<div class="article-content">
<p><strong>សៀមរាប : </strong>នៅប៉ុន្មានថ្ងៃនេះ ក្រសួងធនធានទឹក និងឧតុនិយម បានធ្វើសេចក្ដីប្រកាសជូន<br />ដំណឹង ស្តីពីស្ថានភាពអាកាសធាតុ ព្រោះនៅចុងខែមីនា ឆ្នាំ ២០១៣នេះ ព្រះរាជាណាចក្រ<br />កម្ពុជា បាន និងកំពុងទទួលរង នូវឥទ្ធិពលកម្រិតសម្ពាធទាប (Low Pressure Gradient) ចាប់<br />ពីផ្ទៃដី រហូតដល់រយៈកម្ពស់ ៦០០ម៉ែត្រ ។ ប៉ុន្តែចាប់ពី កម្ពស់ ៦០០ ម៉ែត្រ រហូតដល់រយៈកម្ពស់<br /> ៥.៥០០ម៉ែត្រ បាន និងកំពុងទទួលរង ឥទ្ធិពលកម្រិតសម្ពាធខ្ពស់ (High Pressure Gradient)<br /> វិញ ។</p>
<p>ក្នុងនោះខេត្តសៀមរាប ក៏ត្រូវទទួលរង នូវឥទ្ធិពលនេះផងដែរ ដែលតម្រូវឲ្យមានការប្រុង ប្រយ័ត្ន<br />ខ្ពស់ ដើម្បីជៀសវាងគ្រោះថ្នាក់ផ្សេងៗ ដែលអាចកើតមានឡើង ជាយថាហេតុ។</p>
<p>ជាក់ស្ដែងកាលពីរសៀលថ្ងៃទី២៦ ខែមីនា មានខ្យល់បក់បោក ក្នុងរយ:ពេលខ្លី និងនៅតំបន់ មួយ<br />ចំនួនទៀត ក្នុងខេត្តសៀមរាប បានទទួលរង ឥទ្ធិពលភ្លៀងធ្លាក់លាយ ខ្យល់ បក់បោក ផងដែរ ។ <br />ដែលក្នុងនោះ បណ្ដាលឲ្យបាឡុងហោះបង្ហោះចល័តដើរដោយចំហេះឧស្ម័ន និងខ្យល់មួយ ដែល<br />នៅលើបាឡុងហោះនោះ មានសរសេរ អក្សរ Cambodia Angkor បានបង្ខំចុះ ខណ:ដែលកំពុង<br />មានខ្យល់បក់បោកខ្លាំងនោះ ហើយបណ្ដាលឲ្យភ្ញៀវដែល កំពុងជិះ មានការភ័យរន្ធត់ និងអ្នកខ្លះ<br />បានរង របួសឆ្អល់ធំផងដែរ ។</p>
<p>ខណ:ដែលស្រ្ដីបម្រើការងារ នៅក្រុមហ៊ុនបាឡុងហោះ ហាក់មានការលាក់លៀមព័ត៌មាន គ្រាន់<br />តែនិយាយថា គឺបាឡុងនោះមិនធ្លាក់ទេ គឺ ចុះចតនៅពេលមាន ខ្យល់បក់ ហើយនៅពេលដែល<br />អ្នកយកព័ត៌មាន បានហៅទូរស័ព្ទជាថ្មី ដើម្បីសួរនាំអំពីថា តើ មានបង្កររបួស ស្នាម និងការភ័យ<br />ខ្លាច ដល់ភ្ញៀវដែរ ឬយ៉ាងណានោះ គឺមិនបានទទួលទូរស័ព្ទនោះទេ ដួច្នេះយើងមិនអាចទទួល<br />បានព័ត៌មានជាក់លាក់ឡើយ។</p>
<p>បើតាមប្រភព ពីអ្នកឃើញហេតុការណ៍ បានឲ្យដឹងថា នៅរសៀលម៉ោងប្រមាណ ៤ មាន បា-<br />ឡុងហោះមួយ បានបង្ខំចុះ ពេលដែលមានខ្យល់បក់បោកខ្លាំង នៅក្រុងសៀមរាប។ បាឡុង<br />នោះ មានផ្ទុកភ្ញៀវទេសចរ ៧ នាក់ ហើយបាឡុងនោះ ទំនងជាហោះក្នុងរយ:កម្ពស់ ៣០០<br /> ម៉ែត្រ មុនពេលព្រឹត្តិការណ៍ ចុះចតដោយ បង្ខំនោះកើតឡើង។</p>
<p>បើតាមប្រភពមួយទៀត បានឲ្យដឹងថា ការហោះហើរនោះ ហាក់ស្ថិតក្នុងសភាពទ័លច្រក <br />បន្តិចទៅហើយ នៅពេលមានខ្យល់បក់បោកខ្លះ តែអ្នកបញ្ជា បាឡុងនោះ ហាក់មានស្មារតី<br />រឹងប៉ឹងគ្រាន់បើ ទើបគាត់មានលទ្ធភាព បញ្ជាបាឡុងឲ្យចុះចតបានសុវត្ថិភាព ដោយបង្ខំនេះ <br />ស្របពេល ដែលបាឡុងនោះ មានការខូច រយះរហែកខ្លះ ។ ឧបទ្ទវហេតុនោះ បណ្ដាលឲ្យ<br />ភ្ញៀវជនជាតិហ្វីលីពីន ៥នាក់ រងរបួស ក្នុងនោះរងរបួសធ្ងន់ ៤នាក់ និងមានការភ័យខ្លាចផង<br />ដែរ ។</p>
<p>ប្រភពបានបន្ដថា អ្វីដែលគួរឲ្យហួសចិត្ត ក្នុងហេតុការណ៍នោះផងដែរ គឺ អ្នករៀបចំការហោះ<br />ហើរ នៅតែបង្ខំទារប្រាក់ឈ្នួលថ្លៃជិះពីភ្ញៀវ ។</p>
<p>សូមរំលឹកបន្តិចថា កាលពីថ្ងៃទី២៦ ខែកុម្ភៈ កន្លងទៅ នៅប្រទេសអេស៊ីប នៃទីក្រុងបុរាណ<br /> លូស្វ័រ មានគ្រោះថ្នាក់ផ្ទុះ ឆេះ ធ្លាក់បាឡុងហោះផងដែរ ដែលបណ្ដាលឲ្យ ភ្ញៀវទេសចរ<br /> បរទេស ១៩ បានស្លាប់ នេះបើតាមប្រភពព័ត៌មានអន្តរជាតិនានា ដែលបានផ្សព្វផ្សាយ<br /> កន្លងទៅ ។</p>
<p>បើតាមប្រភពព័ត៌មាន ពីមន្ត្រីម្នាក់ (សុំមិនបញ្ចេញឈ្មោះ) បានផ្ដល់ព័ត៌មាន ដោយភាពរអែង<br />ចិត្តថា បាឡុងនោះ បានធ្លាក់ពិតមែន ហើយមានអ្នកជិះសរុប ចំនួន ៩នាក់ កំពុងជិះបាឡុង<br />នោះ ពួកគាត់បានទទួលរងរបួសស្រាល ក្នុងនោះ មានម្នាក់របួសធ្ងន់ ហើយពួកគាត់ មានការ<br />ភ័យខ្លាចជាខ្លាំងផងដែរ ។ </p>
<p>ចំពោះ បាឡុង Balloon Angkor របស់ក្រុមហ៊ុន សុខា ដែលមានទីតាំង នៅភូមិត្រពាំងសេះ <br />សង្កាត់គោកចក ដែលនៅខាងមុខអង្គរ (ដែលមានគេច្រឡំថា ធ្លាក់នោះ) មានស្រ្តីម្នាក់ដែល<br />បម្រើការ នៅទីនោះបានឲ្យដឹងថា ក្នុងរយ:ពេលប៉ុន្មានថ្ងៃនេះខាងក្រុមហ៊ុនមានភាពប្រយ័ត្ន<br />ប្រយែងណាស់ គឺមិនមានការបង្ហោះបាឡុងនោះទេ ម្យ៉ាងយើងកំពុងមានការ ជួសជុល និង<br />ដំណើការវិញ នៅចុងខែមេសា ខាងមុខនេះ ដោយយើងកំពុងបង្កើនសមត្ថ ភាពបច្ចេកទេស។<br /> យើងមានការប្រុង ប្រយ័ត្នខ្ពស់ណាស់ ពិសេសនៅពេលអាកាសធាតុ មិនប្រក្រតី ព្រោះយើង<br />ត្រូវគិតពី សុវត្ថិភាពរបស់ភ្ញៀវជាចម្បង ហើយដោយយោងទៅ តាមសេចក្ដីជូនដំណឹង ស្តីពី<br />ស្ថានភាពអាកាសធាតុ របស់ក្រសួងធនធានទឹក និងឧតុនិយម ចំពោះការហោះហើរ របស់<br />បាឡុងនេះ មានកម្ពស់ខ្ពស់បំផុត គឺ ១៨០ ម៉ែត្រ តែធម្មតា គឺ បង្ហោះក្នុងរយ:កម្ពស់ ពី ១២០<br /> ទៅ ១៥០ម៉ែត្រ ព្រោះអាកាសធាតុពេលខ្លះ មិនអំណោយ ផលទេ គឺនៅផ្ទាល់ដីធម្មតា តែ<br />កម្ពស់ ៥០ ឡើង មិនប្រក្រតីនោះទេ ទាល់តែអ្នកបញ្ជា បាឡុងទើបដឹង ព្រោះគាត់មានឧប-<br />ករណ៍ និងបច្ចេកទេសខ្ពស់ សម្រាប់សុវត្ថិភាព នៃការ បង្ហោះបាឡុង ។</p>
<p>ស្របថ្ងៃដដែលនេះ មានភ្លៀងលាយខ្យល់ព្យុះ ធ្វើឲ្យដួលរលំផ្ទះ ប្រជាពលរដ្ឋជាង៤១ខ្នងនៅ <br />៤ ឃុំ ក្នុងស្រុកជីក្រែង ក្នុងនោះផ្ទះរលំ ១៨ ខ្នង និងប៉ើងដំបូល ២៣ ខ្នង ក្រៅពីនោះ នៅសៀម<br />រាប ក្នុងរយៈពេលប៉ុន្មានថ្ងៃនេះ ក៏មានខ្យល់បក់បោក ភ្លៀងធ្លាក់កក់ខែ បណ្ដាល ឲ្យមានផ្ទះដួល<br />រលំ និងខូចខាតដល់ផ្ទះសម្បែង ទ្រព្យសម្បត្តិ និងមានការរងរបួសខ្លះៗ ផងដែរ ។</p>
<p>ចំពោះករណី ភ្លៀងកក់ខែមួយមេយ៉ាងធំ ដែលមានខ្យល់បក់បោកនោះ បានកើតទ្បើងកាលពី<br />ម៉ោងប្រមាណ ៣ និង ៤៥នាទីល្ងាច ថ្ងៃទី២៦ ខែមីនា នេះ ស្ថិតនៅក្នុង ឃុំ៤ ក្នុងស្រុកជីក្រែង<br /> ខេត្តសៀមរាប ។</p>
<p>បើតាមសេចក្តីរាយការណ៍ របស់លោកវរសេនីយ៍ត្រី តូច សាកល អធិការស្រុកជីក្រែង បានឲ្យ<br />ដឹងថា នៅម៉ោងប្រមាណជាង ៣ ល្ងាច មានភ្លៀងកក់ខែមួយមេយ៉ាងធំ នៅក្នុងឃុំ អន្លង់សំណរ<br /> ឃុំស្ពានត្នោត ឃុំគោកធ្លកក្រោម និងឃុំកំពង់ក្តី ឃុំជីក្រែង ក្នុងស្រុកជីក្រែង បណ្តាលឲ្យដួលរលំ<br /> ផ្ទះអស់ចំនួន ២១ ខ្នង និងប៉ើងដំបូលផ្ទះ អស់ចំនួន ២០ ខ្នង ព្រមទាំងរងរបួសក្មេងស្រីម្នាក់ ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0757.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0758.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល </p>
</div>