<div class="article-content">
<p><strong>-ជនបង្កខឹងអ្នកទៅប៉ះកង់រថយន្ដថា ឌឺ ឱ្យខ្លួន ស្ទុះទៅភ្ជង់ក្បាល</strong><br /><br /><strong>កណ្ដាល ៖</strong> ជនសង្ស័យម្នាក់ ដែលត្រូវ បានគេលួចបង្ហើបថា ជាកូនប្រុសរបស់ថៅ កែហាងឆ្នេរ<br />ទន្លេ ស្ថិតនៅក្រុងតាខ្មៅ ខេត្ដ កណ្ដាល បានបាញ់ចំនួន ៣គ្រាប់ ដោយ សារតែមានជម្លោះនៅ<br />ក្នុងគ្រួសាររបស់ខ្លួន ប៉ុន្ដែ ជនបង្កវ័យក្មេងរូបនេះ ត្រូវបានសមត្ថ កិច្ចដោះលែងឱ្យត្រឡប់ទៅផ្ទះ<br />វិញ ក្រោយ ពីធ្វើការអប់រំរួច ។</p>
<p>អំពើបាញ់ប្រហារ ចំនួន ៣គ្រាប់ ស្ថិត នៅក្នុងហាងឆ្នេរទន្លេខាងលើនេះ បានកើត ឡើង កាលពី<br />វេលាម៉ោង ៦ និង១៥នាទី ល្ងាចថ្ងៃទី២១ ខែឧសភា ឆ្នាំ ២០១៣ កន្លង ទៅ ។</p>
<p>អធិការនគរបាល ក្រុងតាខ្មៅ លោក ស៊ឹម ប៊ុតបណ្ឌិត បានថ្លែងប្រាប់ដើមអម្ពិល តាមទូរស័ព្ទថា <br />ពិតជាមានករណីបាញ់ ប្រហារទាំងនេះកើតឡើងមែន ប៉ុន្ដែ មូល ហេតុដែលនាំឱ្យជននេះបាញ់<br />បណ្ដាលមកពី មានជម្លោះនៅក្នុងគ្រួសារ ។ លោកអធិការ ក្រុងតាខ្មៅបានបន្ដទៀតថា ក្រោយ<br />ពីមាន សកម្មភាពបាញ់បោះខាងលើនេះកើតឡើង កម្លាំងនគរបាលរបស់លោក បានចុះទៅ <br />កន្លែងកើតហេតុភ្លាមៗ និងឃាត់ខ្លួនជនបង្ក មកកាន់អធិការដ្ឋាននគរបាល ក្រុងតាខ្មៅ។</p>
<p>បើយោងតាមលោក ស៊ឹម ប៊ុតបណ្ឌិត ដោយសារតែមានការសម្រួលពីក្រុម គ្រួសារ ទើបខាង<br />នគរបាលគ្រាន់តែអប់រំ ហើយអនុញ្ញាតឱ្យត្រឡប់ទៅផ្ទះវិញ ។</p>
<p>យោងតាមប្រភពព័ត៌មាន ពីមន្ដ្រីនគរ បាលមួយរូបបានឱ្យដឹងថា ជនដែលបង្កការ ផ្ទុះអាវុធខាង<br />លើនេះ ឈ្មោះ អ៊ន លុច្ស ភេទប្រុស អាយុ ១៩ឆ្នាំ នឹងត្រូវបានគេដឹង ថា ជាកូនប្រុសរបស់ថៅ<br />កែហាងឆ្នេរទន្លេ តែម្ដង ។</p>
<p>សេចក្ដីរាយការណ៍ ពីកន្លែងកើតហេតុ បានឱ្យដឹងទៀតថា បុរសម្នាក់ឈ្មោះ យិន ម៉េង អាយុ <br />៤៨ឆ្នាំ រស់នៅភូមិថ្មី សង្កាត់ តាខ្មៅ ក្រុងតាខ្មៅ មុខរបរ អ្នកដឹកទំនិញ ត្រូវបានយុវជនរូបនេះ<br /> យកកាំភ្លើងទៅភ្ជង់ ក្បាល ដោយចោទថា ឌឺឱ្យខ្លួន។ ប៉ុន្ដែ ធាតុ ពិត នៅពេលកើតហេតុនោះ<br /> បុរសរងគ្រោះ យិន ម៉េង បានយករថយន្ដទៅបូមខ្យល់នៅមុខហាង ហើយពេលនោះបានស្រែក<br />ប្រាប់ ទៅអ្នកបូមខ្យល់ថា បាញ់បន្ថែមទៀត មាន ន័យថា បាញ់ខ្យល់ចូលបន្ថែមទៀត ។ពេល <br />នោះ ស្រាប់តែជនបង្កដែលត្រូវបានគេរាយ ការណ៍ថា ឧស្សាហ៍ផ្ទុះអាវុធនាពេលកន្លង មកនោះ<br />បានឮថា បុរស យិន ម៉េង ឌឺឱ្យខ្លួន ក៏ស្ទុះមកភ្ជង់ក្បាលនឹងកាំភ្លើង ប៉ុន្ដែ ត្រូវបានជួយអន្ដរាគមន៍<br />ភ្លាមៗ ពីសមត្ថកិច្ចផងដែរ។ យ៉ាងណាក៏ដោយការផ្ទុះអាវុធ ហើយសមត្ថកិច្ច ត្រឹមធ្វើការអប់រំ<br />ឱ្យត្រឡប់ ទៅផ្ទះវិញនោះ ច្បាស់ជាជនបង្កខាងលើ បានចិត្ដ និងបាញ់ លើកក្រោយទៀត នៅ<br />ពេលមានរឿងអ្វី កើតឡើងនោះ ដែលនាំឱ្យរូបគេខឹង ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0503.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>