក់ បាននឹងកំពុង រត់គេចខ្លួន ក្រោយពីចាក់យុវជន ម្នាក់ទៀត ចំបំពង់ក បណ្ដាល ឱ្យរងរបួសយ៉ាងធ្ងន់ធ្ងរ ត្រូវដឹកបញ្ជូនទៅកាន់ មន្ទីរពេទ្យរុស្សី ដែល មូលហេតុ នៃការចាក់ខាងលើនេះ គឺខឹងមក ពីជនរងគ្រោះ មករំខានរូបគេកំពុងលេង បៀរ ។</span></p>
<p><span style="color: #000000;">ករណីបង្កអំពើហិង្សា បណ្ដាលឱ្យជនរង គ្រោះរងរបួសធ្ងន់ ឈាមហូរស្រោចខ្លួនខាង លើនេះ បានបង្កឱ្យមានការភ្ញាក់ផ្អើលកាលពី វេលាម៉ោង៦និង៣០នាទី ព្រឹកថ្ងៃទី១៥ ខែ កញ្ញា ឆ្នាំ២០១៤ ស្ថិតនៅតាមផ្លូវ៦០ម៉ែត្រ ភូមិព្រែកតានូ សង្កាត់ចាក់អង្រែក្រោម ខណ្ឌមានជ័យ ។</span></p>
<p><span style="color: #000000;">មន្ដ្រីនគរបាលប៉ុស្ដិ៍ចាក់អង្រែក្រោមបាន និយាយថា ជនដៃដល់ដែលបាននឹងកំពុងរត់ គេចខ្លួននោះឈ្មោះបារាំង រីឯជនរងគ្រោះ ដែលកំពុងសម្រាក ព្យាបាលនៅមន្ទីរពេទ្យ មិត្ដភាពកម្ពុជាសូវៀត ឈ្មោះគឹម សុង ។</span></p>
<p><span style="color: #000000;">មន្ដ្រីនគរបាលប៉ុស្ដិ៍ចាក់អង្រែក្រោមបាន បញ្ជាក់ថា មុនពេលកើតហេតុ ជនដៃដល់ កំពុងលេងបៀរ នៅតាមផ្លូវ៦០ម៉ែត្រពេល នោះជនរងគ្រោះ ដែលជាមិត្ដ ភក្ដិនិងគ្នាទៅ រំខានការលេងរបស់ពួកគេ ធ្វើឱ្យជនដៃដល់ ខឹង ទ្រាំមិនបាន ក៏ទាញកាំបិតចុងស្រួចចាក់ ចំបំពង់ករងរបួសយ៉ាងធ្ងន់ធ្ងរ បង្កឱ្យប្រជា ពលរដ្ឋ អាជ្ញាធរនិងសមត្ថកិច្ចមូលដ្ឋាននៅ ទូីនោះ មានការភ្ញាក់ផ្អើល ។</span></p>
<p><span style="color: #000000;">យ៉ាងណាក៏ដោយជនដៃដល់ក្រោយពី ប្រព្រឹត្ដនូវទង្វើបែបនេះ បានរត់គេចខ្លួនបាត់ ស្រមោល ខណៈដែលកម្លាំងសមត្ថកិច្ចបាន នឹងកំពុងតាមចាប់ខ្លួន ៕</span></p>
<p><span style="color: #000000;"><a class="thickbox" title="" href="/FileManager/Commons/2014/9/15/002-15-09-2014--11-47-26.jpg"><img src="/FileManager/Articles/mce/2014/9/15/002-15-09-2014--11-47-26.jpg" alt="" /></a><br /></span></p>
<p style="text-align: right;"><a href="http://www.dap-news.com/2011-06-14-02-39-55/95164-2014-09-15-04-34-12.html" target="_blank"><span style="color: #000000;">ផ្តល់សិទ្ធដោយ ៖ ដើមអម្ពិល</span></a></p>