<p>ព័ត៌មានអន្តរជាតិ ៖ ទីភ្នាក់ងារ សារព័ត៌មានបរទេសចិន ឆៃណាដេលី កាលពីប៉ុន្មានម៉ោងមុននេះ បន្តិច បានចេញផ្សាយអត្ថបទ សារព័ត៌មាន អោយដឹងថា យ៉ាងហោចណាស់ មនុស្ស ពីរនាក់ ត្រូវ បានគេរាយការណ៍ អោយដឹងថា បានជាប់គាំង នៅក្រោមគំនរ ថ្ម បាក់បែក ក្រោយពីមានករណី បាក់រលំ សំណង់អាគារចាស់ ទ្រុឌទ្រោម កាលពីព្រឹកមិញនេះ នៅឯ ប្រទេសចិន ។</p>
<p><a class="thickbox" title="" href="/FileManager/Commons/2014/4/4/50-04-04-2014--13-34-03.jpg"><img src="/FileManager/Articles/mce/2014/4/4/50-04-04-2014--13-34-03.jpg" alt="" /></a></p>
<p>ដោយមានទីតាំង ស្ថិតនៅក្នុងខេត្ត Zhejiang ភាគខាងកើត ប្រទេសចិន សំណង់អាគារចាស់ទ្រុឌ ទ្រោមមួយកន្លែង មានកំពស់ ៥ ជាន់ បានបាក់រលំ កាលពីព្រឹក ថ្ងៃសុក្រ ព្រឹកមិញនេះ នៅវេលា ម៉ោង ៨ និង ៤៥ នាទី ព្រឹក ( ម៉ោងក្នុងស្រុក ប្រទេសចិន ) ។ សេចក្តីរាយការណ៍ បន្តអោយដឹងថា ភ្លាមៗនោះ ក៏មានកិច្ច អន្តរាគមន៍ ពីសំណាក់ មន្រ្តីប៉ូលីស នៅក្នុងតំបន់ ដោយបានចុះទៅដល់ កន្លែងកើតហេតុ និងជួយបាន មនុស្ស ៥ នាក់ ខណៈពេល ២ នាក់ផ្សេងទៀត ត្រូវបានគេជឿថា បានជាប់គាំង នៅក្រោមគំណរ បាក់បែក ទាំងនោះ ។</p>
<p><a class="thickbox" title="" href="/FileManager/Commons/2014/4/4/51-04-04-2014--13-34-12.jpg"><img src="/FileManager/Articles/mce/2014/4/4/51-04-04-2014--13-34-12.jpg" alt="" /></a></p>
<p>ប្រភពបន្តអោយដឹងថា កាលពីពេលកន្លងទៅនេះ ក៏ធ្លាប់មានសេចក្តីរាយការណ៍ ទៅកាន់អាជ្ញាធរ ប្រចាំ តំបន់ ស្តីពី ករណី ស្នាម ប្រេះបែក ជញ្ជាំង តែពុំមាន សមត្តកិច្ច ណាមួយចាប់អារម្មណ៍នោះ ទេ ខណៈសំណង់អាគារមួយនេះ មានអាយុកាលជាង ២០ ឆ្នាំមកហើយ មានប្រជាពលរដ្ឋរស់នៅ ប្រមាណជាង ១៥ គ្រួសារ ៕</p>
<p><a class="thickbox" title="" href="/FileManager/Commons/2014/4/4/52-04-04-2014--13-34-20.jpg"><img src="/FileManager/Articles/mce/2014/4/4/52-04-04-2014--13-34-20.jpg" alt="" /></a></p>
<p style="text-align: right;">ប្រែសម្រួល ៖ កុសល<br />ប្រភព ៖ ឆៃណាដេលី</p>