<div class="article-content">
<p><strong>ភ្នំពេញ ៖</strong> គ្រោះថ្នាក់ចរាចររវាងម៉ូតូម៉ាក ស៊ុយស៊ូគីនិក បុកជាមួយម៉ូតូម៉ាកសេ១២៥ លើកំណាត់ផ្លូវជាតិលេខ៤ ក្នុងភូមិអូដឹម សង្កាត់ចោមចៅ ខណ្ឌពោធិ៍សែនជ័យ បាន បណ្ដាលឱ្យយុវជនពីរនាក់ស្លាប់ភ្លាមៗនៅ កន្លែងកើតហេតុ កាលពីវេលាម៉ោង១និង ៤០នាទីយប់រំលងអាធ្រាត្រឈានចូលថ្ងៃទី ១៤ ខែមីនា ឆ្នាំ២០១៤ ។</p>
<p>សាក្សីនៅកន្លែងកើតហេតុ បាននិយាយ ថា គ្រោះថ្នាក់ចរាចររវាងម៉ូតូពីរគ្រឿងបុក គ្នាខាងលើនេះ បណ្ដាលមកពីជនរងគ្រោះ ដែលបើកម៉ូតូទាំងពីរនាក់ បាននាំគ្នាបើក លឿន ហើយបើកកណ្ដាលផ្លូវតែម្ដង ។</p>
<p>ប្រភពព័ត៌មានពីសាក្សីបានបន្ដទៀតថា មុនពេលកើតហេតុ គេបានឃើញយុវជនម្នាក់ ជិះម៉ូតូម៉ាកស៊ុយស៊ូគីនិក ពណ៌ស ពាក់ស្លាក លេខ ភ្នំពេញ 1BV-1623 ក្នុងទិសដៅពីលិច ទៅកើត តាមបណ្ដោយផ្លូវជាតិលេខ៤ លុះ ពេលធ្វើដំណើរដល់ចំណុចកើតហេតុនោះ បានបុកជាមួយយុវជនម្នាក់ កំពុងជិះម៉ូតូ ម៉ាក សេ១២៥ ពណ៌ខ្មៅ ពាក់ស្លាកលេខ ភ្នំពេញ 1AG-4539 លាន់ ឮដូចរន្ទះ បណ្ដាល ឱ្យពួកគេទាំងពីរនាក់ដួល បែកក្បាលស្លាប់ ភ្លាមៗមួយរំពេច ។</p>
<p>ក្រោយកើតហេតុ កម្លាំងសមត្ថកិច្ចមូល ដ្ឋាននិងនគរបាលចរាចរផ្លូវគោក បានចុះទៅ ជួយអន្ដរាគមន៍ នៅកន្លែងកើតហេតុ ហើយ ទាក់ទងទៅក្រុមគ្រួសារមកទទួលសពជន រងគ្រោះទាំងពីរនាក់ ទៅធ្វើបុណ្យ តាមប្រពៃណី។</p>
<p>យ៉ាងណាក៏ដោយ អត្ដសញ្ញាណជនរង គ្រោះទាំងពីរនាក់ មិនត្រូូវបញ្ជាក់ពីសមត្ថ កិច្ចនៅឡើយទេ ។ ដោយឡែកម៉ូតូរបស់ ពួកគេ ត្រូវបានសមត្ថកិច្ចយកទៅរក្សាទុក ដើម្បីប្រគល់ឱ្យសាច់ញាតិ នៅពេលក្រោយ ៕</p>
<p style="text-align: center;"><img src="http://image.dap-news.com:81/dap-news/dap-images/2014/March/id-067/CH-00619.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/March/id-067/CH-00620.jpg" alt="" width="550" /></p>
<p style="text-align: center;"><img title=" " src="http://image.dap-news.com:81/dap-news/dap-images/2014/March/id-067/CH-00621.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/March/id-067/CH-00622.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/March/id-067/CH-00623.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/March/id-067/CH-00624.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>