<p><strong>- ប្រជាពលរដ្ឋ លែងមាន ការព្រួយបារម្ភ ព្រោះជនសង្ស័យ មិនមែនក្រុមចោរប្លន់<br /> ជាជនញៀនថ្នាំ</strong></p>
<p>កំពង់ចាម៖ បន្ទាប់ពីឡោមព័ទ្ធតាំងពីព្រឹកព្រលឹម រហូតដល់រសៀលថ្ងៃទី២៣ ខែមករា ឆ្នាំ<br />២០១៣នេះ កម្លាំង សមត្ថកិច្ចមិនទាន់ អាចរំដោះចំណាប់ ខ្មាំងជាបុគ្គលិកធនាគារអេស៊ីលីដា<br />ចំនួន២នាក់ ពីជនសង្ស័យទាំង២នាក់ នៅឡើយទេ បន្ទាប់ពីជនសង្ស័យបានចាប់ពួកគេចូល<br />ទៅក្នុងបន្ទប់ដាក់ទូដែក ហើយចាក់សោរជាប់ ហេតុដូច្នេះ ហើយទើបក្រសួងមហាផ្ទៃបាន<br />សម្រេច បញ្ជូនកម្លាំងសមត្ថកិច្ចពិសេស៣រថយន្ត ក្នុងសម្លៀកបំពាក់ឈុតខ្មៅ ដឹក នាំដោយ<br />អនុប្រធាននាយក ដ្ឋានព្រហ្ម ទណ្ឌ១រូប ឈ្មោះចាន់ ស៊ីថា ចុះទៅកន្លែងកើតហេតុ ដើម្បីរក<br />វិធីសាស្រ្តផ្សេង ដើម្បីជួយសង្រ្គោះជនរងគ្រោះ។</p>
<p>ប្រតិបត្តិការ ដែលធ្វើឡើងយ៉ាងក្តៅគគុក និងជាមេរៀនថ្មីមួយទៀត សម្រាប់សមត្ថកិច្ចខេត្ត<br />កំពង់ចាម និងសមត្ថ កិច្ច នៅតាមបណ្តាខេត្តផ្សេងទៀតនោះ បានកើតមានឡើង បន្ទាប់ពីក្រុម<br />ចោរបានបដិសេធមិនទទួលយកលុយ ជាថ្នូរនិងការដោះលែងជនរងគ្រោះ គឺពួកគេត្រូវការតែ<br />ថ្នាំញៀនប៉ុណ្ណោះ។</p>
<p>យោងតាមប្រភពព័ត៌មានពីសមត្ថកិច្ច បានឲ្យដឹងថា ថ្នាក់ដឹកនាំសំខាន់ៗ នៅខេត្តកំពង់ចាម រួម<br />មានព្រះរាជអាជ្ញា ស្នងការនគរបាលខេត្ត មេបញ្ជាការអាវុធហត្ថ និងកម្លាំងយោធា បាននិងកំពុង<br />បន្តនៅកន្លែងកើតហេតុខាងលើ ដែលមានទីតាំងស្ថិតនៅខាងត្បូងផ្សារបែកអន្លង់ ឃុំអារក្សត្នោត<br /> ស្រុកស្ទឹងត្រង់ ខេត្តកំពង់ចាម។ សមត្ថកិច្ច បាន ឲ្យដឹងថា រហូតមកដល់រសៀលថ្ងៃដែលនេះ ជន<br />សង្ស័យចំនួន២នាក់ ប្រដាប់ដោយកាំភ្លើង១ដើម និងជនរង គ្រោះជាបុគ្គលិករបស់ធនាគារ កំពុង<br />ស្ថិតនៅក្នុងបន្ទប់នៅឡើយ ហើយជនសង្ស័យបដិសេធទទួលយកលុយ បើ ទោះបីសមត្ថកិច្ចបាន<br />ប្រគល់លុយទៅពួកគេ ចំនួន ៥៧លានរៀលក៏ដោយ។ ដោយឡែកប្រជាពលរដ្ឋនៅកន្លែង កើត<br />ហេតុទាំងមូល បានរំសាយការភ័យខ្លាច និងការព្រួយបារម្ភរបស់ខ្លួន ដោយសារជនសង្ស័យទាំង<br />នេះ មិនមែន ជាក្រុមចោរប្លន់នោះទេ ជាជនញៀនថ្នាំប៉ុណ្ណោះ។</p>
<p>ជាមួយគ្នានេះ សាច់ញាតិជនរងគ្រោះ បានស្នើឲ្យសមត្ថកិច្ចរកមធ្យោបាយគ្រប់បែបយ៉ាង ដើម្បី<br />រំដោះជនរងគ្រោះ ចៀសវាងមានរឿងអ្វីមួយកើតឡើង ប៉ះពាល់ដល់អាយុជីវិត៕</p>
<p><a class="thickbox" title="" href="/FileManager/Commons/2013/1/23/chanroth013-jan-107-23-01-2013--15-48-51.jpg"><img src="/FileManager/Articles/mce/2013/1/23/chanroth013-jan-107-23-01-2013--15-48-51.jpg" alt="" /></a></p>
<p><a class="thickbox" title="" href="/FileManager/Commons/2013/1/23/hong-01854-23-01-2013--15-49-26.jpg"><img src="/FileManager/Articles/mce/2013/1/23/hong-01854-23-01-2013--15-49-26.jpg" alt="" /></a></p>
<p><a class="thickbox" title="" href="/FileManager/Commons/2013/1/23/hong-01855-23-01-2013--15-49-42.jpg"><img src="/FileManager/Articles/mce/2013/1/23/hong-01855-23-01-2013--15-49-42.jpg" alt="" /></a></p>
<p><a class="thickbox" title="" href="/FileManager/Commons/2013/1/23/hong-01826-23-01-2013--15-49-59.jpg"><img src="/FileManager/Articles/mce/2013/1/23/hong-01826-23-01-2013--15-49-59.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>