<div class="article-content">
<p><strong>សៀមរាប ៖</strong> អំពើឃាតកម្ម ទៅលើនារី ម្នាក់ វ័យ ១៩ឆ្នាំ ដោយអារកសម្លាប់ហើយ ត្រូវបានគេ<br />ប្រទះឃើញសព កាលពីវេលា ម៉ោង ១ និង៣០នាទីរសៀលថ្ងៃទី២៦ ខែ វិច្ឆិកា ឆ្នាំ២០១៣ នៅ<br />ចំណុចព្រៃឧទ្យាន អង្គរ ផ្លូវ៦០ម៉ែត្រ ភូមិអារក្សស្វាយ សង្កាត់ នគរធំ ក្រុងសៀមរាបនោះ ឥឡូវ<br />ត្រូវបាន កម្លាំងអាវុធហត្ថ ខេត្ដសៀមរាប ដឹកនាំ បញ្ជាផ្ទាល់ ពីសំណាក់លោកឧត្ដមសេនីយ៍ ម៉ន<br /> សាម៉ុន មេបញ្ជាការអាវុធហត្ថខេត្ដ បំបែកបានហើយ ដោយឈានទៅដល់ការ ឃាត់ខ្លួន ជន<br />សង្ស័យ ២នាក់ ដែលម្នាក់ជា សង្សារបស់នារីរងគ្រោះតែម្ដង ។</p>
<p>មេបញ្ជាការអាវុធហត្ថខេត្ដសៀមរាប លោកឧត្ដមសេនីយ៍ ម៉ន សាម៉ុន បានប្រាប់ មជ្ឈមណ្ឌល<br />ព័ត៌មានដើមអម្ពិលឱ្យដឹងថា ជនសង្ស័យទាំង ២នាក់ ត្រូវបានកម្លាំង អាវុធហត្ថរបស់លោក ចាប់<br />ខ្លួននៅវេលា ម៉ោងប្រមាណ ១២ ថ្ងៃទី២៧ ខែវិច្ឆិកា ឆ្នាំ ២០១៣ ដោយដកហូតបានវត្ថុតាងជា<br />កាំបិត ចិតបន្លែ និងម៉ូតូសេ ១០០ ស៊េរីឆ្នាំ២០១៣ មួយគ្រឿង របស់ជនរងគ្រោះ។</p>
<p>មេបញ្ជាការអាវុធហត្ថខេត្ដសៀមរាប បានបញ្ជាក់ថា អំពើឃាតកម្មនេះជាករណីប្លន់ហើយសម្លាប់។<br /> មន្ដ្រីអាវុធហត្ថខេត្ដ សៀមរាប បានឱ្យដឹងថា ជនសង្ស័យទី១ ឈ្មោះ រ៉េត សុភារម្យ រស់នៅភូមិព្រះ<br />ដាក់ ឃុំព្រះដាក់ ស្រុកបន្ទាយស្រី ខេត្ដសៀម រាប និងជនសង្ស័យទី២ ឈ្មោះ ស៊ឺ អាយុ ២២ឆ្នាំ រស់<br />នៅភូមិថ្នល់ទទឹង ឃុំព្រះដាក់ ស្រុកបន្ទាយស្រី ។</p>
<p>សូមបញ្ជាក់ថា កាលពីរសៀលថ្ងៃទី២៦ ខែវិច្ឆិកា ឆ្នាំ២០១៣ សពនារីម្នាក់ដែល សមត្ថកិច្ចប្រាប់ថា<br /> មានឈ្មោះ ជន វន ហៅ រីណា អាយុ ១៩ឆ្នាំ រស់នៅភូមិក្រសាំ រលើង សង្កាត់សៀមរាប ក្រុងសៀម<br />រាប ត្រូវបានគេប្រទះឃើញដេកស្លាប់ ដោយ ស្នាមអារក នៅចំណុចព្រៃឧទ្យានអង្គរ សង្កាត់អង្គរធំ <br />ក្រុងសៀមរាប ។</p>
<p>ក្រោយ ប្រទះឃើញសពនារីរងគ្រោះ កម្លាំងសមត្ថ កិច្ចចម្រុះទាំងនគរបាល និងអាវុធហត្ថបាន ចុះ<br />ទៅភ្លាមៗនៅកន្លែងកើតហេតុ ដើម្បី ស្វែងរកវត្ថុតាង និងបើកការស្រាវជ្រាវ តាមចាប់ឃាតក ។បច្ចុ<br />ប្បន្នជនសង្ស័យ ទាំង ២នាក់ ស្ថិតក្រោមការសាកសួរនៅទី បញ្ជាការដ្ឋានអាវុធហត្ថ ខេត្ដសៀមរាប <br />ដើម្បីរៀបចំកសាងសំណុំរឿង បញ្ជូនទៅ តុលាការផ្ដន្ទាទោសតាមផ្លូវច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0938.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0939.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0940.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0941.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0942.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0943.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0944.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/November/id-067/CH-0945.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>