<p class="dt-pts">Dennis Woodside នាយកប្រតិបត្តិក្រុមហ៊ុនទូរស័ព្ទ Motorola ដែលបច្ចុប្បន្នជារបស់ Google បាន កំណត់បញ្ជាក់ពីគោលបំណងរបស់ពួកគេ ដែលចង់បង្ហាញបញ្ចេញនូវបណ្តាម៉ូដែលស្មាតហ្វូន ដែលមានតំលៃថោកបំផុត។ </p>
<p class="Normal">ទូរស័ព្ទ Motorola Moto G ត្រូវបានប្រកាសបង្ហាញកាលពីចុងឆ្នាំ ២០១៣ ជាមួយនឹងអេក្រង់ HD 4,5 inch, chip quad core និងមានមេម៉ូរីក្នុង 8 GB និង16 GB កំពុងតែទទួលបានការចាប់អារម្មណ៍ ច្រើនពីអ្នកប្រើប្រាស់នៅអាមេរិច ដោយសារតែមានកំរិតតំលៃលក់ទាបអស្ចារ្យ គឺលក់តែតំលៃ ១៧៩ ដុល្លារប៉ុណ្ណោះ នៅប្រទេសនេះ។ ជាក់ស្តែង Motorola មិនទាន់ចង់បញ្ឈប់ នៅត្រឹមកំរិតនេះ ទេ។</p>
<p class="Normal" style="text-align: center;"><a class="thickbox" title="" href="/FileManager/Commons/2014/1/23/moto-3441-1390444278-23-01-2014--10-28-24.jpg"><img src="/FileManager/Articles/mce/2014/1/23/moto-3441-1390444278-23-01-2014--10-28-24.jpg" alt="" /></a></p>
<p class="Normal" style="text-align: center;"><em><span style="color: #808080;">Motorola កំពុងតែផ្តោតទៅលើការផលិតទូរស័ព្ទ និង Tablet ដែលមានលក្ខណៈសម្បត្តិខ្ពស់ តែតំលៃថោក</span></em></p>
<p class="Normal">"ជាមួយនឹងចំនួនជាច្រើន នៃប្រជាជនលើពិភពលោក ទឹកប្រាក់ចំនួន ១៧៩ ដុល្លារ នៅតែជាចំនួន មួយច្រើននៅឡើយ" លោក Dennis Woodside បានចែករំលែកជាមួយ TrustedReviews។ "ន័យ របស់ខ្ញុំគឺ ហេតុអ្វីបានជា ទូរស័ព្ទទាំងនេះ មិនមានតំលៃត្រឹមតែ ៥០ ដុល្លារ? គ្មានហេតុផលអ្វី ដែល រឿងនេះមិនអាចកើតឡើងបានទេ ហើយនេះគឺជាអ្វីដែលយើងកំពុងតែផ្តោតទៅលើវា"។</p>
<p class="Normal">បើទោះបីជា Motorola កំពុងតែស្រាវជ្រាវ និងអភិវឌ្ឍទូរស័ព្ទតំលៃ ៥០ ដុល្លារ លោក Woodside បានធ្វើការបដិសេធ ផ្តល់បន្ថែមនូវព័ត៌មានជាក់ស្តែងស្តីពីផលិតផលនេះ ដូចជាលក្ខណៈសម្បត្តិ និងពេលវេលា នៃការបង្ហាញខ្លួន របស់វា ៕</p>
<p class="Normal" style="text-align: right;">ប្រែសម្រួល៖ សិលា<br />ប្រភព៖ vexpress</p>
<p> </p>