<p><span style="color: #000000;"><strong>ភ្នំពេញ៖</strong> តារាចម្រៀងស្រីពីរដួង ជាមិត្តរួមទ្រនំនឹងគ្នាគឺកញ្ញា ផន ស្រីខួច និង សុខ សីឡាលីន បានចេញមុនបដិសេដន៍ព្រមគ្នា ភ្លាមៗ បន្ទាប់ពីមានការចេញផ្សាយថា អ្នកទាំងពីរ មានជម្លោះមើលមុខ មិនត្រង់ជាមួយគ្នា ផ្ទុយពីតារាសិល្បៈដទៃ ដែលនៅស្ញៀម មិនចេញមុខនិយាយអ្វីឡើយ ព្រោះជម្លោះជាការពិត ពិបាកប្រកែក ។ ផន ស្រីខួច និង សុខ សីឡាលីន ជាតារាចម្រៀង ដែលមានជំនាញពីរផ្សេងគ្នា ម្នាក់ជាតារាចម្រៀង បែបបុរាណប្រពៃណី កន្ទ្រឹម និងម្នាក់ទៀត ជាតារាចម្រៀងបែបលោកខាងលិច តែអ្នកទាំងពីរ បែរជាជាប់មន្ទិលថា មិនចុះសម្រុងគ្នា ។</span></p>
<p><span style="color: #000000;">ក្រោយពីការចុះផ្សាយនៅលើគេហទំព័រកម្សាន្ត LookingTODAY ដោយអត្ថបទមួយមានចំណងជើងថា «តារាស្រីល្បីៗ ក្នុងសង្គមសិល្បៈ ៦គូផ្ទុះជម្លោះជាមួយគ្នា មិនអាចផ្សះផ្សាបាន» ចេញផ្សាយកាលពីថ្ងៃទី២៥ ខែឧសភា ឆ្នាំ២០១៥ រួចមក តារាសម្ដែងកញ្ញា ផន ស្រីខួច និង សុខ សីឡាលីន បានចេញមុខ ច្រានចោលព័ត៌មាននេះ ដោយបានអះអាងថា ពួកគេពុំមានជម្លោះ ណាមួយកើតឡើង រហូតមើលមុខគ្នាមិនចំ ហើយពិបាកផ្សះផ្សានោះទេ ។</span></p>
<p><span style="color: #000000;">តារាចម្រៀងសំឡេងក្រអួនក្រអៅ រូបសម្រស់ស្រស់សោភា ផន នីដា ហៅស្រីខួច បាននិយាយថា «ថីហ្នឹង...? គេស្រឡាញ់រាប់អានគ្នាសោះ ថាគេឈ្លោះគ្នា គ្រាន់តែមិនបានថតរូបជុំគ្នាហ្នឹង...? គិតថា មិនត្រូវគ្នាមែន? គ្រាន់តែមិនជិតស្និទ្ធ...!» ។</span><br /> <br /><span style="color: #000000;">ចំណែកឯកញ្ញា សុខ ស្រីឡាលីន តារាចម្រៀងបែបលោកខាងលិចវិញបាននិយាយថា «គេជួបគ្នាតែរហូតសោះ...! រឿងអីថាមិនត្រូវគ្នា ខ្ញុំមិនដែលយកអ្នកសិល្បៈណា ធ្វើជាសត្រូវឡើយ ព្រោះមានមិត្តល្អជាងមានសត្រូវ អ្នកណាក៏ចង់ឲ្យគេ ស្រឡាញ់ដែរ...!» ។</span></p>
<p><span style="color: #000000;">មានការកត់សម្គាល់ថា មូលហេតុដែល តារាចម្រៀងទាំងពីរដួងខាងលើ បានចេញមុខបកស្រាយព្រមៗគ្នាបែបនេះ ព្រោះនាងខ្លាច មានភាពល្អក់កករ រវាងគ្នានិងគ្នា ដែលរស់នៅក្រោមដំបូលតែមួយ ។ ម្យ៉ាងពួកគេស្ថិតក្នុង ក្រុមតារាសិល្បៈ មិនសូវសម្បូរបញ្ហា ដូចនេះនាងមិនចង់ឲ្យមានព័ត៌មាន ឈ្លោះប្រកែកគ្នា នាំឲ្យខូចមុខមាត់ឡើយ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/26/60-26-05-2015--16-27-23.jpg"><img src="/FileManager/Articles/mce/2015/5/26/60-26-05-2015--16-27-23.jpg" alt="" /></a></span></p>
<p><a class="thickbox" title="" href="/FileManager/Commons/2015/5/26/61-26-05-2015--16-27-35.jpg"><img src="/FileManager/Articles/mce/2015/5/26/61-26-05-2015--16-27-35.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/5/26/60-26-05-2015--16-27-23.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>