<div class="summary">
<p>CompareMyMobile ទើបតែបញ្ចេញនូវតារាងឈ្មោះ បណ្តាទូរស័ព្ទដែលត្រូវគេបានចរាចរ ទិញលក់ ច្រើនជាងគេបំផុត នៅឆ្នាំ២០១៣។</p>
<p>បើយោងតាមឯកសារស្ថិតិ កាលពីឆ្នាំ២០១៣ កន្លងទៅនេះ យើងឃើញថា វើហ្សិន iPhone 4 16GB មានអត្រាទិញលក់គិតជាមធ្យម ៨,៩៤% ក្នុងចំណោម បណ្តាស្មាតហ្វូនទាំងអស់ ដែល បានគេលក់ចេញ ក្នុងនោះយើងឃើញថា វាលក់ចេញបានដល់ ៩,៨២% ឯណោះ កាលពីឆមាស ចុងក្រោយនៃឆ្នាំ ២០១៣។</p>
</div>
<div class="content">
<p>ចំណាត់ថ្នាក់លំដាប់ទី២ និងទី៣ គឺធ្លាក់ទៅលើស៊េរីទូរស័ព្ទមកពីក្រុមហ៊ុន Samsung គឺ Galaxy S3 និង S2 i900។ បណ្តាឈ្មោះទូរស័ព្ទផ្សេងទៀត ដែលស្ថិតនៅក្នុង Top 10 រួមមាន iPhone 4S (16GB), iPhone 5 (16GB), iPhone 3GS (16GB) និង iPhone 4 (8GB)។</p>
<p style="text-align: center;"><a class="thickbox" title="" href="/FileManager/Commons/2014/1/10/20131030iphone4sanh2-10-01-2014--11-18-30.jpg"><img src="/FileManager/Articles/mce/2014/1/10/20131030iphone4sanh2-10-01-2014--11-18-30.jpg" alt="" /></a></p>
<p>បើយើងគិតសរុប នៅក្នុងតារាស្ថិតិ Apple គឺជាស្លាកយីហោទូរស័ព្ទ ដែលត្រូវបានគេចរាចរទិញ លក់ ច្រើនជាងគេបំផុត ក្នុងចំណោមស៊េរីទូរស័ព្ទទាំងអស់ ជាមួយនឹងអត្រាទិញលក់ជាមធ្យម ២៨,៩%។ Samsung ឈរនៅលំដាប់ទី២ ជាមួយនឹងអត្រា ១៩,៩៥% និងលេខ៣ គឺ BlackBerry ជាមួយនឹងអត្រា ១៥,៣% ។</p>
<p>ផលិតផលមួយផ្សេងទៀតរបស់ Apple គឺ iPad 2 (Version 16GB, Wi-Fi) ក៏ជា Tablet ដែលទទួល បានការទិញលក់ច្រើនជាងគេ ផងដែរកាលពីឆ្នាំ ២០១៣ ដោយទទួលបាន ៩,៣ %៕</p>
<p style="text-align: right;">ប្រែសម្រួល៖ សិលា<br />ប្រភព៖ zing</p>
</div>