<p>ចម្លែកៗ ៖ បើយោងតាមការដកស្រង់អត្ថបទផ្សាយ ពីទីភ្នាក់ងារសារព័ត៌មានបរទេស spy<br />កាលពីពេលកន្លងទៅនេះ អោយដឹងថា ទារកតូចមួយដែលទើបតែនឹងកើតបានដាក់ឈ្មោះ<br />ថា Ella បន្ទាប់ពីគេបានប្រសូត្រឡើង នៅក្នុងប្រអប់ជណ្តើរយន្ត (elevator) ។</p>
<p>គួរបញ្ជាក់ផងដែរថា ករណីខាងលើនេះ អាចកើតឡើងទៅបាន ខណៈដែលគូស្វាមីភរិយា<br />ឈ្មោះ Melissa Cavanagh និង Paul Yeomans ជាពលរដ្ឋរស់នៅលើសំណង់អាគារមួយ<br />ជាន់ទី ៩ តំបន់ West Midlands ប្រទេសអង់គ្លេស កាលពីថ្ងៃសុក្រ ទី ៥ កក្កដា កន្លងទៅ<br />ស្រ្តីជាភរិយា ដែលមានឈ្មោះថា Melissa ក៏បានទូរស័ព្ទហៅ អ្នកជំនួយការវេជ្ជបណ្ឌិត<br />អោយមកផ្ទះលោកស្រី ស្របពេលដែលលោកស្រី បានបែកទឹកភ្លោះ ជិតនឹងសម្រាល<br />កូន។</p>
<p><a class="thickbox" title="" href="http://camnews.com.kh/FileManager/Commons/2013/7/12/ella-12-07-2013--11-37-46.jpg"><img src="http://camnews.com.kh/FileManager/Articles/mce/2013/7/12/ella-12-07-2013--11-37-46.jpg" alt="" width="441" height="330" /></a></p>
<p>ភ្លាមៗនោះ អ្នកជំនួយការវេជ្ជបណ្ឌិតក៏បានមកដល់ នឹងបានសម្រេចចិត្តយកស្រ្តីជាម្តាយ<br />ទៅសម្រាលនៅឯមន្ទីរពេទ្យ ដោយធ្វើដំណើរចុះតាមជណ្តើរប្រអប់យន្ត (elevator) តែមិន<br />ដឹងថា ជាអកុសលអ្វី ជណ្តើរយន្ត លែងដំណើរការ ហើយពួកគេក៏បានជាប់គាំងនៅក្នុង<br />នោះតែម្តង។</p>
<p>ដោយជាប់គាំង នៅក្នុងជណ្តើរយន្តប្រអប់ដល់ទៅ ២០ នាទី ស្រ្តីជាម្តាយ ក៏បានសម្រាល<br />កូននៅក្នុងនោះតែម្តង៕</p>
<p style="text-align: right;">ដោយ ៖ រិទ្ធី<br />ប្រភព ៖ Odd</p>