<div class="summary">
<p>តាមប្រភពពីកាសែត Daily Star បានឲ្យដឹងថា ថ្នាក់ដឹកនាំក្លឹប Man Utd កំពុងតែដាក់ចេញនូវ ផែនការ ទិញយកគ្រូបង្វឹក Jurgen Klopp ដើម្បីយកមកជំនួសលោក David Moyes បន្ទាប់ពីការ ដឹកនាំក្លឹបបិសាចក្រហម មិនបានល្អ ក្នុងមួយរយះពេលកន្លងមកនេះ។</p>
</div>
<div class="content">
<p>នៅក្នុងការប្រកួតជុំទី ១៥ នៅ Premier League កាលពីចុងសប្តាហ៍កន្លងទៅនេះ Man Utd ត្រូវ បាន Newcastle បំបាក់នៅក្នុងទឹកដីរបស់ខ្លួនតែម្តង ក្នុងលទ្ធផល ០-១ ។ នេះគឺជាលើកទី២ ជាប់គ្នា ដែលក្លឹបបិសាចក្រហម ទទួលបរាជ័យ ដែលលើកមុនគឺ បានចាញ់ Everton ក្នុងលទ្ធផល ដូចខាងលើដែរ។ ជាលទ្ធផល Man Utd ត្រូវបានធ្លាក់ទៅចំណាត់ថ្នាក់ទី៩ ក្នុងតារាង Premier League ដោយចាញ់ក្លឹបកំពូលតារា Arsenal ១៣ ពិន្ទុ និងឃ្លាតឆ្ងាយ ៧ ពិន្ទុ ពីក្លឹប Top 4 ផង ដែរ។</p>
<p>តាមរយះការដឹកនាំដ៏អន់នេះ បណ្តាអ្នកគាំទ្រក្លឹបបិសាចក្រហម បានដាក់សំពាធយ៉ាងខ្លាំង ទៅ លើថ្នាក់ដឹកនាំក្លឹប ឲ្យបញ្ឈប់ការងារគ្រូបង្វឹក David Moyes។ ជាក់ស្តែង មិនចាំបាច់ដល់ថ្នាក់ អ្នក គាំទ្រ ដាក់សំណើនោះទេ ថ្នាក់ដឹកនាំក្លឹប បានដាក់ចេញជាផែនការ រួចទៅហើយ។</p>
<p style="text-align: center;"><a class="thickbox" title="" href="/FileManager/Commons/2013/12/9/moyes-09-12-2013--14-21-35.jpg"><img src="/FileManager/Articles/mce/2013/12/9/moyes-09-12-2013--14-21-35.jpg" alt="" /></a></p>
<p style="text-align: center;"><span style="color: #808080;"><em>David Moyes កំពុងតែបង្កឲ្យមានការអស់សង្ឃឹមយ៉ាងខ្លាំង សម្រាប់ Man Utd</em></span></p>
<p>យោងតាមប្រភពពី Daily Star បន្ទាប់ពីការប្រកួតចាញ់ Newcastle បណ្តាថ្នាក់ដឹកនាំសំខាន់ៗ របស់ Man Utd បានដាក់ចេញផែនការ រកមនុស្សជំនួសលោក David Moyes មុនបុណ្យណូអែល នេះរួចទៅហើយ។ គោលដៅរបស់ក្លឹបបិសាចក្រហម គឺផ្តោតទៅលើគ្រូបង្វឹករបស់ក្លឹប Borussia Dortmund គឺលោក Jurgen Klopp។</p>
<p style="text-align: center;"><a class="thickbox" title="" href="/FileManager/Commons/2013/12/9/alexandklopp-09-12-2013--14-22-59.jpg"><img src="/FileManager/Articles/mce/2013/12/9/alexandklopp-09-12-2013--14-22-59.jpg" alt="" /></a></p>
<p style="text-align: center;"><span style="color: #808080;"><em>Sir Alex Ferguson និង Jurgen Klopp ជាបេក្ខជនពីររូប ដែលអាចនឹងបន្តកាន់តំណែង ពីលោក David Moyes</em></span></p>
<p><em></em>លោក Alex Donohue អ្នកតំណាងរបស់ Ladbrokes បានឲ្យដឹងថា: “ពួកយើងគិតថា វាមិនជា រហ័សពេកទេ ដែលពេលនេះយើងដាក់ចេញនូវអត្រាដែល Man Utd បញ្ឈប់ការងារលោក David Moyes។ នេះគឺជាពេលវេលាដ៏សក្តិសមបំផុត ដែលពួកគេគួរធ្វើរឿងនេះ។ Klopp គឺជា បេក្ខជន លំដាប់ទី១ មានតំលៃជាងគេបំផុត របស់ Man Utd។ ហើយក៏មិនអាចលើកលែង នូវ លទ្ធភាពដែលអតីតគ្រូបង្វឹកចូលនិវត្តន៍ Sir Alex Ferguson វិលត្រលប់ មកកាន់តំណែងនេះវិញ ផងដែរ” ៕</p>
<p style="text-align: right;">ប្រែសម្រួល៖ សិលា<br />ប្រភព៖ zing</p>
</div>