<p>ក្រុមហ៊ុនផលិតនាវា Juliet បានប្រកាសថា ខ្លួនច្នៃបានជោគជ័យនូវនាវាបំបាំងកាយដែលអាច<br />ឆ្លើយតបទៅនឹងរាល់តម្រូវការរបស់កងទ័ពជើងទឹកអាមេរិក ក្នុងការបំពេញបេសកកម្ម ឬប្រយុទ្ធ។</p>
<p style="text-align: center;"><a class="thickbox" title="" href="/FileManager/Commons/2014/8/30/ship1-30-08-2014--21-47-52.jpg"><img src="/FileManager/Articles/mce/2014/8/30/ship1-30-08-2014--21-47-52.jpg" alt="" /></a></p>
<p>ទំព័រ CNN បានរាយការណ៍ថា អគ្គនយករបស់ក្រុមហ៊ុន Juliet លោក Gregory Sancoff អះអាង<br />ថា កំពូលនាវាបំបាំងកាយដែលមានរហ័សនាមថា Ghost (ខ្មោច) នេះ អាចការពារសុវត្ថិភាព<br />បានទាំងស្រុងនូវនាវាចម្បាំង និងនាវាដឹកយន្ដហោះរបស់អាមេរិក ពីការគំរាមរបស់បណ្ដា នាវា<br />ពិឃាត ប្រភេទតូចល្បឿនលឿនរបស់សត្រូវ។ បច្ចេកវិទ្យាបំបាំងកាយដ៏អស្ចារ្យរបស់នាវានេះ <br />អាចជួយឱ្យវា មិនត្រូវបានរ៉ាដារបស់សត្រូវចាប់បាននោះទេ។</p>
<p style="text-align: center;"><a class="thickbox" title="" href="/FileManager/Commons/2014/8/30/ship2-30-08-2014--21-48-33.jpg"><img src="/FileManager/Articles/mce/2014/8/30/ship2-30-08-2014--21-48-33.jpg" alt="" /></a></p>
<p>រយៈពេលថ្មីៗកន្លងទៅនេះ នាវាបំបាំងកាយ Ghost បានធ្វើការសាកល្បងជាថ្មី និងបង្ហាញពី<br />ល្បឿនដ៏លឿនរបស់វា។ Ghost អាចបរលើទឹកបាន ៩៥គីឡូម៉ែត្រ/ម៉ោង។ ប្រព័ន្ធស្លាបទាំងពីរ<br />របស់វា ជួយឱ្យផ្នែកខាងក្រោមរបស់នាវានេះ ងើបផុតពីរលកទឹក ក៏ដូចជាផ្ទៃទឹក។</p>
<p style="text-align: center;"><a class="thickbox" title="" href="/FileManager/Commons/2014/8/30/ship3-30-08-2014--21-49-08.jpg"><img src="/FileManager/Articles/mce/2014/8/30/ship3-30-08-2014--21-49-08.jpg" alt="" /></a></p>
<p>ភាគីក្រុមហ៊ុន ឱ្យដឹងថា Ghost មានប្រវែង ១៨ម៉ែត្រ ជាមួយនឹងក្រុមនាវិក ៣រូប។ នាវានេះ <br />អាចបញ្ជាពីចម្ងាយ។ នៅក្នុងនាវានេះ គេអាចផ្ទុកកងកម្លាំងពិសេសចំនួន ១៨រូប។ Ghost អាច<br />លុកចូលបានលឿន ទៅក្នុងដែនទឹករបស់សត្រូវ ដោយសារតែបច្ចេកវិទ្យាបំបាំងកាយពីរ៉ាដា។<br /> Sancoff ថ្លែងថា មន្ទីរបញ្ចកោណ មិនទាន់យកចិត្តទុកដាក់នឹងនាវារបស់ពួកគេ គឺដោយសារតែ<br />ក្រុមហ៊ុនរបស់ពួកគេ ជាក្រុមហ៊ុនតូច។</p>
<p style="text-align: center;"><a class="thickbox" title="" href="/FileManager/Commons/2014/8/30/ship4-30-08-2014--21-50-04.jpg"><img src="/FileManager/Articles/mce/2014/8/30/ship4-30-08-2014--21-50-04.jpg" alt="" /></a></p>
<p style="text-align: left;">ប្រភពព័ត៌មាន ឱ្យដឹងថា តាមពិត នាវានេះបានបង្ហាញខ្លួន កាលពីជាងមួយឆ្នាំមុន ក៏ប៉ុន្ដែ វាត្រូវ<br />បានភាគីក្រុមហ៊ុន ធ្វើការអភិវឌ្ឍជាបន្តបន្ទាប់។ យ៉ាងនេះក្ដី វាមិនទាន់ទទួលបានចំណាប់អារម្មណ៍<br />ពីអាជ្ញាធរ ក៏ដូចជាមន្ទីរបញ្ចកោណអាមេរិកនៅឡើយ។</p>
<p style="text-align: center;"><a class="thickbox" title="" href="/FileManager/Commons/2014/8/30/ship5-30-08-2014--21-50-43.jpg"><img src="/FileManager/Articles/mce/2014/8/30/ship5-30-08-2014--21-50-43.jpg" alt="" /></a></p>
<p>Juliet គឺជាក្រុមហ៊ុនមួយ ក្នុងចំណោមក្រុមហ៊ុនដ៏តិចតួចដែលហ៊ានវិនិយោគសម្រាប់ការស្រាវ<br />ជ្រាវ និងសម្រេចជាផលិតផល ដោយមិនទាន់មានការយល់ព្រមទិញ ពីមន្ទីរបញ្ចកោណ។ ប៉ុន្ដែ<br /> នាវានេះត្រូវបានបង្កើតឡើង គឺដោយយោងទៅតាមតម្រូវការជាក់ស្ដែងរបស់កងទ័ពជើងទឹក ពិសេសគឺក្រោយពីមានការវាយប្រហារនាវាចម្បាំង USS Cole នៅ ប្រទេស យេមេន កាលពីឆ្នាំ<br /> ២០០០ បណ្ដាលឱ្យនាវិក ១៧នាក់ស្លាប់៕</p>
<p><object width="476" height="408" data="http://www.youtube.com/v/6RuJ1vdjrMg&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/6RuJ1vdjrMg&rel=1" /></object></p>
<p><object width="476" height="408" data="http://www.youtube.com/v/IOH4alBg_ZA&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/IOH4alBg_ZA&rel=1" /></object></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ CNN/Youtube<br /><br /></p>