<p><strong>ខេត្តកណ្តាល៖</strong> សប្បុរសជនតាមបណ្តាញ ហ្វេសប៊ុក រួមមានព្រះសង្ឃផងនោះ កាលពីថ្ងៃ២៤<br /> ខែកុម្ភៈ ឆ្នាំ២០១៣ បាននិមន្ត និងអញ្ជើញចុះទៅ សួរសុខទុក្ខតារាកំប្លែង នាយតាក់ស៊ី ខណៈ<br />ដែលកំពុង មានជំងឺជាទម្ងន់ និង កំពុងជួបនូវបញ្ហា ជីវភាពជាខ្លាំង ព្រមទាំងបានយកប្លង់ដីដាក់<br />បញ្ចាំ យកលុយមើល ជំងឺថែមទៀតផង។</p>
<p>នៅក្នុងឱកាសចុះសួរសុខទុក្ខនោះ លោក ខ័ណ្ឌ ច័ន្ទសុផល រួមនិងព្រះតេជគុណ ធឹង ច័ន្ទត្រា ព្រះ<br />ចៅអធិការវត្ត ប៉ាឆា ខេត្តក្រចេះ រួមនិងសមាជិកក្រុម ព័ត៌មានជាតិដោយ សេរី ថ្មីៗ និងប្រតិកម្ម<br />រហ័ស នៃបណ្តាញសង្គមហ្វេស ប៊ុក ដែលតែងតែចូលរួមក្នុងកិច្ចការសង្គម និងសប្បុរសធម៌នោះ <br />បាននាំយកនូវគ្រឿងឧបភោគ បរិភោគ និងថវិកា មួយចំនួន ដែលបានមកសមាជិកក្រុម ជូនតារា<br />កំប្លែងលោក ប៉ុល សាវឿង ហៅនាយ តាក់ស៊ី ដែលកំពុងឈឺធ្ងន់ រួមមានទឹកនោមផ្អែម និង រលាក<br />ថ្លើម ព្រមទាំងពោះវៀនធំផងដែរ។</p>
<p>អំណោយសប្បុរសធម៌ ដែលប្រគល់ជូននាយតាក់ស៊ី ក្នុងឱកាសនោះ រួមមាន អង្ករ ៥០ គីឡូក្រាម<br /> ទឹកត្រី និង ទឹក ស៊ីអ៊ីវ ១យួរ ទឹកសុទ្ឋចំណុះ ២០លីត្រ១ធុង ទឹកបរិសុទ្ធវីតាល់ ១កេះ ត្រីខ ២ឡូ ទឹក<br />ដោះគោឆៅ ៣ឡូ មីយើង ២កេះ នំបុ័ង ១០ដើម និង ថវិកា ៤៥០.០០០ រៀលផងដែរ។<br />លោក ខ័ណ្ឌ ច័ន្ទសុផល រួមនិងសមាជិកក្រុមដទៃទៀត បានប្រាប់មជ្ឈមណ្ឌល ព័ត៌មានដើមអម្ពិលថា<br /> ដោយមើល ឃើញជីវភាព ដែលកំពុងខ្វះខាត របស់តាមកំប្លែង នាយតាក់ស៊ី ដែលកំពុងមានជំងឺ ទឹក<br />នោមផ្អែមធ្វើទុកនោះ ក្រុម របស់លោកបានអំពាវនាវ សប្បុរសជន ដើម្បីកៀងគរ រកជំនួយសប្បុរស<br />ខ្លះៗ យកទៅជួយសម្រាល នូវទុក្ខលំបាក របស់គាត់។</p>
<p>តាមភរិយា នាយតាក់ស៊ី ដែលជាតារាកំប្លែងកំពុងតែ មានប្រជាប្រិយភាពមួយរូប តាមរយៈកាយវិការ<br /> ក្រមិចក្រមើម សម្តែងជាតួអង្គសត្វស្វារូបនេះ បានឲ្យដឹងថា ក្រុមគ្រួសាររបស់គាត់ កំពុងជួបនូវបញ្ហា <br />ខ្វះខាតក្នុងជីវភាពជាខ្លាំង ព្រោះតែការមើលថែ និងព្យាបាលជំងឺស្វាមីរបស់គាត់ រហូតយកប្លង់ដីដាក់<br />ចងការ អ្នកជិតខាងយកលុយព្យាបាល ជំងឺប្តីរបស់គាត់ថែមទៀតផង។ អ្នកស្រីបានបញ្ជាក់ថា ក្នុង១<br />សប្តាហ៍ថៃ្លព្យាបាល អស់រហូតដល់ជាង ២០០ដុល្លារ ឯណោះ។</p>
<p>នាយ តាក់ស៊ី និង ភរិយា មានបានសម្តែងនូវការ ដឹងគុណក្រៃលែង ដែលបានឃើញ សប្បុរសជន រួម<br />មានព្រះ សង្ឃផងនោះ បាននិមន្ត និងអញ្ជើញចុះទៅ សួរសុខទុក្ខគាត់ ហើយបាននាំយកនូវអំណោយ <br />ជាច្រើនជូនពួកគាត់ សម្រាប់ដោះស្រាយក្នុងជីវភាព។ នាយ តាក់ស៊ី និងភរិយា ក៏បានជូនពរទៅដល់<br /> សប្បុសជនទាំងអស់ ឲ្យជួបតែ សេចក្តីសុខរកស៊ី មានបានគ្រប់ៗគ្នា។</p>
<p>លោក ប៉ុល សាវឿង ហៅនាយ តាក់ស៊ី ដែលតារាកំប្លែងមួយរូប ក្នុងក្រុមរបស់ នាយពែក មី តាមរយៈ<br />ការដើរតួជា ស៊ុន អូខុងនោះ បានធ្លាក់ខ្លួនឈឺជាទម្ងន់ តាំងពីមុនចូលឆ្នាំចិន មកម្ល៉េះ ហើយរហូតមក<br /> ដល់ពេលនេះ កំពុងប្រឈម និងការខ្វះខាតថ្លៃ ព្យាបាលជាខ្លាំង រហូតដល់យក ប្លង់ដីដាក់បញ្ចាំ ដើម្បី<br />យកលុយទូទាត់ ថ្លៃព្យាបាលជំងឺ ទៀតផង។ តែទោះជាយ៉ាងណា រហូតមកដល់បញ្ចុះប្បន្ននេះ ស្ថាន<br />ភាពជំងឺបាន ធូរស្រាលខ្លះហើយ។</p>
<p>ទាំងនាយតាក់ស៊ី ក៏ដូចជាភរិយា បានអំពាវនាវដល់ សប្បុរសជនទាំងក្នុង និងក្រៅប្រទេស ដែលធ្លាប់<br />គាំទ្រពួក គាត់ តាមរយៈការសម្តែងនោះ មេត្តាជួយផ្តល់ការឧបត្ថម្ភ ដល់ក្រុមគ្រួសាររបស់គាត់ ដែល<br />កំពុងជួបនូវទុក្ខលំបាក ក្នុងជីវិតនេះផង៕</p>
<p style="text-align: center;"><img src="http://111.92.240.170:81/lookingtoday/looking-images/news/2013/Jan/id-099/v_1395.jpg" alt="Photo by Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/Jan/id-099/v_1396.jpg" alt="Photo by Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/Jan/id-099/v_1397.jpg" alt="Photo by Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>