<p><strong>ព័ត៌មានអន្តរជាតិ ៖</strong> បើតាមការអោយដឹងពីទំព័រសារព័ត៌មានបរទេស china.org ដែលទើបតែ<br />បានចេញផ្សាយកាលពីម្សិលមិញនេះ បានអោយដឹងថា ស្ដ្រីជាប្រពន្ធ និងកូនចំនួន ២ នាក់ត្រូវ<br />បានស្លាប់បាត់បង់ជីវិតនៅក្នុងផ្ទះ ដោយសារអគ្គីភ័យ បន្ទាប់ពីបុរសជាស្វាមីបានចាក់សោរជាប់<br />ពីខាងក្រៅ។</p>
<p><a class="thickbox" title="" href="/FileManager/Commons/2012/11/30/stock-footage-fireman-working-on-a-house-fire-after-dark-at-night-slow-motion-fireman-is-silhouette-against-30-11-2012--08-24-21.jpg"><img src="/FileManager/Articles/mce/2012/11/30/stock-footage-fireman-working-on-a-house-fire-after-dark-at-night-slow-motion-fireman-is-silhouette-against-30-11-2012--08-24-21.jpg" alt="" width="476" height="266" /></a></p>
<p>គួរបញ្ជាក់ផងដែរថា មូលហេតុដែលបណ្តាលអោយកើតមានអគ្គីភ័យនេះឡើង ក៏ដោយសារតែ<br />ជម្លោះរវាងប្តីប្រពន្ធមូយគូ ខណៈពេលដែលបុរសជាស្វាមីមានចិត្តខឹងខ្លាំងហើយនោះ ក៏គំរាម<br />ដុតផ្ទះ ស្របពេលដែលមួយរំពេចក្រោយមក បុរសជាស្វាមីបានក្រវែងនូវចង្កៀងប្រេងកាតទៅ<br />លើគ្រែដេក រួចហើយក៏បានចេញទៅក្រៅបាត់ ដោយបានចាក់សោរពីខាងក្រៅ ភ្លាមៗនោះ<br />អគ្គីភ័យក៏បានឆាបឆេះតែម្តង។</p>
<p>របាយការណ៍ដដែល បានបន្ថែមអោយដឹងផងដែរថា អគ្គីភ័យមួយនេះ បានឆាបឆេះរាលដាល<br />ដល់ផ្ទះអ្នកជិតខាងដែលភាគច្រើនសង់អំពីឈើ ខណៈពេលដែលផ្ទះចំនួន ៧ ខ្នងត្រូវបានឆេះ<br />ខ្ទេចមុនពេលក្រុមពន្លត់អគ្គីភ័យបានមកដល់ និងរំលត់វាជាស្ថាពរ៕</p>
<p style="text-align: right;">ដោយ ៖ រិទ្ធី<br />ប្រភព ៖ china.org</p>