<p>ខណៈដែលពលករមកពីស្រុកឆ្ងាយ ចង់ត្រឡប់ទៅស្រុកកំណើតដើម្បីជួបជុំគ្រួសារ ដើម្បីទទួល<br />ឆ្នាំថ្មី អ្នកដែលទើបនឹងក្លាយជាអ្នកមាននៅប្រទេសចិន បែរជាចង់ឆ្លៀតឱកាសថ្ងៃឈប់សម្រាក ដើម្បីទៅទេសចរណ៍នៅក្រៅប្រទេស។</p>
<p style="text-align: center;"><br /> <a class="thickbox" title="" href="/FileManager/Commons/2014/2/1/china-01-02-2014--21-41-18.jpg"><img src="/FileManager/Articles/mce/2014/2/1/china-01-02-2014--21-41-18.jpg" alt="" width="448" height="297" /></a><br /><em>អ្នកដំណើរប្រជ្រៀតគ្នា ក្នុងពេលធ្វើដំណើរទៅស្រុកកំណើត ទទួលឆ្នាំថ្មី (រូប ៖ Xinhua)</em></p>
<p><br />ដោយយកវ៉ាលីដ៏ធ្ងន់ទៅតាមខ្លួន ឆ្ពោះមកកាន់ស្ថានីយរថភ្លើងក្រោមដី នៅសៀងហៃ យុវជន<br /> Linghu Yong កំពុងត្រៀមខ្លួនឡើងលើរថភ្លើងដែលមានអ្នកដំណើរពេញណែន ដើម្បីចាប់ផ្ដើមធ្វើដំណើររយៈពេល ៣០ម៉ោង តម្រង់ទៅស្រុក ទទួលឆ្នាំថ្មី។ យុវជនដែលមានអាយុ ១៧ឆ្នាំម្នាក់<br />នេះ គឺជាបុរសម្នាក់ក្នុងចំណោមអ្នកដែលមានសំណាង បានទៅទទួលឆ្នាំថ្មី នៅឯស្រុកកំណើត។ នៅខាងក្រៅស្ថានីយរថភ្លើង មានមនុស្សរាប់រយនាក់ ត្រូវស្នាក់នៅឆ្លងរាត្រី ដើម្បីរង់ចាំទិញ សំបុត្ររថភ្លើង។<br /><br />Yong ដែលជានិស្សិតមួយរូបកំពុងធ្វើកម្មសិក្សានៅរោងចក្រផលិតទូរស័ព្ទមួយ នៅក្រុង សៀង<br />ហៃ ថ្លែងថា ៖ “នេះគឺជាលើកដំបូង ដែលខ្ញុំត្រូវទទួលឆ្នាំថ្មី នៅលើរថភ្លើង។ សេចក្ដីប្រាថ្នារបស់ខ្ញុំ គឺការទទួលឆ្នាំថ្មី ដោយជួបជុំគ្រួសារ និងទិញកុំព្យូទ័រ មួយគ្រឿង”។<br /><br />ចូលឆ្នាំចន្ទគតិនៅប្រទេសចិន គឺជាពេលវេលានៃការបំលាស់ទីធំបំផុតក្នុងឆ្នា មានការធ្វើដំណើរ ប្រមាណជា ៣,៦ពាន់លានលើក តាមរថយន្ដក្រុង យន្ដហោះ រថភ្លើង ត្រូវបានធ្វើឡើងក្នុងរយៈ<br />ពេល ៤០ថ្ងៃ មុន និងក្រោយពិធីបុណ្យចូលឆ្នាំ។ ខុសពីពលករចំណាកស្រុកក្នុងប្រទេសរាប់លាន<br />នាក់ ដែលចង់វិលទៅទទួលឆ្នាំថ្មីនៅឯស្រុកកំណើត ក្រុមអ្នកមានជំនាន់ថ្មី និងអ្នកដែលមានជោគ ជ័យក្នុងជីវិតនៅប្រទេសនេះ បែរជាចង់ប្រើប្រាស់ថ្ងៃសម្រាក ដើម្បីហោះទៅបរទេស ឬទៅទេស ចរណ៍នៅឆ្ងាយៗ នៅក្នុងស្រុកទៅវិញ។<br /><br />Wang Zheng អាយុ ៣៤ឆ្នាំ គណនេយ្យករមួយរូប ធ្វើការនៅក្រុង ប៉េកាំង បានឱ្យដឹងថា គ្រួសារ របស់ខ្លួននឹងទៅសម្រាកលំហែកាយនៅលើកោះ Hainan បើទោះនៅទីនេះ ល្បីខាងទំនិញមាន តម្លៃថ្លៃហួសហេតុក៏ដោយ។ នាងបន្ដថា ៖ “ហេតុអ្វីមិននាំគ្នាទៅសម្រាកលំហែកាយ ប្រកបដោយ ភាពអស្ចារ្យ ជំនួសឱ្យការដែលគ្រាន់តែញ៉ាំអាហារនៅផ្ទះជាមួយក្រុមគ្រួសារ ឬទៅវត្ត? ទាំងនេះ ហួសសម័យហើយ”។<br /><br />ចំណែកក្រុងហុងកុង អាជ្ញាធរ បានព្យាករណ៍ថា នឹងមានភ្ញៀវទេសចរណ៍ ជិត ៨លាននាក់ មក<br />កាន់ទីនេះ ក្នុងអំឡុងពីថ្ងៃទី ២៩មករា ដល់ ៦កុម្ភៈ ដែលចំនួននេះ ច្រើនជាងប្រជាជនក្នុង ក្រុងនេះ ទៅទៀត។ ភ្ញៀវទេសចរណ៍មកកាន់ក្រុងហុងកុង ភាគច្រើនមកពីចិនដីគោក នេះគឺជាឥទ្ធិពលវិជ្ជ មានពីចំណូលរបស់ពួកគេកើនឡើង និងការកែលំអតម្លៃប្រាក់យេន ក្នុងរយៈពេលកន្លង។<br /><br />ចំណែកក្រុង Las Vegas នៅ អាមេរិក ឯណោះវិញ បានចាត់ទុកចូលឆ្នាំថ្មីរបស់ចិន គឺជាឱកាស<br />រក ស៊ីមួយ។ បណ្ដាសណ្ឋាគារ ហាងទំនិញ បនល្បែង នៅទីនេះ ត្រូវបានរៀបចំ តុបតែងយ៉ាង ស្រស់ស្អាត និងមានពាក្យជូនពរឆ្នាំថ្មី រួមនឹងរបស់របរ អំណោយពណ៌ក្រហម លឿង ដើម្បីទាក់<br />ទាញ ភ្ញៀវអ្នកមាន មកពីប្រទេសចិន។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/64051/life-in-the-world%E2%80%99s-coolest-area-yakutsk"><span style="color: #3366ff;">ជីវិតរបស់ពលរដ្ឋ ក្នុងតំបន់ត្រជាក់បំផុត ក្នុងពិភពលោក</span></a></span></p>
<p><span style="color: #3366ff;"><a href="/News/Detail/42178/bill-gates-just-revealed-his-goal-for-the-rest-of-his-life"><span style="color: #3366ff;">Bill Gates បង្ហើបពីគោលដៅ កំពូលចុងក្រោយ នៃជីវិតរបស់ខ្លួន</span></a></span></p>
<p><span style="color: #3366ff;"><a href="/News/Detail/12540/cost-of-living-a-major-worry-for-young-singaporeans"><span style="color: #3366ff;">យុវវ័យសឹង្ហបុរី ឈឺក្បាល ព្រោះតែត្រូវចំណាយច្រើន សម្រាប់ជីវភាព</span></a></span></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ VE/AP<br /><br /></p>