<p><span style="color: #000000;">មិនគួរឲ្យជឿ ៖ ជម្លោះមួយបានកើតឡើង ពាក់ព័ន្ធនឹងការកុងកាច់គ្នា ទៅនឹងដំណើររឿងភាគដែល កំពុងតែល្បីល្បាញខ្លាំងនៅក្នុងប្រទេស បង់ក្លាដេស ដែលឈានទៅដល់ការបង្កើតជាជម្លោះទ្រង់ ទ្រាយធំ មនុស្សរាប់រយនាក់ ក្នុងនោះ ១៥នាក់ រងរបួសធ្ងន់ នេះបើយោងតាមសម្តីមន្រ្តីប៉ូលីសក្នុង ស្រុក ប្រទេស បង់ក្លាដេស ។ </span></p>
<p><br /><a class="thickbox" title="" href="/FileManager/Commons/2016/8/20/17c-20-08-2016--09-32-15.jpg"><img src="/FileManager/Articles/mce/2016/8/20/17c-20-08-2016--09-32-15.jpg" alt="" /></a></p>
<p><span style="color: #000000;"><br /><a class="thickbox" title="" href="/FileManager/Commons/2016/8/20/17-20-08-2016--09-29-01.jpg"><img src="/FileManager/Articles/mce/2016/8/20/17-20-08-2016--09-29-01.jpg" alt="" /></a></span></p>
<p><br /><a class="thickbox" title="" href="/FileManager/Commons/2016/8/20/17a-20-08-2016--09-29-15.jpg"><img src="/FileManager/Articles/mce/2016/8/20/17a-20-08-2016--09-29-15.jpg" alt="" /></a><span style="color: #000000;"><a class="thickbox" title="" href="/FileManager/Commons/2016/8/20/17-20-08-2016--09-29-01.jpg"></a><br /></span></p>
<p><span style="color: #000000;">អ្នកភូមិមកពីស្រុក Habiganj បានប្រមូលផ្តុំជួបជុំគ្នានៅឯហាងកាហ្វេ ដើម្បីទស្សនារឿងភាគឥណ្ឌា កំពុងតែពេញនិយម រឿង Kiranmala ប៉ុន្តែជម្លោះបានកើតឡើង ក្រោយពីបុរស ២នាក់ មានមតិកុង គ្នាទៅនឹងដំណើររឿងដែលចាក់បញ្ជាំង រហូតទៅដល់ភាគីម្ខាងៗកៀងគរមនុស្សរាប់រយនាក់ ឈាន ទៅប្រើអំពើហឹង្សា ដោយប្រើដំបង និងកាំបិត ដែលនាំឲ្យអាជ្ញាធរក្នុងស្រុក សំរេចប្រើឧស្ម័នបង្ហូរទឹក ភ្នែកក៏ដូចជាបាញ់គ្រាប់ជ័រដើម្បីបំបែកហ្វូងជម្លោះ ។</span></p>
<p><br /><a class="thickbox" title="" href="/FileManager/Commons/2016/8/20/17b-20-08-2016--09-29-24.jpg"><img src="/FileManager/Articles/mce/2016/8/20/17b-20-08-2016--09-29-24.jpg" alt="" /></a></p>
<p><span style="color: #000000;">គួរបញ្ជាក់ថា រឿងភាគឥណ្ឌា Kiranmala ស្តីពី ព្រះនាងដ៏អង់អាច ចេញមុខជួយសង្គ្រោះមនុស្សជាតិ ពីសភាវៈអាក្រក់នោះ កំពុងតែពេញនិយមខ្លាំង នៅក្នុងប្រទេស បង់ក្លាដេស ។ សេចក្តីរាយការណ៍ បញ្ជាក់ឲ្យដឹងថា ជម្លោះបានកើតឡើងនៅក្នុងហាងកាហ្វេមួយកន្លែង នៅភូមិ Dhol រយៈចម្ងាយ ប្រមាណ ១៧៦គ.ម ភាគខាងកើតឆៀងខាងលិច ក្រុង Dhaka ។ ស្នងការប៉ូលីសក្នុងស្រុក លោក <br />Yasinul Haque គូសបញ្ជាក់ដល់សារព័ត៌មាន ប៊ីប៊ីស៊ី អោយដឹងថា បុរស ២នាក់ បានមានជម្លោះនឹង គ្នាក៏ព្រោះតែទាស់ពាក្យសម្តីទៅនឹងសាច់រឿងភាគ ដែលនាំឲ្យម្ខាងៗប្រមូលគ្នាដល់ទៅរាប់រយនាក់ រួចប្រើអំពើហឹង្សា មានជាការវាយដំបងដាក់គ្នា និងប្រើកាំបិតជាដើម ។ </span></p>
<p><span style="color: #000000;">ប៉ូលីសបានសម្រេចបាញ់គ្រាប់ជ័រ ក៏ដូចជា ឧស្ម័នបង្ហូរទឹកភ្នែក ដើម្បីគ្រប់គ្រងស្ថានការណ៍ ខណៈ ១៥នាក់ ត្រូវការសម្រាកនៅក្នុងមន្ទីរពេទ្យ ។ សារព័ត៌មាន AFP ឲ្យដឹងថា ហោចណាស់ មនុស្ស សរុប ១០០នាក់ ទទួលរងរបួសធ្ងន់ស្រាល ពាក់ព័ន្ធនឹងជម្លោះលើកនេះ ព្រោះតែរឿងភាគល្បីរបស់ ឥណ្ឌា នៅលើទឹកដី បង់ក្លាដេស៕</span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>