<p>តាមគម្រោង នៅ IFA ឆ្នាំនេះ Galaxy Note 4 នឹងត្រូវបានឧទ្ទេសនាម រួមជាមួយ ស្រឡាយ <br />Galaxy មួយចំនួន ដោយមាន វត្តមានរបស់ប៊ិច S Pen ផងដែរ។</p>
<p style="text-align: center;"><a class="thickbox" title="" href="/FileManager/Commons/2014/5/16/samsung-galaxy-note-4-660x330-16-05-2014--15-50-33.jpg"><img src="/FileManager/Articles/mce/2014/5/16/samsung-galaxy-note-4-660x330-16-05-2014--15-50-33.jpg" alt="" /></a></p>
<p>យោងតាមប្រភពព័ត៌មានបែកធ្លាយពីប្រទេសចិន គេជឿថា នៅក្នុងព្រឹត្តិការណ៍ IFA ២០១៤ <br />ក្រុមហ៊ុន Samsung នឹងបញ្ចេញកំណែជំនាន់បន្ទាប់ របស់ស្រឡាយស្មាតហ្វូនប្រភេទធំ Galaxy<br /> Note ។ ទន្ទឹមនឹងនេះ រចនាសម្ព័ន្ធគ្រឿងម៉ាស៊ីនរបស់វា ក៏ត្រូវបានគេបង្ហើបឱ្យដឹងយ៉ាងលំអិត។<br /> <br />តាមការគ្រោងទុក ព្រឹត្តិការណ៍ IFA ឆ្នាំនេះ Galaxy Note 4 នឹងត្រូវបានឧទ្ទេសនាម រួមជាមួយ<br /> ស្រឡាយ Galaxy Tab មួយចំនួន ដោយមាន វត្តមានរបស់ប៊ិច S Pen ផងដែរ។ Galaxy Note 4 ប្រហែលជានឹងបំពាក់អេក្រង់ដែលមានទំហំប៉ុន ឬតូចជាង ធៀបនឹងកំណែមុន។</p>
<p>ប្រភពព័ត៌មានឱ្យដឹងថា រចនាសម្ព័ន្ធគ្រឿងម៉ាស៊ីននៃផលិតផលនេះ នឹងរួមមាន អេក្រង់ ៥,៥ ឬ <br />៥,៦ អ៊ិន្ឈ៍ ប្រើប្រាស់បច្ចេកវិទ្យា Super AMOLED ដែលមានរីសូលូសឹន 2560 x 1440 pixel <br />និងប្រូសេសឺរ quad-core Snapdragon 805 កម្រិត 2,5 Ghz របស់ក្រុមហ៊ុន Qualcomm រួមនឹង<br /> RAM 3GB ។</p>
<p style="text-align: center;"><a class="thickbox" title="" href="/FileManager/Commons/2014/5/16/samsung-galaxy-note-4-660x330jpg1-16-05-2014--15-52-07.png"><img src="/FileManager/Articles/mce/2014/5/16/samsung-galaxy-note-4-660x330jpg1-16-05-2014--15-52-07.png" alt="" /></a></p>
<p>Galaxy Note 4 នឹងមាន ២កំណែ គឺ 32 GB និង 64 GB និងអាចបន្ថែមបានដល់ទៅ 128GB <br />តាមរយៈរន្ធ microSD ។ កាមេរ៉ាក្រោយរបស់វា មានកម្រិត 16Mpx អាចថតវីដេអូ Full HD កម្រិត<br /> 60 fps និង 2160p កម្រិត 30 fps ។ ចំណែកកាមេរ៉ាមុខ មានកម្រិត 2 Mpx ក៏អាចថតវីដេអូ Full<br /> HD ។</p>
<p>ដូច្នេះ គេឃើញថា ម៉ាស៊ីននេះ នឹងមានរូបរាងធំជាង Galaxy S5 ហើយអេក្រង់របស់វា ក៏មាន<br />គុណភាពជាង ធៀបនឹងអេក្រង់របស់ Galaxy S5 ផងដែរ។ ទន្ទឹមនឹងនេះ គេក៏ជឿថា Samsung<br /> អាចនឹងបញ្ចេញកំណែផ្សេងមួយទៀត ដែលប្រើប្រាស់ឈីប Samsung Exynos ដែលវានឹងត្រូវ<br />បានបង្ហាញខ្លួន ដំណាលគ្នាជាមួយនឹង ឈីប Snapdragon ។</p>
<p style="text-align: center;"><a class="thickbox" title="" href="/FileManager/Commons/2014/5/16/samsung-galaxy-note-4-660x330jpg2-16-05-2014--15-51-19.jpg"><img src="/FileManager/Articles/mce/2014/5/16/samsung-galaxy-note-4-660x330jpg2-16-05-2014--15-51-19.jpg" alt="" /></a></p>
<p>ព័ត៌មានថ្មីៗនេះ ក៏បានឱ្យដឹងថា Samsung កំពុងតែត្រៀមខ្លួន ដើម្បីប្រារព្ធព្រឹត្តិការណ៍ Galaxy <br />Premiere ២០១៤ នៅអាមេរិក ក្នុងនោះ Samsung នឹងឧទ្ទេសនាម Galaxy Tab S អេក្រង់ ១០,៥<br />អ៊ិន្ឈ៍ រីសូលូសឹន 1.600 x 2.560 pixel ។ ម៉ាស៊ីននេះ នឹងមានកាមេរ៉ាក្រោយ កម្រិត ៨megapixel <br />និងកាមេរ៉ាមុខ ២,១ megapixel ។ Galaxy Tab S ដំណើរការដោយ Android 4.4 KitKat ។ </p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ loadthegame/genk<br /><br /></p>