<p>ព័ត៌មានអន្តរជាតិ ៖ យោងតាមការដកស្រង់ សម្រង់អត្ថបទផ្សាយ ពីគេហទំព័រ សារព័ត៌មានបរ ទេស ស៊ីអិនអិន ដែលទើបតែបានចេញផ្សាយ កាលពីប៉ុន្មានម៉ោង មុននេះ បន្តិចអោយដឹងថា ទូកនេសាទ របស់វៀតណាម មួយគ្រឿង បានក្រឡាប់លិច ក្រោយពីមានករណី បុកគ្នា ជាមួយ នឹងនាវា របស់ប្រទែសចិន នៅជិតប្រជុំកោះ សមុទ្រចិន ភាគខាងត្បូង ពោលនៅចំចំនុចកណ្តាល នៃតំបន់ជម្លោះផ្ទាល់តែម្តង ដែលប្រទេសជិតខាងគ្នា ទាំងពីរនេះ អះអាងថា ជាដែនទឹកអធិបតេ យ្យភាពរបស់ខ្លួន ។</p>
<p><a class="thickbox" title="" href="/FileManager/Commons/2014/5/28/05-28-05-2014--10-15-31.jpg"><img src="/FileManager/Articles/mce/2014/5/28/05-28-05-2014--10-15-31.jpg" alt="" /></a></p>
<p>យ៉ាងណាមិញ បើតាមការអោយដឹង ពីទីភ្នាក់ងារ សារព័ត៌មានរដ្ឋចិន ស៊ិនហួរ បានចុះផ្សាយ អោយដឹងថា កាលពីវេលាម៉ោង ៥ ល្ងាច ថ្ងៃច័ន្ទ ដើមសប្តាហ៍កន្លងទៅនេះ នាវារបស់ប្រទេស វៀតណាម បានព្យាយាម មកយាយី រំខាន ដល់បណ្តាទូកនេសាទ របស់ប្រទេសចិន នៅលើដែន ទឹក ជិតកោះ Paracel ទីប្រជុំកោះ ដែលគ្មានមនុស្សរស់នៅ ហើយត្រូវ បានប្រទេសចិនហៅកោះ នេះមានឈ្មោះថា កោះ Xisha ។</p>
<p>ទោះជាយ៉ាងណាក៏ដោយ លោក Luu Tien Thang មន្រ្តីជាន់ខ្ពស់ ទទួលបន្ទុក ល្បាតដែនទឹកផ្តុំ តំបន់មានជម្លោះ បញ្ជាក់បានអោយដឹងថា កាលពីអំឡុង ថ្ងៃអង្គារ កន្លងទៅនេះ ទូកក៏ដូចជានាវា របស់ប្រទេសវៀតណាម បានរងនូវការបើកបុក ពីសំណាក់នាវា របស់ប្រទេសចិន ។ គួររំឭកថា អំឡុងពេលដែលចិន បានប្រទះឃើញ នឹងអះអាងថា ពិតជាមានវត្តមាន ទូកនេសាទ របស់ប្រ ទេសវៀតណាម ជាទូទៅ គេក៏ធ្លាប់បានឃើញ នាវាយោធា របស់ចិន អមទៅដោយ បណ្តាទូកនេ សាទរបស់ខ្លួន ដូចគ្នាដែរ ។</p>
<p><a class="thickbox" title="" href="/FileManager/Commons/2014/5/28/06-28-05-2014--10-15-39.jpg"><img src="/FileManager/Articles/mce/2014/5/28/06-28-05-2014--10-15-39.jpg" alt="" /></a></p>
<p>យ៉ាងណាមិញ ជាមួយនឹងគ្រោះថ្នាក់លិច ទូកនេសាទ របស់ប្រទេស វៀតណាមលើកនេះ បើតាម សេចក្តីរាយការណ៍ បញ្ជាក់អោយ ដឹងថា ក្រុមមនុស្ស ១០ នាក់ ត្រូវបានគេជួយសង្គ្រោះស្រង់ ចេញពីផ្ទៃសាគរបានសម្រេចហើយ ពីសំណាក់ ទូកនេសាទ និង នាវា វៀតណាម ក្បែរនោះ ៕</p>
<p><object width="499" height="428" data="http://www.youtube.com/v/o_G3u-z2x_I&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/o_G3u-z2x_I&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ីអិនអិន</p>