<p><span style="color: #000000;"><strong>ភ្នំពេញ</strong> : នគរបាលខណ្ឌទួលគោក បានឃាត់ខ្លួន ស្រ្តីម្នាក់ ក្រោយយកអង្រែបុកគ្រឿង ទៅវាយ ស្រ្តីចំណាស់ ម្ចាស់ផ្ទះ ក្រោយធ្វើសកម្មភាពប្លន់ យកលុយ និងគ្រឿងអល្លង្កា កាលពីល្ងាចថ្ងៃទី៨ ខែមិថុនា ឆ្នាំ២០១៥ ស្ថិត នៅផ្ទះលេខ២៧A5 ផ្លូវ លេខ៣១៣ ភូមិ៧ សង្កាត់ បឹងកក់ទី២ ខណ្ឌទួលគោក ដែលស្រ្តីដៃដល់ គឺជាអ្នកបម្រើ នៅផ្ទះកើតហេតុ។</span></p>
<p><span style="color: #000000;">នគរបាលខណ្ឌទួលគោក បានបញ្ជាក់ថា ស្រ្តីសង្ស័យឈ្មោះ ហង្ស ចន្ថា អាយុ ៣៦ឆ្នាំ មុខរបរពុំពិតប្រាកដ មានទីលំនៅ ភូមិ-ឃុំដំណាក់ចង្អើរ ស្រុកកំពង់ត្រាច ខេត្ត កំពត ។ រីឯជនរងគ្រោះ អ៊ីម ស៊ុនទី អាយុ៧២ឆ្នាំ។</span></p>
<p><span style="color: #000000;">តាមមន្រ្តីនគរបាល បានបញ្ជាក់ថា តាមដំណើររឿង កាលពីខែ ឨសភា ឆ្នាំ២០១៥ ជន សង្ស័យធ្លាប់មកសុំបំរើការងារ នៅផ្ទះជនរងគ្រោះបានបីថ្ងៃ បានសុំឈប់ លុះថ្ងៃនេះ ស្រាប់តែមកផ្ទះជនរងគ្រោះ ដោយសារឃើញជនរងគ្រោះ នៅតែម្នាក់ឯង ជនសង្ស័យ បានអូសជនរងគ្រោះចូលផ្ទះ ទាញទ្វារបិត គំរាមជនរងគ្រោះ ដោយយកអង្រែវាយកញ្ចឹង កបន្ទាប់មកប្រមូលយកលុយ និងដោះយក ជញ្ជៀនជនរងគ្រោះ ភ្លាមនោះ អ្នកជិតខាងបានឃើញ បានរាយការណ៍មកសមត្ថកិច្ច បានចុះអន្តរាគមន៍ ឃាត់ខ្លួនជនសង្ស័យជាក់ស្តែងតែម្តង ។</span></p>
<p><span style="color: #000000;">ក្រោយការចាប់ខ្លួន ស្រ្តីសង្ស័យ ត្រូវបានសមត្ថកិច្ច កំពុងសួរនាំ និងកសាងសំណុំរឿង បញ្ជូនទៅកាន់តុលាការ ចាត់ការបន្តតាមនីតិវិធី។</span></p>
<p><span style="color: #000000;"><a class="thickbox" title="" href="/FileManager/Commons/2015/6/9/6-9-2015-11-35-35-am-09-06-2015--11-41-07.png"><span style="color: #000000;"><img src="/FileManager/Articles/mce/2015/6/9/6-9-2015-11-35-35-am-09-06-2015--11-41-07.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>