<p>ករណីគ្រោះថ្នាក់ចរាចរណ៍មួយ បានកើតឡើងនៅវេលាម៉ោង៤និង ៥០នាទីថ្ងៃទី១៣ កក្កដា ឆ្នាំ<br />២០១២ តាមបណ្តោយវិថីឯករាជ្យ ក្នុងចំណុចផ្លូវកោងបត់ទល់មុខអតីតសាលាដំបូងក្រុងព្រះសី<br /> ហនុចាស់ ស្ថិតនៅភូមិ៣ សង្កាត់៤ ក្រុងព្រះសីហនុ បង្កឱ្យមានការភ្ញាក់ផ្អើលភ្លាមៗ ដោយសារ<br />តែរថយន្តមួយគ្រឿង ដែលបើកបរមានល្បឿនហួសកំណត់ លុះមកដល់ចំណុចផ្លូវបត់ ដោយ<br />សារតែអ្នកបើកបរយកចង្កូតមិនទាន់ក៏ជ្រុលទៅបុកផ្ទប់ នឹងគល់ដើមគគីរនៅចិញ្ចើមផ្លូវ បណ្តាល<br />ឲ្យអ្នកបើកបររួមទាំងអ្នកជិះក្នុងរថយន្តចំនួន៩ នាក់ត្រូវរងរបួសធ្ងន់ ដេកដួលរដូករណែលជាប់<br />គល់គគីរគួរឱ្យរន្ធត់ណាស់ ។</p>
<p><img src="http://www.khmerload.com/images/uploads/a3137e79-774d-4144-aeea-e9dbdcfdb408-1.jpg" alt="" /></p>
<p><img src="http://www.khmerload.com/images/uploads/a22ed0a6-937f-4dae-ad8b-0856cea7d07f-1.jpg" alt="" /></p>
<p>អ្នករងគ្រោះខាងលើនោះគឺជាក្រុមការងារម៉ៅការរៀបចំតម្លើង ឆាកសម្រាប់ការប្រគំតន្ត្រីផ្សព្វ<br />ផ្សាយពាណិជ្ជកម្មស្រាបៀរ ដែលរៀបចំធ្វើឡើងរយៈពេល៥ថ្ងៃ ដែលក្រុមការងារខាងលើបាន<br />បំពេញភារកិច្ចក្នុងការរៀបចំឱ្យ ក្រុមហ៊ុន ។ ដោយពួកគេគិតថានៅថ្ងៃបញ្ចប់ការងារហើយ នឹង<br />វិលត្រឡប់ទៅរាជធានីភ្នំពេញវិញ ក៏បបួលគ្នាទៅកម្សាន្តលេងនៅឆ្នេរសមុទ្រអូរឈើទាល មិន<br />តែប៉ុណ្ណោះពួកគេបានផឹកស៊ីរួមគ្នាយ៉ាងសប្បាយនៅឯឆ្នេរ សមុទ្រ ។ លុះជិតដល់ម៉ោងធ្វើការ<br />ក៏នាំគ្នាបើករថយន្តវិលត្រឡប់មក កាន់កន្លែងធ្វើការវិញ ក៏ជួបប្រទះហេតុការណ៍នេះតែម្តង ។</p>
<p><br /><img src="http://www.khmerload.com/images/uploads/feb8f673-e181-4de8-a120-9ed885c5e383-1.jpg" alt="" /></p>
<p>នៅ កន្លែងកើតហេតុ អ្នកខ្លះនាំគ្នានិយាយរិះគន់ថា មកពីអ្នកបើកបរផឹកស្រវឹងជោកជាំទៅ<br /> ដោយអំណាចទឹកប្តូរនិស្ស័យ ទើបបានជាភ្លេចជាន់ហ្វ្រាំង ទៅជាន់ប៉ះចំហ្គារបន្ថែមល្បឿន<br /> ទើបបណ្តាលឲ្យរថយន្តបោលទៅជល់នឹងដើមគគីរស្ទើរបាក់ដាច់ យ៉ាងដូច្នេះ ។</p>
<p><img src="http://www.khmerload.com/images/uploads/e08d1f8d-2ee6-490b-a0be-fe2db9d144e3-1.jpg" alt="" /></p>
<p>ក្រោយពេលកើតហេតុភ្លាមៗនោះ មានរថយន្តសង្គ្រោះតាមគ្លីនិកឯកជនក្នុងខេត្តព្រះសីហនុ<br />ដឹកបញ្ជូនទៅព្យាបាលនៅតាមគ្លីនិកផ្សេងៗគ្នា ។ នៅក្នុងហេតុការណ៍ភ្លាមៗនេះពុំមានបង្កឲ្យ<br />មានគ្រោះថ្នាក់ ដល់អាយុជីវិតមនុស្សណាម្នាក់នោះទេ ។</p>
<p class="font-null"><img src="http://www.khmerload.com/images/uploads/41f07f7a-e3ab-457a-8525-be1e6d928305-1.jpg" alt="" /><img src="http://www.khmerload.com/images/uploads/40f71bba-beee-4d79-b0d8-8d663ed764b9-1.jpg" alt="" /></p>
<p class="font-null"> </p>
<p class="font-null" style="text-align: right;">ប្រភព៖ កោះសន្តិភាព</p>