<p><strong>ភ្នំពេញៈ</strong> ក្នុងវីដេអូឃ្លីបមួយដែលមានរយៈពេល ១នាទីនិង៣៦វិនាទី ដែលបានបង្ហោះឡើងពី<br /> សំណាក់អ្នកសិល្បៈកូរ៉េក្នុងប្រព័ន្ធ You Tube ហើយត្រូវបានគេប្រទះឃើញ និងមានការរិះគន់<br />ពាសពេញ ប្រព័ន្ធអ៉ីនធើណេត គឺជាប្រតិកម្មថ្មីមួយ ជាលើកដំបូងក្នុងសង្គមសិល្បៈខ្មែរ ដែល<br />តែងតែត្រូវបាន មហាជនលើកឡើងថា បានលួចចម្លងពីបណ្ដាប្រទេស ជិតខាងជាយូរមកហើយ<br />នោះ។</p>
<p>ក្រោយពីមានមតិរិះគន់ជាច្រើន ទៅលើតារាចម្រៀងមានភាពលេចធ្លោ ប្រចាំផលិតកម្មហង្សមាស<br /> លោក ណុប បាយ៉ារិទ្ធ ពេលនេះស្រាប់តែ តារាចម្រៀងរូបនេះ បានបញ្ចេញប្រតិកម្ម បកស្រាយជុំ<br />វិញ ពាក្យសំដីរបស់ទស្សនិកជន ដោយលោកអះអាងថា មិនបានលួចចំឡងយកបទចម្រៀង ឬក៏<br />ស្លៀកពាក់យកស្ទីលរបស់កូរ៉េ ដូចមហាជនគិតនោះទេ។</p>
<p>តារាចម្រៀងប្រចាំនៅផលិតកម្ម ហង្សមាស លោក ណុប បាយ៉ារិទ្ធ ត្រូវបានមហាជនជាពិសេស<br />មិត្តៗយុវវ័យ បានធ្វើការរិះគន់ ដោយមិនសំចៃមាត់ ទៅលើរូបលោក ថាបានលួចចម្លងស្ទីល ក្នុង<br />ការតុបតែងខ្លួន បទចម្រៀង និងក្បាច់រំាពីប្រទេសជិតខាង ដោយមិនចេះធ្វើការកែច្នៃ រិះរកអ្វីដែល<br />ថ្មី សម្រាប់ខ្លួនឯងទេ ពោលគឺចាំតែចម្លង (Copy) ពីគេ ។ ឃើញគេច្រៀងរំាល្អ ក៏យកមកច្រៀង<br />តាម ។ តាមរយៈការរិះគន់នេះ បានធ្វើឲ្យតារាចម្រៀង ចាស់វស្សាដុះស្លែ ប្រចាំផលិតកម្មកំពុងតែ<br />មាន ភាពលេចធ្លោរូបនេះ បានបញ្ចេញប្រតិកម្មទៅលើ ពាក្យសំដីទាំងនេះ នៅលើបណ្តាញទំនាក់<br />ទំនងសង្គម Facebook របស់ខ្លួន។</p>
<p>ថ្លែងនៅក្នុងបណ្តាញទំនាក់ទំនង Facebook របស់តារាចម្រៀងលោក ណុប បាយ៉ារិទ្ធ នៅថ្ងៃទី៣<br /> ខែមករា ឆ្នាំ២០១៣នេះថា លោកចង់ធ្វើការអត្ថាធិប្បាយចំពោះការរិះគន់ទៅលើបទចម្រៀង ដែល<br />លោកបានច្រៀង គឺមានចំណងជើងថា let’s go to party and baby you’re my world រាល់ក្បាច់រាំ<br />ទាំងអស់ គឺលោកមិនបានចម្លង តាមទាំងស្រុង ១០០% ពីកូរ៉េដូច ដែលគេនិយាយទេ បងប្អូនអាច<br />ពិនិត្យមើលបានថា តើដូច១០០%ឬទេ ហើយ សូម្បីតែចម្រៀង ក៏លោកមិនបានយកពីកូរ៉េដែរ។</p>
<p>មិនត្រឹមតែប៉ុណ្ណោះ តារាចម្រៀងរូបសង្ហារូបនេះ ក៏បានប្រាប់ឲ្យដឹងទៀតថា "ខ្ញុំទទួលស្គាល់ថា <br />មានកំហុសឆ្គងមួយដែលខ្ញុំ និងក្រុមរាំរបស់ខ្ញុំ បានបញ្ចូលបន្ថែមនូវ សម្លេងបេះដូងលោតហើយ<br /> បានប្រើកាយវិការត្រង់ចំណុចនេះ ប្រហាក់ប្រហែលទៅនឹងគេ ហើយមួយវិញទៀត ខ្ញុំគិតថា ជា<br />ធម្មតា ប្រទេសណាក៏ចេះមើលពីគ្នា ចម្លងពីគ្នាដែរ គ្រាន់តែតិចឬច្រើន ចំពោះការតែងខ្លួន ខ្ញុំតែង<br />តែយកការឌីហ្សាញផ្ទាល់ខ្លួន យកមកធ្វើ ហើយការរៀបចំ style ដោយខ្លួនឯង តាំងពីឆ្នាំ២០០៣<br /> រហូតមក ដូចជាឌីហ្សាញអាវពីកញ្ចក់ បន្លារ ប្រើភ្លើង មកដាក់ លើអាវ ។ល។ ពេលនោះ មិនទាន់<br />មានសិល្បៈកូរ៉េ លុកលុយមកស្រុកយើងទេ ហេតុអីបានជា ថាខ្ញុំចម្លងស្តាយល៍ពីគេ ។</p>
<p>បើគិតពីការតុបតែង លេងម៉ូដសំលៀកបំពាក់ គឺជិត១០ឆ្នាំ ហើយបើមិនជឿ អាចយកបទចម្រៀង<br />ចាស់ៗ របស់ខ្ញុំមកចាក់មើលបាន។ ចំណែកឯបរទេសខ្លះ សិល្បៈទើបតែរីកចម្រើន ក្នុងរយៈពេល<br />ប៉ុន្មានឆ្នាំចុងក្រោយនេះសោះ បែរជាថាតារាខ្មែរចាំតែលួចចំឡងពីគេ ចុះម៉េចក៏មិនដែលឃើញអ្នក<br />ណាថា បរទេសលួចចម្លងស្តាយល៍ តារាខ្មែរខ្លះ?"។</p>
<p>ជាមួយគ្នានេះលោកណុប បាយ៉ារិទ្ធ បានបន្ថែមនៅក្នុង ឃ្លីបវីដេអូមួយ មានរយៈពេល១នាទីនិង៣៦<br />វិនាទី ដែលអ្នកដឹកនាំសិល្បៈរបស់ ប្រទេសកូរ៉េបានបង្ហោះក្នុងYou Tube ថា "បំបែកពីគំនិតខ្លួនឯង<br />ខ្លះ យើងមើលពីបណ្ដាប្រទេសផ្សេងខ្លះ ដើម្បីមកបំពេញនូវចំណុចដែលខ្វះខាត"។</p>
<p>ទោះបីជា លោក ណុប បាយ៉ារិទ្ធ បានទទួលរងមតិរិះគន់ពីសំណាក់មហាជន ក៏ដោយក៏លោកប្រាប់<br />បន្ថែមទៀតថា លោកមិនមានការខឹងសម្បារចំពោះការរិះគន់គ្មានការពិតទេ ហើយលោកក៏អរគុណ<br />ទៅដល់ទស្សនិកជន ក៏ដូចជាអ្នកគាំទ្រដែលធ្វើការរិះគន់ ហើយក្នុងន័យស្ថាបនា និងចាប់អារម្មណ៍<br />អំពីបញ្ហានេះ ៕</p>
<p><a class="thickbox" title="" href="/FileManager/Commons/2013/1/3/kosal-0049-03-01-2013--17-02-37.jpg"><img src="/FileManager/Articles/mce/2013/1/3/kosal-0049-03-01-2013--17-02-37.jpg" alt="" /></a></p>
<p><a class="thickbox" title="" href="/FileManager/Commons/2013/1/3/kosal-0050-03-01-2013--17-02-50.jpg"><img src="/FileManager/Articles/mce/2013/1/3/kosal-0050-03-01-2013--17-02-50.jpg" alt="" width="499" height="280" /></a></p>
<p><a class="thickbox" title="" href="/FileManager/Commons/2013/1/3/kosal-0051-03-01-2013--17-03-07.jpg"><img src="/FileManager/Articles/mce/2013/1/3/kosal-0051-03-01-2013--17-03-07.jpg" alt="" width="497" height="279" /></a></p>
<p style="text-align: center;"><object width="500" height="400" data="http://www.youtube.com/v/Uerkm1a2jJM&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/Uerkm1a2jJM&rel=1" /></object></p>
<p style="text-align: center;"> </p>
<p style="text-align: right;">ផ្តល់សិទ្ធិដោយ៖ ដើមអំពិល</p>