<p>Niu Mudong ផ្ដើមធ្វើជំនួញ ចាប់ពីអាយុ ១៧ឆ្នាំ និងធ្លាប់រកបានប្រាក់គ្រប់គ្រាន់ ដើម្បីបង់ថ្លៃ<br />សាលា នៅអាមេរិក។</p>
<p style="text-align: center;"><a class="thickbox" title="" href="/FileManager/Commons/2015/1/10/niu2-10-01-2015--11-40-43.jpg"><img src="/FileManager/Articles/mce/2015/1/10/niu2-10-01-2015--11-40-43.jpg" alt="" /></a></p>
<p style="text-align: center;">នាង Niu Mudong (កណ្ដាល) ថតរូបជាមួយបុគ្គលិកឆ្នើមរបស់ខ្លួន</p>
<p><br />បច្ចុប្បន្ន Niu Mudong គ្រប់គ្រងក្រុមហ៊ុនអ៊ីនធឺរណែតមួយ និងជាអ្នកជំនួញជំនាន់ថ្មីម្នាក់ របស់<br />ប្រទេសចិន។ នាងយល់ថា បុគ្គលិកឆ្នើម គឺជាមនុស្សដែលធ្វើការបានសម្រេចក្នុងកម្រិតខ្ពស់<br />បំផុត។ មួយរយៈពេលកន្លងទៅនេះ Niu Mudong ត្រូវបានគេចាប់អារម្មណ៍ជាខ្លាំង នៅលើទំព័រ<br />សារព័ត៌មាន ក៏ដូចជាបណ្ដាញសង្គមនៅប្រទេសចិន បន្ទាប់ពីនាងបានប្រើប្រាស់រថយន្ដ BMW<br /> ៤គ្រឿង ដើម្បីធ្វើជារង្វាន់ចុងឆ្នាំសម្រាប់បុគ្គលិក។</p>
<p style="text-align: center;"><a class="thickbox" title="" href="/FileManager/Commons/2015/1/10/niu1-10-01-2015--11-42-13.jpg"><img src="/FileManager/Articles/mce/2015/1/10/niu1-10-01-2015--11-42-13.jpg" alt="" /></a></p>
<p>នាង Niu Mudong បានផ្ដើមធ្វើជំនួញ កាលពីឆ្នាំ ២០១៤ ដោយបើកហាងអនឡាញមួយ នៅលើ <br />Taobao ដែលជាគេហទំព័រពាណិជ្ជកម្មរបស់ Alibaba ដើម្បីលក់ផលិតផលបញ្ចុះទម្ងន់។ ពេល<br />នោះ Niu Mudong ជួបការលំបាកខ្លាំង ដែលកើតឡើងដោយសារការសិក្សា និងការរកស៊ី ដែល<br />នាងត្រូវទទួលខុសត្រូវ។</p>
<p>ដូចទៅនឹងបណ្ដាគ្រួសារនៅប្រទេសចិន ពុកម្ដាយរបស់ Niu Mudong មិនចង់ឱ្យកូនស្រីរបស់ខ្លួន ចេញទៅសិក្សាឆ្ងាយពីប្រទេសកំណើតរបស់ខ្លួន។ ប៉ុន្ដែ អ្វីៗបានប្ដូរផ្លាស់ នៅពេលនាងរកបានប្រាក់គ្រប់គ្រាន់សម្រាប់ការចេញទៅសិក្សានៅអាមេរិក។</p>
<p style="text-align: center;"><a class="thickbox" title="" href="/FileManager/Commons/2015/1/10/niu0-10-01-2015--11-47-50.jpg"><img src="/FileManager/Articles/mce/2015/1/10/niu0-10-01-2015--11-47-50.jpg" alt="" /></a></p>
<p>ក្រោយពីទទួលបានការអនុញ្ញាតពីសកលវិទ្យាល័យ Boston ហើយការសិក្សារបស់នាង មាន<br />ស្ថេរភាពនៅអាមេរិក ឆ្នាំ ២០១៤ Niu Mudong ក៏បង្កើតក្រុមហ៊ុនមួយផ្ទាល់ខ្លួន ដែលមានលក់<br />ផលិតផលថែរក្សាស្បែក សម្រកទម្ងន់ និងថែទាំសុខភាព។ ក្នុងឆ្នាំនោះ Niu Mudong បានឱ្យដឹង<br />ថា នាងរកបានប្រាក់ជិត ២០០លានយ័ន (ប្រហែល ៣២លានដុល្លារអាមេរិក)។</p>
<p style="text-align: center;"><a class="thickbox" title="" href="/FileManager/Commons/2015/1/10/niu3-10-01-2015--11-43-31.jpg"><img src="/FileManager/Articles/mce/2015/1/10/niu3-10-01-2015--11-43-31.jpg" alt="" /></a></p>
<p style="text-align: center;">Niu Mudong បច្ចុប្បន្ន មានបុគ្គលិក ៧.០០០នាក់<br /><br /></p>
<p>ទំព័រ CCTV បានចេញផ្សាយថា បច្ចុប្បន្ន ក្រុមហ៊ុនរបស់ Niu Mudong មានបុគ្គលិកជិត ៧.០០០<br />នាក់ ដែលភាគច្រើនគឺជាយុវវ័យ កំពុងសិក្សា ឬបានបញ្ចប់ការសិក្សាកម្រិតបរិញ្ញា និងមាន<br />មហិច្ឆតាខ្ពស់។ បណ្ដាញជំនួញរបស់នាង មាននៅក្នុងបណ្ដាប្រទេស ដូចជា ប្រទេសចិន អង់គ្លេស<br /> បារាំង អ៊ីតាលី និងញូវហ្សេឡែន។</p>
<p style="text-align: center;"><a class="thickbox" title="" href="/FileManager/Commons/2015/1/10/niu6-10-01-2015--11-44-24.jpg"><img src="/FileManager/Articles/mce/2015/1/10/niu6-10-01-2015--11-44-24.jpg" alt="" /></a></p>
<p style="text-align: center;">ម្ចាស់ក្រុមហ៊ុនវ័យក្មេង នាង Niu Mudong</p>
<p><br />អ្នកជំនួញវ័យក្មេងរូបនេះ បានថ្លែងថា ៖ “បុគ្គលិកឆ្នើមបំផុត ៤រូប របស់ខ្ញុំ គឺជាមនុស្សដែលទើប<br />បានបញ្ចប់ការសិក្សានៅមហាវិទ្យាល័យ និងមានអាយុច្រើនជាង ២០ឆ្នាំ។ ពួកគេម្នាក់ៗ សុទ្ធតែ<br />ធ្លាប់រកបានប្រាក់ចំណេញឱ្យក្រុមហ៊ុនជាង ១០លានយ័ន (១,៦លានដុល្លារអាមេរិក) កាលពីឆ្នាំ<br />ទៅ។ ពួកគេគឺជាមនុស្សមិនធម្មតា”៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ shanghaiist</p>