<p><span style="color: #000000;"><strong>ភ្នំពេញ៖</strong> តារាចម្រៀងស្រីពីរដួង កំពុងតែត្រូវទទួលរងនូវការរិះយ៉ាងចាស់ ដៃក្នុងប្រព័ន្ធអ៊ិនធើណែត គឺកញ្ញា យូរី តារា ចម្រៀងរបស់ ផលិតកម្មសាន់ដេ និង កញ្ញា ឃិត សំម៉ាលីស របស់ផលិតកម្មដាយមិនម្ញូសិក ត្រូវបានគេកត់សម្គាល់ ឃើញថា អ្នកទាំងពីរ មានចំណុច ស្រដៀងគ្នា ជាច្រើន ដូចជា ការស្លៀកពាក់ដ៏សិចស៊ី លេចលើលេច ក្រោម បង្ហាញ រុនផ្ចិត និងដើមទ្រូង ពិសេសចូលចិត្តច្រៀង បទញាក់ដូចគ្នា រាំសាហាវដូចគ្នា ។ តែសំឡេងពួកនាង មិនស៊ីនឹងបទ ចម្រៀងបែបស្លូឡើយ ។ សូម្បីតែថ្មីៗនេះ ក៏ត្រូវបានគេជេរដូចគ្នាទៀត ពិតជាគូព្រេង មិនព្រាត់មែន។ តារាចម្រៀង យូរី ក្លាយជាតារាចម្រៀងស្រីរបស់ សាន់ដេ តែម្នាក់គត់ ហ៊ានស្លៀកពាក់សិចស៊ី និងច្រៀងបទចម្រៀងសាហាវៗ រាំបែបកាចៗ ។ </span></p>
<p><span style="color: #000000;">ចំណុចលេចធ្លោ របស់ យូរី គ្មានអ្វីក្រៅពីការលេងខ្លួនសិចស៊ីប្លែកពីគេនោះទេ ។ នាងពូកែច្រៀងបទចម្រៀងល្បីៗរបស់ ប្រទេសជិតខាង រួចយកមកច្រៀងបន្ត ទាំងបទញាក់ និងស្លូ ។ តែថ្មីៗនេះ យូរី បានយកបទចម្រៀងល្បីបំផុតរបស់ វៀតណាម មកច្រៀង និងឡើងសម្ដែង នៅតាមខេត្ត ធ្វើឲ្យមហាជន ជេរកប់ៗមាត់ ទាំងខ្មែរ និងវៀតណាម ថាអត់មាន គំនិតច្នៃប្រឌិត បង្កើតអ្វីដែលជារបស់ខ្លួនឯង ចំាតែចម្លងពីគេ ។ អ្នករិះគន់ យូរី មិនត្រឹមតែរិះគន់បទចម្រៀង និងស្ទីលរាំ ចម្លងគេនេះទេ ថែមទាំងនិយាយ ដល់ការកែកុនមុខមាត់ របស់ នាង យូរី ថា ស្អាតរហូតមើល មិនយល់ ព្រោះកែខ្ទេចគ្មានសល់ ។</span></p>
<p><span style="color: #000000;">ចំណែក កញ្ញា ឃិត សំម៉ាលីស វិញ ត្រូវបានល្បីកាន់តែខ្លាំង ក្រោយពីបែកធ្លាយជម្លោះ ជាមួយប្រធានក្រុមចចក សមុទ្រ រួមទាំង កញ្ញា កុសុមៈ និង សុខ ស្រីលក្ខណ៍ ព្រោះនាងត្រូវបានគេប្រសិទ្ធិនាមថា ស្រីជើងខ្លាំងក្នុង ភោជនីយ៍ដ្ឋាន តាវានដែង ។ ឃិត សំម៉ាលីស ត្រូវបានអ្នកនាង ពេជ្រ សេរីរ័ត្ន ហៅទៅបកស្រាយ ក្នុងជម្លោះជាមួយប្រធានក្រុមចចកសមុទ្រ តែនាងហាក់ដើរក្រោយគេ ព្រោះទៅបកស្រាយមុន តែពេល ប្រធានក្រុម ចចកសមុទ្រ ទៅបកស្រាយដែរ គឺ ឃិត សំម៉ាលីស ហាក់បីដូចជា យកដំបងសំពោងក្បាលខ្លួនឯង លើកញ្ចក់ទូរទស្សន៍អ៊ីចឹង។</span></p>
<p><span style="color: #000000;">ចុងក្រោយបំផុត ឃិត សំម៉ាលីស បានឡើងកញ្ចក់ទូរទស្សន៍ អាស៊ីអាគ្នេយ៍ ក្នុងកម្មវិធី «Fun zone» បានបកស្រាយចម្រៀងមួយបទ មានចំណងជើងថា «ផឹកកាហ្វេ» តែត្រូវបានគេជេរ ពេញអ៊ីនធើណែត ដូច យូរី ដែរ ព្រោះបទនេះពេលច្រៀង គ្មានក្បាលគ្មានកន្ទុយ មិនដឹងនិយាយពីអ្វី ឮតែផឹកកាហ្វេៗ ។ ចំណែកឯក្បាច់រាំវ៉ល់ៗ ពេញឆាក ហាក់គ្មានសណ្ដាប់ធ្នាប់បន្តិចសោះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/14/10-14-03-2015--08-34-41.jpg"><img src="/FileManager/Articles/mce/2015/3/14/10-14-03-2015--08-34-41.jpg" alt="" /></a></span></p>
<p><a class="thickbox" title="" href="/FileManager/Commons/2015/3/14/11-14-03-2015--08-34-48.jpg"><img src="/FileManager/Articles/mce/2015/3/14/11-14-03-2015--08-34-48.jpg" alt="" /></a></p>
<p><a class="thickbox" title="" href="/FileManager/Commons/2015/3/14/12-14-03-2015--08-34-54.jpg"><img src="/FileManager/Articles/mce/2015/3/14/12-14-03-2015--08-34-54.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>