<p><strong>ភ្នំពេញ៖</strong> តារាសម្តែងសាច់សរ និងជាពិធីការិនី ឡើងកូដប្រចាំស្ថានីយ ទូរសទ្សន៍ ប៉ុស្តិ៍លេខ៣<br /> កញ្ញា កែវ ផល្លីកា មួយរយៈចុងក្រោយនេះ ត្រូវបានមហាជន ទូទៅមើលឃើញថា នាងក្តាប់បាន<br />តំណែង ជាពិធីការិនី រហូតទៅដល់ ៥ កម្មវិធីផ្សេងគ្នា នៅក្នុងស្ថានីយ ទូរសទ្សន៍តែមួយ ។</p>
<p>ចំពោះការក្តោបបាន ជាពិធីការិនីច្រើន ក្នុងដៃនៅស្ថានីយ ទូរទស្សន៍ប៉ុស្តិ៍លេខ ៣ នេះ ក៏មានការ<br />លេចឮ ព័ត៌មានថា ស្រីស្រស់ កែវ ផល្លីកា មានគេជួយជ្រោមជ្រែង នាងឲ្យកាន់កម្មវិធី ច្រើនក្នុង<br />ដៃ ។ ពោលគឺគេចង់មានន័យថា នាងមានខ្នងបង្អែកនៅទីនោះ ទើបនាងមានឱកាសក្តាប់បាន កម្ម<br />វិធីច្រើនបែបនេះ នៅស្ថានីយទូរទស្សន៍ប៉ុស្តិ៍លេខ ៣ ។ ប៉ុន្តែបើទោះជា មានការលេចឮ ព័ត៌មាន<br />បែបនេះ យ៉ាងណាក្តី ក៏មិនបានធ្វើឲ្យ តារាសម្តែងថ្ពាល់ខួច បង្កប់ដោយមន្តស្នេហ៍រូបនេះ ឈឺក្បាល<br />វិលមុខ ដេកមិនលក់បក់មិនល្ហើយនោះដែរ ។</p>
<p>ប៉ុន្តែផ្ទុយទៅវិញ ការបង្ហាញវត្តមានរបស់នាងជាច្រើន ក្នុងនាមជាពិធីការិនី នៅក្នុងកម្មវីធី របស់<br />ស្ថានីយទូរសទ្សន៍ បាននាំឱ្យតារាសម្តែងវ័យក្មេង កែវ ផល្លីកា កាន់តែរីកសាយនូវប្រជាប្រិយភាព<br /> និងកេរ្តិ៍ឈ្មោះរបស់នាង មួយកម្រិតថែមទៀត ។ បើទោះបីជានាងមិនសូវបង្ហាញវត្តមាន ក្នុងការ<br />សម្តែង ខ្សែភាពយន្ត និង ខារ៉ាអូខេបទចម្រៀងក៏ដោយ ។</p>
<p>បន្ទាប់ពីទទួបានជោគជ័យ ជាបណ្តើរៗ ខាងអាជីពជាពិធីការិនី ប្រចាំស្ថានីយទូរទស្សន៍ប៉ុស្តិ៍លេខ៣<br /> ស្រាប់តែថ្មីៗនេះ មានដំណឹង លេចចេញពីចង្កោម អ្នកសិល្បៈមកថា កញ្ញា កែវ ផល្លីកា កំពុងតែ<br />ត្រៀមខ្លួនអូសវ៉ាលី ចេញទៅបង្ហាញសម្រស់ដ៏ខ្ចីល្វក់ របស់នាងនៅប្រទេសវៀតណាម ។ ប្រភព<br />ដដែល បានបង្ហើបប្រាប់គេហទំព័រ LookingTODAY ឲ្យដឹងថា កញ្ញា ផល្លីកា នឹងចេញទៅប្រទេស<br />វៀតណាម នៅថ្ងៃទី១១ ខែកញ្ញា ឆ្នាំ២០១៣ខាងមុខនេះ ជាមួយតារាបង្ហាញម៉ូដ ប្រុសស្រីនៅក្នុង<br />ក្រុម Sun Super Model ។</p>
<p>ប្រភពខាងលើបានឲ្យដឹងទៀតថា ការចេញទៅបង្ហាញសម្រស់របស់ស្រីស្រស់ សម្បូរមន្តស្នេហ៍<br /> ផល្លីកា នៅប្រទេសវៀតណាម នាពេលខាងមុខនេះ គឺនាងទៅដើរម៉ូដឲ្យខាងក្រសួងទេសចរណ៍<br /> ហើយមិនមានរយៈពេលយូរនោះទេ គឺត្រឹមតែរយៈពេល៣ថ្ងៃនឹងត្រឡប់មកវិញ ពោលគឺនាង នឹង<br />ត្រឡប់មកវិញ នៅថ្ងៃទី ១៣ ខែកញ្ញា ឆ្នាំ២០១៣ ។</p>
<p>គួរបញ្ជាក់ថា កន្លងមកស្រីស្រស់ថ្ពាល់ខួច សម្បូរមន្តស្នេហ៍កញ្ញា កែវ ផល្លីកា បានរងព្យុះភ្លៀងព័ត៌<br />មាន យ៉ាងសន្ធាប់មក ថា នាងបានលួចសាងស្នេហ៍ស្ងាត់ៗ ជាមួយបុរសម្នាក់ ដែលជាអ្នកសិល្បៈ <br />និងជិតស្និទ្ធជាមួយគ្នា ។ តែយ៉ាងណាមហាជន មិនទាន់ដឹងច្បាស់ ពីការព័ត៌មានលេចឮនេះ នៅ<br />ឡើយទេ ព្រោះកញ្ញា ផល្លីកា មិនទាន់បានបកស្រាយប្រាប់បណ្តាញសារព័ត៌មាន ឲ្យបានដឹង<br />ឡើយ៕<strong></strong></p>
<p><span style="color: #000000;">ព័ត៌មានកំសាន្ត ស្តីពីតារាៗ ដ៏សម្បូរបែប ជាច្រើនទៀត<strong><span style="color: #0000ff;"> <a href="/News/Category/5/entertainment"><span style="color: #0000ff;">សូមចុចត្រង់នេះ</span></a></span></strong> !!!</span><strong><br /></strong></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-099/v_0687.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-098/S_0055.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-098/S_0056.jpg" alt="" width="500" /></p>
<p style="text-align: right;">ដោយ៖ LookingTODAY<br />ផ្តល់សិទ្ធិដោយ៖ ដើមអំពិល</p>