<p><strong>ភ្នំពេញ៖</strong> មុននេះបន្តិចមានព័ត៌មាន ដ៏រសើបមួយ លេចធ្លាយចេញមកថា ចំណងស្នេហ៍ឆ្លងទ្វីប<br /> រវាងតារាចម្រៀងស្រីវ័យក្មេង សាច់សខ្ចីកញ្ញា រតនៈ ពិសី ជាមួយបុរសអាណិកជនខ្មែរ រស់នៅ<br />ប្រទេសបារាំង កំពុងតែជួបនូវឧបសគ្គ យ៉ាងធ្ងន់ធ្ងរដែលអាច ឈានទៅរកផ្លូវ បែកបាក់ ។ខណៈ<br />ដែលព័ត៌មាននេះ លេចរសាយមិនទាន់ ទាំងបានប៉ុន្មានផង ក៏ស្រាប់តែធ្លាយព័ត៌មានថ្មីមួយទៀត<br />មកថា ពេលនេះចំណងស្នេហ៍ រវាងអ្នកទាំងពីរបានដើរ ដល់ផ្លូវបំបែកវិញទៅហើយ។</p>
<p>បើផ្អែកតាមប្រភពពីអ្នកជិតស្និទ្ធ តារាស្រីរូបនេះបានបង្ហើបប្រាប់LookingTODAYឱ្យដឹងថា ពេល<br />នេះចំណងស្នេហ៍ឆ្លងទ្វីប របស់កញ្ញា រតនៈ ពិសី និងគូស្នេហ៍នៅ បារាំងបានជូប នឹងភាពប្រេះឆា<br /> ជាមួយគ្នា ព្រោះតែភ្លើងប្រច័ណ្ឌ ពីសំណាក់បុរសនោះ មកលើ ពិសី ខ្លាំងពេក ទើបធ្វើឲ្យជូបនូវ <br />បញ្ហាជាច្រើនយ៉ាងដូច្នេះ ។</p>
<p>ប្រភពខាងលើបានបន្តថា ដោយសារតែការហួងហែង ខ្លាំងពេលនេះហើយ ទើបធ្វើឱ្យស្រីស្រស់<br /> រតនៈ ពិសី សម្ដែងអារម្មណ៍ធុញថប់ និងសម្រចចិត្តដកខ្លួនចេញ ពីសង្វៀនស្នេហ៍ទៅវិញ យ៉ាង<br />ដូច្នេះតែម្តង។</p>
<p>ជុំវិញព័ត៌មានខាងលើនេះកញ្ញា រតនៈ ពិសី បានផ្តល់បទសម្ភាសន៍ ជាមួយគេហទំព័រ Looking<br />TODAY តាមទូរស័ព្ទនារសៀលថ្ងៃទី១៣ ខែកញ្ញា ឆ្នាំ២០១៣ឱ្យដឹងថា ចំពោះព័ត៌មានខាងលើ<br />នេះ គឺជារឿងពិត ព្រោះនាងនឹងបុរសជាគូសង្សារម្នាក់នោះ បានបែកបាក់ស្នេហ៍ជាមួយគ្នាវិញ<br />ហើយ។</p>
<p>កញ្ញា រតនៈ ពិសី បាននិយាយឱ្យដឹងទៀតថា ចំណងស្នេហ៍ឆ្លងទ្វីបរវាងនាង និង បុរសនៅបារាំង<br />គឺបានកាត់ផ្តាច់ពីគ្នាទៅវិញ ប្រហែលជា២ខែមកហើយ។ នៅពេលសួរថា តើមកពីមូលហេតុអ្វីបាន<br />ជាពិសីនិង គាត់បញ្ឈប់ការទាក់ទងគ្នា យ៉ាងឆាប់រហ័យយ៉ាងដូច្នេះ? ចំពោះសំនួរនេះត្រូវបានកញ្ញា<br /> រតនៈ ពិសី ប្រាប់ថា ពិបាកណាស់..បង ! ម្យ៉ាងគាត់នៅឆ្ងាយ..ហើយមួយវិញទៀតនោះខ្ញុំក៏មិនសូវ<br />ចូលចិត្ត អ្នកដែលហួងហែងច្រើនពេកដែរ..!"។</p>
<p>កញ្ញា រតនៈ ពិសីបានបន្តថា និយាយឱ្យចំទៅ គឺគាត់(គូរស្នេហ៍) ហួងហែង និង ប្រច័ណ្ឌខ្លាំងពេក<br /> ហើយនៅពេលដែលខ្ញុំ ធ្វើអ្វីមួយដោយមិនបានប្រាប់ គឺគាត់ខឹងខ្លាំងតែម្តង ពោលគឺនៅពេលដែល<br />ធ្វើអ្វី ត្រូវឱ្យដំណឹងទៅគាត់ ។ដូច្នេះទើបខ្ញុំ គិតថាអ្វីដែលគាត់កំពុង តែធ្វើនេះវាហួសហេតុ ដូចជា<br />បិទសិទ្ធិសេរីភាពខ្លាំងពេកហើយ..។</p>
<p>ស្រីស្រស់ពិសី បាននិយាយបញ្ជាក់ថា ព្រោះតែការមិនយល់និង ទុកចិត្តគ្នាទៅវិញទៅមកនេះហើយ<br />ទើបបានជានាង សម្រេចចិត្តដើរចេញទាំងមិនស្តាយ ក្រោយនូវអ្វីដែលធ្លាប់សាង ឡើងជាមួយគ្នាពី<br />មុនៗមកនោះ។</p>
<p>ទោះបីជាយ៉ាងណាក្តី កញ្ញា រតនៈ ពិសី ក៏បានបញ្ជាក់ដែរថា ពេលនេះនាងចង់ទុកបេះដូង របស់ខ្លួន<br />ឱ្យនៅទំនេរមួយរយៈសិន ទើបចាប់ផ្តើសាងជីវិតស្នេហ៍ជាថ្មី ជាមួយនឹងបុរសដែលនាងគិតថា ជា<br />មនុស្សល្អ និង អាចរស់នៅជាមួយគ្នា ទៅថ្ងៃអនាគត់បានណោះ៕</p>
<p>សូមអាន៖ <a href="/News/Detail/2463/chon-chanleakhena-02"><span style="color: #0000ff;">បែកធ្លាយថា ចន ច័ន្ទលក្ខិណា លែងលះស្វាមីស្ងាត់ៗ ព្រោះមានអ្នកទីបីចូលជ្រែក</span></a></p>
<p><span style="color: #000000;">ព័ត៌មានកំសាន្ត ស្តីពីតារាៗ ដ៏សម្បូរបែប ជាច្រើនទៀត<strong><span style="color: #0000ff;"> <a href="/News/Category/5/entertainment"><span style="color: #0000ff;">សូមចុចត្រង់នេះ</span></a></span></strong> !!!</span></p>
<p style="text-align: center;"><img src="http://image.lookingtoday.com:81//lookingtoday/looking-images/news/2013/September/id-017/chetha-58.jpg" alt="Photo by LookingTODAY" width="500" /></p>
<p style="text-align: right;">ដោយ៖ LookingTODAY<br />ផ្តល់សិទ្ធិដោយ៖ ដើមអំពិល</p>