<div class="article-content">
<p><strong>ខេត្តស្ទឹងត្រែង៖ </strong>គ្រោះថ្នាក់ ចរាចរណ៍មួយ បានកើតឡើងកាល ពីវេលាម៉ោង២ រសៀល ថ្ងៃ<br />ទី១៩ ខែឧសភា ឆ្នាំ២០១៣ នៅចំណុច ភូមិគីឡូ៨ សង្កាត់សាមគ្គី ក្រុងស្ទឹងត្រែង ទល់មុខនឹង<br />ស្នាក់ ការសង្កាត់រដ្ឋបាលព្រៃឈើដុងក្រឡ<strong> </strong>បណ្តាលឱ្យមនុស្សម្នាក់ស្លាប់ និង៣នាក់ទៀតរបួស<br />ធ្ងន់ស្រាល។</p>
<p><strong> </strong>សេចក្តីរាយការណ៍ ពីសាក្សីបាន ឲ្យដឹងថា គ្រោះថ្នាក់ចរាចរណ៍នេះ បានកើតឡើង រវាងរថយន្ត<br />ឡង់គ្រីស័រ១គ្រឿង បុកជាមួយនឹងរថយន្តកូរ៉េ ដឹកទឹកកក ដែលចតស្ងៀម បម្រុងលើក ទឹកកក<br />ដាក់ឱ្យម៉ូយ ភ្លាមនោះ រថយន្តឡង់គ្រីស័រពណ៌ស ធ្វើដំណើរពីត្បូងទៅជើង ក្នុងល្បឿនយ៉ាងលឿន<br /> លុះដល់ចំណុចផ្លូវកោង រថយន្តបាន ក៏ជៀសកន្លុក មកឆ្វេង រួចបត់ទៅស្តាំ បណ្តាលឱ្យ ជ្រុលចង្កូត<br />ទៅបុក ជាមួយរថយន្តកូរេដឹកទឹកកក បណ្តាល ឱ្យរថយន្ត ដែលចតស្ងៀម ផ្លោងទៅមុខចេញ ពី<br />កន្លែងកើតហេតុ ប្រមាណជាង១០ម៉ែត្រ ។</p>
<p>ស្របពេលនោះដែរ រថយន្តបង្ក បន្ទាប់ពីបុកក្បាល រថយន្ត វិលមកក្រោយ ក្រឡាប់ផ្ងាជើងចាក់<br />មនុស្ស ចេញដេករាយប៉ាយ ពេញផ្លូវ ខណៈនោះគេឃើញអ្នកបើករថយន្ត របួសធ្ងន់ជាងគេ រហូត<br />ដល់ស្លាប់ ពេលបញ្ជូនដល់មន្ទីរពេទ្យ។<strong> </strong>នគរបាលចរាចរណ៍ បានឱ្យដឹងថា ជនរងគ្រោះទាំង៤នាក់<br /> រស់នៅក្រុងបានលុង ខេត្តរតនគិរី</p>
<p>ជនរងគ្រោះទី១ មានឈ្មោះ អូន ទូច អាយុ២១ឆ្នាំ ជាអ្នកបើករថយន្ត បានស្លាប់ពេល បញ្ជូនដល់<br />មន្ទីរពេទ្យ ទី២ឈ្មោះ យ៉ាង មុំាង អាយុ៤៩ឆ្នាំ របួសត្រង់ ក្បាលធ្ងន់ ទី៣ឈ្មោះ យ៉ាង ប៉ុង អាយុ<br />៣៣ឆ្នាំ របួសស្រាល (ទាំង២នាក់ជាបងប្អូនបង្កើត) ទី៤ឈ្មោះ ស៊ើយ អេង អាយុ៤១ឆ្នាំ របួស<br />ស្រាល ។ ចំពោះរថយន្តបង្ក ម៉ាកឡង់គ្រីស័រ ពណ៌ស ពាក់ស្លាកលេខ ៩៣៤៤ ធ្វើដំណើរពីខេត្ត<br />រតនគិរី ឆ្ពោះទៅស្រុកសៀមប៉ាង ខេត្ត ស្ទឹងត្រែង ចំណែករថយន្តដឹកកក ជាប្រភេទផលិត នៅ<br />ប្រទេសកូរ៉េ គ្មានស្លាកសលេខ ៕ <strong> </strong></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0201.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0202.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0203.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>