<p>ចំពោះមនុស្សគ្រប់រូប ៩ខែ ១០ថ្ងៃ គឺជាតួលេខដែលមានអត្ថន័យខ្ពង់ខ្ពស់បំផុត វាគឺជារយៈពេល<br />ដែលម្ដាយរបស់យើងពពោះ យើងនៅក្នុងពោះម្ដាយ បានមើលពិភពលោក ពីជ្រុងមួយដ៏ពិសេស។</p>
<p>វាក៏ជារយៈពេលដែលយើងឆ្លងកាត់ដំណាក់កាលរីកចម្រើនពី អំប្រ៊ីយ៉ុង ឬភ្រូណា (Embryo) ដើម្បី<br />ក្លាយជាមនុស្សពេញលក្ខណៈ។ នៅក្នុងអំឡុងពេលនេះ មានរឿងរ៉ាវជាដ៏អស្ចារ្យជាច្រើន បានកើត<br />ឡើង ដែលយើងទាំងអស់គ្នា ហាក់ដូចមិនបានចងចាំ។<br /><br /><strong>១/ រន្ធគូទ បង្ហាញរូបរាងដំបូងគេ</strong></p>
<p style="text-align: center;"><a class="thickbox" title="" href="/FileManager/Commons/2013/11/8/child2-08-11-2013--20-23-37.jpg"><img src="/FileManager/Articles/mce/2013/11/8/child2-08-11-2013--20-23-37.jpg" alt="" /></a></p>
<p>អ្នកប្រហែលជាមិនធ្លាប់បានសួរខ្លួនឯងថា ពេលនៅជាទារកក្នុងពោះម្ដាយ តើអវយវៈណាមួយ<br />របស់រាងកាយ បានរីកចម្រើនមុនគេ ដូចជា ខួរក្បាល បេះដូង ឬប្រដាប់ភេទ? ទាំងនេះ មិនត្រឹម<br />ត្រូវទេ ព្រោះចម្លើយគឺ រន្ធគូទ បង្ហាញរូបរាងដំបូងគេ។<br /> <br />យោងតាមអ្នកវិទ្យាសាស្ដ្រ មនុស្សយើង រួមនឹងប្រភេទឈ្លើងសមុទ្រ និងកាំប្រមា ជាដើម គឺស្ថិត<br />ក្នុងពពួកសត្វដែលមានមាត់ច្រើន អាចបង្កើតកូនបាន ដែលហៅថា deuterostome ។ ចំពោះពាក្យ<br /> deuterostome នេះ មានប្រភពមកពីភាសាក្រិកបុរាណ ដែលមានន័យថា “មាត់ទីពីរ” ។ ពាក្យមួយ<br /> នេះ បង្ហាញអំពីចំណុចពិសេសរួមរបស់សត្វខាងលើ ក្នុងនោះមានសត្វមនុស្សផងដែរ ដោយពេល<br />នៅជាភ្រូណា (ទារកមិនទាន់ពេញលក្ខណៈ) រន្ធគូទមានរូបរាងមុនគេ។ <br /><br />ជាក់ស្ដែងនៅលើមនុស្ស ក្នុងដំណាក់កាលដំបូង ភ្រូណា(Embryo) បង្កើតថង់មួយ អនុញ្ញាតឱ្យ<br />កោសិកាខាងក្នុងបំលាស់ទី រីកចម្រើន ដែលហៅថា gastrula ។ ក្រោយមក នៅជាយរបស់ថង់<br />នេះ កោសិកានានា ចាប់ផ្ដើមកើតជារូបរាងរន្ធគូទបន្ដិចម្ដងៗ ទើបមានរូបរាងជាមាត់ នៅជាយ<br />ថង់ម្ខាងទៀត។<br /><br /><strong>២/ គេងច្រើន សូម្បីនៅពេលមិនទាន់មានត្របកភ្នែក</strong></p>
<p style="text-align: center;"><a class="thickbox" title="" href="/FileManager/Commons/2013/11/8/child3-08-11-2013--20-24-18.JPG"><img src="/FileManager/Articles/mce/2013/11/8/child3-08-11-2013--20-24-18.JPG" alt="" /></a></p>
<p>ដំណេកគឺជាសភាវគតិមួយរបស់មនុស្ស។ ក្នុងមួយថ្ងៃ មនុស្សពេញវ័យក៏ដេកបានប្រហែល ៨<br /> ម៉ោង ដើម្បីធានាឱ្យសុខភាពល្អ ប៉ុន្ដែ ទារកក្នុងផ្ទៃគឺខុសគ្នា។ បើទោះជាមានពន្លឺ ទារកក្នុងផ្ទៃ<br />នៅតែគេងបានយ៉ាងច្រើន បើទោះមិនទាន់មានត្របកភ្នែក។<br /> <br />បន្ទាប់ពីបានតាមដានដំណាក់កាលនានានៃការរីកចម្រើនរបស់ទារកក្នុងផ្ទៃ ក្រុមអ្នកវិទ្យាសាស្ដ្រ<br /> បានរកឃើញថា នៅសប្ដាហ៍ទី ១២ មុខងារនៃភ្នែករបស់ទារកក្នុងផ្ទៃ បានរីកចម្រើនស្ទើរពេញ<br />លក្ខណៈ។ ទន្ទឹមនឹងនេះ រហូតដល់សប្ដាហ៍ទី ២០ (ខែទី៥) ទើបត្របកភ្នែកចាប់ផ្ដើមបង្ហាញខ្លួន។<br /> រយៈពេលជិតពីរខែពេញ ទារកក្នុងផ្ទៃមិនអាចបិទបើកភ្នែកបាន ប៉ុន្ដែទារកនៅតែអាចគេងបាន<br /> ហើយរយៈពេលនៃការគេង ចេះតែកើនឡើង។<br /><br />មកដល់សប្ដាហ៍ទី ៣២ ការគេងរបស់ទារកក្នុងផ្ទៃ បានកើនឡើងដល់កម្រិតអតិបរមា។ អ្នកឯក<br />ទេសមានការភ្ញាក់ផ្អើលខ្លាំង នៅពេលបានដឹងថា ទារកគេងដល់ទៅ ៩០ ទៅ ៩៥% នៃពេល<br />វេលា ជំនួសឱ្យការប្រឡែងលេងជាមួយទងសុក ហែលលេងក្នុងទឹកភ្លោះ ឬរើដៃជើង។ល។ ក្នុង<br />នោះ មានពេលខ្លះ ទារកគេងយ៉ាងស្កប់ស្កល់ ប៉ុន្ដែក៏មានពេលខ្លះ គេងលក់ដោយភ្នែកត្រឡប់ចុះ<br />ឡើងដូចមនុស្សធំ។<br /><br /><strong>៣/ ពោះវៀននៅក្រៅរាងកាយ</strong></p>
<p style="text-align: center;"><a class="thickbox" title="" href="/FileManager/Commons/2013/11/8/child5-08-11-2013--20-25-39.jpg"><img src="/FileManager/Articles/mce/2013/11/8/child5-08-11-2013--20-25-39.jpg" alt="" /></a></p>
<p>ឃ្លាខាងលើនេះ ប្រហែលជាត្រឹមត្រូវពិតប្រាកដអំពីអត្ថានុរូប នៅពេលពិនិត្យទៅលើដំណើរការ<br />រីកចម្រើនរបស់ទារក។ កម្រនឹងមានគេដឹងថា ពោះវៀនរបស់ទារកបែរជារីកចម្រើននៅខាង<br />ក្រៅរាងកាយ។<br /> <br />នៅសប្ដាហ៍ទី ៦ នៃគភ៌ ពោះវៀនរបស់ទារក ចាប់ផ្ដើមមានរូបរាងនៅក្នុងទងសុកដែលភ្ជាប់ជា<br />មួយផ្ចិត។ ប្រព័ន្ធរំលាយអាហាររបស់ទារកពេលនោះ ពិតជាសាមញ្ញ រួមមានពោះវៀនមុខ ក្រោយ<br /> និងកណ្ដាល។<br /><br />ផ្នែកពោះវៀនកណ្ដាលនឹងរីកចម្រើនខ្លាំង ចាប់ពីពោះវៀនមួយកំណាត់ បំបែកជាពីរ ក្រោយមក <br />ទាំងពីកំណាត់នេះ ចាប់ផ្ដើមធំឡើង រុលចេញទៅខាងក្រៅរាងកាយ និងចូលទៅក្នុងទងផ្ចិត។ បន្ទាប់<br />មក ពោះវៀននេះចាប់ផ្ដើមរមូរ ហើយចុងក្រោយវាវិលមករកទារក នៅពេលផ្នែកដែលភ្ជាប់នឹងទង<br />សុក បានរីកចម្រើនពេញលក្ខណៈ។<br /><br /><strong>៤/ ហែលក្នុងទឹកនោម</strong></p>
<p style="text-align: center;"><a class="thickbox" title="" href="/FileManager/Commons/2013/11/8/child4-08-11-2013--20-24-57.jpg"><img src="/FileManager/Articles/mce/2013/11/8/child4-08-11-2013--20-24-57.jpg" alt="" /></a></p>
<p>ទារក ស្ថិតក្នុងស្បូនរបស់ម្ដាយ ហើយត្រូវបានហុំព័ន្ធដោយទឹកភ្លោះ នោះគឺជាប្រការដែលមនុស្ស<br />ទូទៅបានដឹង។ ប៉ុន្ដែ ប្រការដែលនឹងធ្វើឱ្យមនុស្សជាច្រើនមានការភ្ញាក់ផ្អើល នោះគឺ ទឹកភ្លោះ ដែល<br />សម្បូរដោយជាតិបំប៉ន មានតួនាទីសំខាន់សម្រាប់ជីវិត និងការរីកចម្រើនរបស់ទារក បែរជាត្រូវបានបង្កើតឡើងពីទឹកនោមរបស់ទារកនោះទៅវិញ។</p>
<p>តាមការពិត ទឹកភ្លោះត្រូវបានបង្កើតឡើងពីស្រទាប់នៃថង់ទឹកភ្លោះ ពីរាងកាយរបស់ម្ដាយ ហើយ<br />សំខាន់បំផុត គឺវាកើតឡើងពីទឹកនោមរបស់ទារកដែលបានបញ្ចេញចោល ចាប់ពីសប្ដាហ៍ទី ។<br /> <br />ចាប់ពីសប្ដាហ៍ទី ២០ ទារកនឹងចាប់ផ្ដើមដំណាក់កាល ស្រូបយកទឹកភ្លោះ តាមរយៈការលេបតាម<br />មាត់ និងតាមស្បែក។ ចាប់ពីសប្ដាហ៍ទី ៣៤ ទារកនឹងស្រូបយកទឹកភ្លោះ ចូលទៅក្នុងរាងកាយ ពី <br />៣០០ ទៅ ៥០០មីលីលីត្រ ក្នុងមួយថ្ងៃ។</p>
<p style="text-align: center;"><object width="498" height="427" data="http://www.youtube.com/v/8Stf0dri0II&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/8Stf0dri0II&rel=1" /></object></p>
<p> </p>
<p><strong>អត្វបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/42970/people-are-moral-in-the-morning-dishonest-in-the-afternoon"><span style="color: #3366ff;">ប្រយ័ត្ន! មនុស្សស្មោះត្រង់នៅពេលព្រឹក នឹងកុហកនៅពេលល្ងាច</span></a></span></p>
<p><span style="color: #3366ff;"><a href="/News/Detail/12409/where-apples-money-comes-from-"><span style="color: #3366ff;">តើ Apple រកបានប្រាក់ពីណាខ្លះ?</span></a></span></p>
<p><span style="color: #3366ff;"><a href="/News/Detail/61748/knowledge"><span style="color: #3366ff;">ទស្សនាវីដេអូតួនាទី នៃប្រព័ន្ធរំលាយអាហារ របស់មនុស្ស (Video Inside)</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ KH<br /><br /><br /></p>