<div class="article-content">
<p><strong>ភ្នំពេញ ៖</strong> ជនសង្ស័យ២នាក់ បានធ្វើសកម្មភាពបាញ់ប្លន់ យកម៉ូតូមួយគ្រឿងពីជនរងគ្រោះ គូ<br />សង្សារ កាលពីវេលា ម៉ោង ២៤ និង ២០ នាទីរំលងអាធ្រាត្រ ឈានចូលថ្ងៃទី ២៦ ខែកញ្ញា ឆ្នាំ <br />២០១៣ ស្ថិតនៅតាមបណ្តោយ ផ្លូវបេតុង ភូមិព្រែកទាល់ សង្កាត់ស្ទឹង មានជ័យ ខណ្ឌមានជ័យ។</p>
<p id=":12h">សមត្ថកិច្ចឲ្យដឹងថា ជនរងគ្រោះខាងលើ មានឈ្មោះ ភិន ដារ៉ា ភេទប្រុស អាយុ ២៣ ឆ្នាំ ស្នាក់ <br />នៅផ្ទះជួល ខាងក្រោយ វត្តស្ទឹងមានជ័យ ភូមិមានជ័យ សង្កាត់ស្ទឹងមានជ័យ ខណ្ឌមានជ័យ និង<br /> នារីត្រូវជាសង្សារមានឈ្មោះ ចន្ថា អាយុ ២០ឆ្នាំ ស្នាក់នៅជិតចំណុចកើតហេតុ ហើយពួកគេ បាន<br />ជិះម៉ូតូម៉ាក CBR ពណ៌ក្រហម មួយគ្រឿង គ្មានស្លាកលេខ ឌុបគ្នាចេញពីកោះពេជ្រ ត្រឡប់ ទៅ<br />ផ្ទះវិញ ប៉ុន្តែពេលជនរងគ្រោះ ជិះម៉ូតូមកជិតដល់ផ្ទះនារីជាសង្សារ ស្រាប់តែលេចមុខ ជនសង្ស័យ<br />ចំនួន ២ នាក់ ស្លៀកពាក់ស៊ីវិល ប្រដាប់ដោយ កាំភ្លើង១ដើម ជិះម៉ូតូធុនធំមួយគ្រឿង មកក្បែរជន<br />រងគ្រោះ ហើយបានដកកាំភ្លើងបាញ់១គ្រាប់ ត្រូវបញ្ឆិតភ្លៅខាងស្តាំ របស់ឈ្មោះ ភិន ដារ៉ា បណ្តាល<br />ឲ្យរងរបួសស្រាល ហើយចំណែកក្រុមចោរប្លន់ បានដណ្តើមយកម៉ូតូ របស់ជនរង គ្រោះជិះគេចខ្លួន<br />ដោយសុវត្ថិភាព ។ ភ្លាមៗនោះ នារីរងគ្រោះបានស្រែកឆោមឡោ បង្កឲ្យ មានការភ្ញាក់ផ្អើល ដល់<br />នគរបាលមូលដ្ឋាន ចុះមកអន្តរាគមន៍ដល់កន្លែងកើតហេតុ។ </p>
<p>ក្រោយកើតហេតុ គេសង្កេតឃើញ មានសមត្ថកិច្ចមូលដ្ឋាន បានត្រឹមចុះមកធ្វើការ សាកសួរ ព័ត៌<br />មាន ជាមួយជនរងគ្រោះ ដើម្បីកសាងសំណុំរឿងតែប៉ុណ្ណោះ គឺសមត្ថកិច្ចពុំទាន់ដឹង តម្រុយសូម្បី<br />បន្តិច ពាក់ព័ន្ធនឹងករណីខាងលើនេះឡើយ ។</p>
<p>គួរបញ្ជាក់ថា កាលពីល្ងាចថ្ងៃទី ២៥ ខែកញ្ញាឆ្នាំ ២០១៣នេះ គឺមានសកម្មភាពបាញ់សម្លាប់ ស្ត្រីម្នាក់<br />ស្លាប់យ៉ាងអាណោចអាធ័ម នៅក្នុងថ្លុកឈាម លើរ៉ឺម៉កកង់បី ប្លន់យកបូបបានដោយ សុវត្ថិភាព។ ចំ<br />ពោះករណីប្លន់ ដែលកើតឡើងផ្ទួនៗគ្នាខាងលើ បងប្អូនប្រជាពលរដ្ឋ មានការ ព្រួយបារម្ភ ពីការរស់<br />នៅ និងសុវត្ថិភាព ក្នុងការធ្វើដំណើរ របស់ពួកគាត់ខ្លាំងណាស់ ដូច្នេះ ប្រជាពលរដ្ឋ បានទទូចសុំឲ្យ<br />សមត្ថកិច្ចមូលដ្ឋាន ក៏ដូចជានគរបាល នៃស្នងការដ្ឋាននគរបាល រាជធានីភ្នំពេញ មេត្តាដាក់កម្លាំង<br />ពង្រាយ និងពង្រឹងសមត្ថភាព យាមនៅតាមគោលដៅ ឡើង វិញផង ដើម្បីការពារសុវត្ថិភាព របស់<br />ពួកគាត់ ឲ្យស្របទៅតាមគោលនយោបាយ ភូមិ សង្កាត់ មានសុវត្ថិភាព។ </p>
<p>បច្ចុប្បន្នជនជនរងគ្រោះ បានទៅដាក់ពាក្យបណ្តឹង នៅទីស្នាក់ការនគរបាល ប៉ុស្តិ៍ស្ទឹងមានជ័យ <br />ទាំងទឹកមុខ គ្មានទំនុកចិត្តលើសមត្ថកិច្ចបន្តិចទេ ព្រោះកន្លងមក សកម្មភាពភ្ជង់ប្លន់ និងបាញ់ ប្លន់<br /> ជាករណី ដែលក្រុមចោរគេចខ្លួនបាត់នោះ គឺពុំដែលឃើញសមត្ថកិច្ច ឃាត់បានក្រុមចោរណា បាន<br />ម្នាក់ឡើយ ៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-014/that-0228.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-014/that-0229.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-014/that-0230.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-014/that-0231.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>